Yesaya 13:11 - Tonga Bible 1986

¹¹ Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Yesaya 13:11 Referans Kwoze

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 5:15

Munthu wakotamiya pasi, ŵanthu ŵasiskikiya pasi, ndipo maso gha ŵakujikuzga ghafoteskeka.

Yesaya 26:21

Pakuti ehe, Ambuya atuza kutuwa mu malo ghawo, kuzachilanga ŵakuja mu charu pa chifukwa cha kwananga kwawo, ndipo charu chazamvumbuwa ndopa zakudikiya paku cho, ndipo kuti chikabisanga so ŵakubayika ŵake cha.

Yesaya 14:21

Rongosoni kubaya ŵana ŵake chifukwa cha kulakwa kwa auskeu, vinu ŵangayuka ndi kuhara charu chapasi, kuzaza chisku cha charu chapasi ndi mizi.”

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Yesaya 3:11

Owe ku muheni! Kukamuŵiyanga uheni, pakuti vyo manja ghake ghachita vikachitikiyanga kwaku iyo.

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.

Jobu 40:12

Lereska paku yose yo ngwakujikuzga ndipo mususkiye pasi, phwatiya pasi ŵaheni mu malo gho ŵatuma;

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

Yesaya 14:5

Ambuya afyo nthonga ya ŵaheni, ndodo ya ufumu ya ŵeruzgi,

Yesaya 22:14

Ambuya ŵa maŵanja ajivumbuwa ŵeneko mu makutu ghangu: “Kwakuneneska ulakwi uwu kuti mukagowokerekiyanga cha, mpaka mukafwanga,” atiti Ambuya Chiuta wa maŵanja.

Yesaya 23:9

Ambuya ŵa maŵanja ndiwo akuchighanaghana ichi, ku fipiska kujikuzga kwa unkhankhu wose, kuyeya ŵakutumbikika ŵa charu chapasi.

Yesaya 24:21

Mu zuŵa liya Ambuya akalanganga maŵanja gha kuchanya, mu machanya, ndi ŵakaronga ŵa charu, pa charu chapasi.

Yesaya 25:3

Chifukwa ichi ŵanthu vilimbi ŵakakankhuskanga imwe; misumba ya mitundu ya nkhaza yopenge imwe.

Yesaya 29:5

Kweni chimzinda cha ŵarwani ŵinu chikaŵanga nge ndi fuvu limanavi, ndipo unandi wa ŵaphuzu ukaŵanga uli ndi mwere wo uputa. Mu kanyengo kamoza, mwakubuchizga.

Yesaya 29:20

Pakuti ŵankhaza ŵakachitikanga vyaŵakaŵaka ndi ŵakunyoza ŵakalekanga, ndipo wose wo ŵalereze kuchita uheni ŵakadumulikangako,

Yesaya 65:7

maulakwi ghawo ndi maulakwi gha auskewo pamoza nawo, atiti Ambuya; chifukwa ŵangocha vyachema pa mapiri ndi kundituka pa mapiri pachanya, mu chifukwa cha machitidu ghawo ghakudanga ndikaŵapimiyanga mphoto yapa chifuŵa chawo.”

Yeremiya 48:29

Tavwa gha kujikuzga kwaku Moabu ndipo nadi watijikuzga ukongwa, pa kujituntha kwake, kujikuzga kwake, ndi kujitukumuwa kwake, ndi kujikwezga kwamtima wake.

Habakuku 2:4

Yo mzimu wake kuti ngwakunyoroka cha watondekenge, kweni murunji waŵenge wamoyo chifukwa cha chivwanu chake.

Nthanthi 11:31

Asani murunji walonde thayu pa charu, naku wamphulupulu ndi muheni kuŵenge uli.

Yesaya 2:12

Pakuti Ambuya ŵa maŵanja ŵendi zuŵa lakumikana ndi wose wo mbakujikuzga ndi akujikwezga, lakumikana ndi wo ŵakukwezgeka wo ŵe pachanya,

Yesaya 25:5

uli nchifundizi mu malo ghayumu. Imwe muthereska chiwawa cha ŵalendo, uli nchifundizi ku muduzi wa mtambo, viyo sumu ya wankhaza yikanizgika.

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;