Yesaya 12:1 - Tonga Bible 1986

¹ Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Yesaya 12:1 Referans Kwoze

Sumu 30:5

Pakuti ukari wawo ngwa kanyengo kamanavi, kweni chifundu chawo nchaku umoyo wose. Kuliya kungaŵapo usiku wose, kweni ku mlenji kuŵenge chimwemwe.

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

Yesaya 54:8

Mu ukari wakurutiliya kwa kanyengo ndingubisa chisku changu kwako, kweni ndi chanju cha muyaya ndikaŵanga ndi chitima paku iwe, atiti Ambuya, Muwombozi wako.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Yesaya 51:3

Pakuti Ambuya akasangaruskanga Zioni; akasangaruskanga malo ghawo ghose gha uyiku, ndipo akasanduskanga mabozwa ghake, kuŵa nge ndi Edeni, lisuwa lake ulaka ndi munda wa Ambuya; likondwa ndi chimwemwe vikasanirikanga mwake, kuŵaonga ndi mazu gha sumu.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yesaya 14:3

Pa nyengo yo Ambuya akupaskani chipumulo ku urwirwi winu ndi kukutimbanizgika ndi ku kutakataka kuzitu ko ŵangumutakatiskani,

Yesaya 49:13

Mbiyani likondwa, mwa machanya mwe, tumbwanga wa charu chapasi; kamburani, mwa mapiri mwe ndi mumba! Pakuti Ambuya asangaruska ŵanthu ŵawo, ndipo akaŵanga ndi chitima pa ŵakusuzgika ŵawo.

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

ŴaRoma 11:15

Chifukwa asani kutayika kwawo kwaŵiya kwanjaniska kwa charu kwaku Chiuta, kurondeka kwaku wo kuŵiyenge chine? Kweni umoyo kutuliya ku ŵakufwa.

Zekariya 14:20

Mu zuŵa lo kulembekenge pa miliwo ya ŵakavalo, “Utuŵa ku Ambuya.” Ndipo viŵiya mu nyumba ya Ambuya viŵenge nge ndi mbali panthazi pa jochero;

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Yesaya 66:13

Uli ndiyuwa anyina ŵasangaruska, viyo ndimu ndikakusangaruskiyanga; ukasangaruskikanga mu Yerusalemu.

Yesaya 26:1

Mu zuŵa liya sumu iyi yikambikanga mu charu chaku Yuda: “Tendi muzi wakukho; wamika utaski nge ndi malinge ndi lisitu.

Yesaya 11:16

Ndipo kukaŵanga gurwi kutuliya ku Asiriya chifukwa cha ŵanthu ŵakujapo wo ŵasiyika, uli ndimo wanguŵiya pa ŵaYisraele wachikwera kutuwa mu charu cha Egipiti.

Yesaya 10:25

Pakuti mu kanyengo kamanavi ukongwa kukara kwangu mukamaranga ndipo ukari wangu ukatumikanga ku phasulu lawo.

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Jobu 13:16

Ichi ndicho chikaŵanga utaski wangu mwakuti munthu wambura kuziŵa Chiuta kuti wakazanga pa maso ghake cha.

Sumu 9:1

Ndiwongenge Chiuta ndi mtima wangu wose; ndikonkhomenge vyakuzuziswa vinu vyose.

Sumu 71:21

Mukandikuzganga kuruska pakudanga, ndipo mukandisangaruskanga so.

Yesaya 54:7

Kwa nyengo yimanavi ndingukujowo, kweni ndi chitima chikuru ndikakuwunjikanga.

Yesaya 54:9

“Pakuti ichi chiyana ndi mazuwa ghaku Nowa kwa ine: uli ndimo ndingrapiya kuti maji ghaku Nowa ghareke kuza so pa charu chapasi, viyo so ndimu ndarapiya kuti ndikakukwiyiyanga cha ndipo kuti ndikuchenyenge cha.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 64:5

Mukumana nayo yo wachita ukongorekwa ndi likondwa, wo ŵakumbuka imwe mu nthowa zinu. Ehe, ifwe tingulakwa imwe mungukaripa; mu uheni widu tajamo nyango yitali ukongwa, ndipo kumbi tikataskikanga?

Yesaya 65:18

Kweni mukasekerenga ndi kukondwere muyaya mwaku cho ndilenga; pakuti ehe, ndilenga Yerusalemu kuŵa likondwa, ndi ŵanthu ŵake kuŵa ndi chimwemwe.

Yeremiya 30:19

Mwenimo mukatuwanga sumu zakuwonge, ndi mazu ghaku wo mbakusangaruka. Ndikaŵandaniskanga, kuti ŵakaŵanga ŵamana cha; ndikaŵachitanga kuŵa ŵakuzirwa, ndipo kuti ŵakayuyukanga cha.

Zekariya 8:11

Kweni sono kuti ndiŵachitiyenge ŵakujako ŵa ŵanthu cha nge ndi mu mazuŵa ghakudanga, atiti Ambuya ŵa maŵanja.

Zekariya 8:19

“Viyo atiti Ambuya ŵa maŵanja: Kufunga kwa mwezi wachinayi, ndi kufunga kwa wachinkhonde, ndi kufunga kwa wa chinkhonde ndi chiŵi, ndi kufunga kwa wa chumi, kukaŵanga ku nyumba yaku Yuda mu nyengo za likondwa ndi chimwemwe, ndi madghera ghakusangaruska; viyo mwanje uneneska ndi chimangu.

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Jobu 11:16

Ukaruwanga masoka ghako, ukaghakumbukanga nge ndi maji gho ghajumphapo.

Sumu 85:4

Tiwezgeni, A Chiuta mtaski widu, ndipo tayani kukara kwinu paku ifwe!

Sumu 86:17

Ndirongoni chisimikizgu cha umampha winu, Ambuya; mwakuti wose ŵakunditinkha ŵachiti soni, ŵachiwona kuti imwe mwandovya ndi kundisangaruska.

Yesaya 60:10

Ŵalendo ŵakazenganga malinga ghinu, ŵakaronga ŵawo ŵakakutataliyaninga; pakuti mu ukari wangu ndingukukosoni, kweni mu wezi wangu ndakuchitiyani, lisungu imwe.

Yeremiya 31:13

Sono ŵamwali ŵakakondwanga pa kuvina, ŵanyamata ndi makhongwe ŵakasangarukanga. Ndikasanduskanga chitenje kuŵa likondwa lawo. Ndikaŵasangaruskanga, ndipo ndiŵapaskenge kukondwa mu malo gha chitima.

Zekariya 1:16

Chifukwa ichi, atiti Ambuya, Ndawere ku Yerusalemu ndi lisungu; nyumba yangu yizengekenge mwenimo, atiti Ambuya ŵa maŵanja; ndipo chingwe chakupimiya chikatambarukiyanga pachanya pa Yerusalemu.