Yesaya 12:5 - Tonga Bible 1986

⁵ “Mbani marumbu ku Ambuya, pakuti achita ndi unkhankhu, chitani chiziŵikwe ichi mu charu chose chapasi.

Yesaya 12:5 Referans Kwoze

Sumu 98:1

Mbiyani Ambuya sumu yifya, chifukwa achita vyakuziziswa! Janja lawo lamarghe ndi mkono wawo utuŵa vyaŵapaska upundi.

Chituwa 15:1

Sono Mosese ndi ŵaYisraele ŵangumba sumu iyi ku Ambuya, ŵanguti, “Ndikambanga ku Ambuya, pakuti apunda kwakutumbwa; ŵakavalo ndiŵakukwerapo ŵake apong'a mu nyanja.

Habakuku 2:14

Chifukwa charu chapasi chizazenge ndi mziŵiru wa unkhankhu wa Ambuya, nge ndi maji ghazaza nyanja.

Yesaya 40:9

Kwere ku phiri litali, Zioni we, wakumemeza uthenga wamampha; soska mazu ghako ndi nthazi, Yerusalemu we, wakumemeza uthenga wamampha, uwukwezge, ungopanga cha, nena ku mizi ya ku Yuda, “Ehe Chiuta winu!”

Chituwa 15:21

Ndipo Miriamu wanguŵambiya: “Mbaninga ku Ambuya chifukwa apunda ndikutumbwa; kavalo ndi wakukwerapo wake apong'a mu nyanja.”

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Sumu 105:2

Mbiyani iwo akoŵeriyeni marumbu; kambani vya nchitu zawo zose zakuziziswa zo atata!

Sumu 72:19

Litumbikike zina lake la unkhankhu muyaya; unkhankhu wake uzaze mu charu chose, Ameni! Ameni!

Yesaya 24:14

Ŵasoska mazu ghawo, ŵambiya chimwemwe; pa kuziza kwa Ambuya ŵaŵawata kutuwa ku zambwe.

Yesaya 42:10

Mbiyani Ambuya sumu yifya, marumbu ghawo kutuwa ku chigoti cha charu chapasi! Nyanja yiwurume ndi vyose vyakuyizaza, vyaru vyamu malikumba ndi ŵakujamo ŵake

Yesaya 42:11

Bozwa ndi mizi yake visoske mazu ghawo, mizi yo wajamo Kedara; ŵakuja mu Sela ŵambe ndi likondwa, ŵadanirizga pachanya pa mapiri.

Yesaya 44:23

Mbani mwa machanya, pakuti Ambuya achichita, kamburani, mwa ndimba za charu chapasi; sereni mukumba, mwa mapiri mwe, wa lisuwa we, ndi muti wose wa mwake! Pakuti Ambuya awombo Yakobe, ndipo akakakhuskikanga mwaku Yisraele.

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.