Yesaya 12:2 - Tonga Bible 1986

² “Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 12:2 Referans Kwoze

Chituwa 15:2

Ambuya ndi nthazi yangu ndi sumu yangu, ndipo aŵa iwo utaski wangu: mweniyo ndi Chiuta wangu, ndipo ndikamurumbanga, Chiuta wa ada, ndipo ndikamukuzganga.

Sumu 27:1

Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

Sumu 118:14

Ambuya ndi nthazi yangu ndi sumu yangu; ndiwo Mtaski wangu!

Chivumbuzi 7:10

ndipo ŵakamburanga ndi mazu ghakuru ŵakuti, “Utaski we kwaku Chiuta widu, mweniyo waja pa chitengu-chaufumu cho, ndi ku Mwana-mberere yo!”

Yona 2:9

Kweni ine nkhaperekanga sembe kwinu ndi mazu ghakuwonga, nkhaperekanga cho ndajirapizga nacho. Utaski ngwa Ambuya!”

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Yeremiya 3:23

Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

ŴaRoma 1:16

Chifukwa kuti ndikanyara ndi evangeli wo cha: chifukwa ndi nthazi yaku Chiuta, yakutaskiya yose yo ngwakuvwana; kuti muYuda danga, ndi so ku muGriki.

Hoseya 1:7

Kweni nkhaŵanga ndi lisungu ndi nyumba yaku Yuda, ndipo ndiŵataskenge ndi nthazi ya Ambuya Chiuta wao; kuti nkhaŵataskanga ndi uta cha, pamwenga lipanga, pamwenga nkhondo, pamwenga ŵakavalo, pamwenga ŵakukwera pa ŵakavalo.”

Yesaya 62:11

Ehe, Ambuya amemeza mpaka ku chigoti cha charu chapasi: Kamba ku ŵanthu ŵaku Zioni, “Ehe mtaski winu watuza, awonani, wapinga mphoto yeniyo wakakuwomboliyaninga nayo.”

Yesaya 32:2

Yumoza ndi yumoza wakaŵanga uli ndi malo ghakubisamamo ku mphepo, musana wakubisamako ku lirondo, nge nthumisinji twa maji mu charu chiyumu, nge nchiduzi cha jarawe likuru mu charu chakuvuka.

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

1 Samuele 2:1

Ndipo Hana wanguromba wanguti, “Mtima wangu ukondwere mu Ambuya, nthazi zangu zasoskeke mu Ambuya. Mlomo wangu useka ŵarwani ŵangu, chifukwa ndikondwere mu uwombozi winu.

Jobu 13:16

Ichi ndicho chikaŵanga utaski wangu mwakuti munthu wambura kuziŵa Chiuta kuti wakazanga pa maso ghake cha.

Sumu 112:8

Kuti wasuzgika ndi maghanaghano pamwenga kuchita wofi cha, wafikapo mtima kuti wakawonanga ŵarwani ŵake ŵachithereskeka.

Yesaya 10:24

Viyo atiti, Ambuya ŵa maŵanja: “Owe mwa ŵanthu ŵangu, mwa ŵakuja mu Zioni, rekani kuwopa ŵaAsiriya ŵachikoso ndi nthonga ndi kusoske ndodo yawo paku imwe nge ndimo ŵanguchitiya ŵaEgipiti.

Yesaya 17:10

Mwaruwa Chiuta winuyo watimutaskani, ndipo mwaruwa Jalawi linu lakubisamamo; chifukwa chenichi, chingana mungapanda mbeu zakukondweska ndi kundondomeka tumiti twa ŵachiuta ŵalendo,

Yesaya 27:5

Kweni udange charonde ine nge nchakudingang'amo chake ndi kuchita nane chimango, udange wachita nane chimango.”

Yesaya 49:5

Ndipo sono Ambuya atiti, wo angundilenga kutuwa ku chibari kuŵa mteŵeti wawo, kuwezge Yakobe kwaku iwo, ndikuti Yisraele waungane kwaku iwo, pakuti ndatumbikika mu maso gha Ambuya, ndipo Chiuta wangu waŵa nthazi yangu.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 65:18

Kweni mukasekerenga ndi kukondwere muyaya mwaku cho ndilenga; pakuti ehe, ndilenga Yerusalemu kuŵa likondwa, ndi ŵanthu ŵake kuŵa ndi chimwemwe.

Danyele 3:28

Nebukadanezara wanguti, “Watumbikike Chiuta waku Shadreke, Mesheke, ndi Abedenego, yo watuma mungelo wake kutaska ŵateŵeti ŵake, wo ŵagomezga mwaku iyo, ŵangukana dangu laku ine nda karonga, ŵangupereka maliŵavu ghawo kwakuruska kuteŵete ndi kusopa chiuta munyake, kweni Chiuta wawo pe.

Yoele 2:23

“Kondwani mwa ŵana ŵaku Zioni, sekeriyani mwa Ambuya Chiuta winu, chifukwa wampaskani vuwa yakwamba, ndi yaumari nge ndi kali.

Habakuku 3:18

ndipuuli ndikondwenge mu Ambuya, ndi kusekere mwaku Chiuta, mtaski wangu.

2 Samuele 7:24

Ndipo imwe mukujimiskiya imwe mwaŵeni khamu linu Yisraele kuŵa ŵanthu ŵinu muyaya; ndipo imwe, A, Ambuya mukuŵa Chiuta wawo.

Sumu 65:6

Ndi nthazi yinu mwamika mapiri, kurongo nthazi zinu zakuzungura.

Sumu 68:20

Chiuta widu ndi Chiuta wa utaski; ndi Ambuya, Mbuyafwe, yo watitipozomoska ku nyifwa.

Sumu 68:21

Kwakuneneska Chiuta waphwanyenge mitu ya ŵamawongo ŵake, mitu yaku ŵeniwo ŵanonope mu nthowa zawo ziheni.

Sumu 118:21

Ndimuwongani chifukwa mwandamuka, ndipo mwaŵa chipozomosko changu.

Yesaya 33:22

Pakuti Ambuya ndi mweruzgi widu, Ambuya ndiwo akutiusa, Ambuya ndi karonga widu, akatitaskanga.

Yesaya 38:20

Ambuya akanditaskanga, ndipo tikambanga pa vyamalisinga mazuŵa ghose gha umoyo widu, pa nyumba ya Ambuya.

Yesaya 51:12

“Ine, ndine ndisangaruska iwe; ndiwe yani iwe po utopa munthu mweniyo watufwa, mwana wa munthu yo wakulengeka uli mbuteka,