Yesaya 11:4 - Tonga Bible 1986

⁴ kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Yesaya 11:4 Referans Kwoze

2 ŴaTesalonika 2:8

Ndipo wamvumbulika chikana marangu yo mweniyo Ambuya amukumwananga ndi mvuchi wamumlomo wawo, ndipo amukumuvikita ndi chiwoneka cha uzi wawo.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Malaki 4:6

ndipo iyo wazamung'anamuwa mitima ya auskeu ku ŵana, ndi mitima ya ŵana ku auskeu, vinu ndingaza ndi kupuma charu ndi thembo.”

Jobu 4:9

Ŵaparghang'ika ndi kututa kwaku Chiuta ndipo ndi mvuchi wa ukari wake ŵamara.

Mateyu 5:5

“Mbakutumbikika ŵakuzika: pakuti iwo ŵaharenge panupasi.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yakobe 3:13

Njani wazeru ndi wakuwamo mwakuimwe? Warongole ndi kajaridu kake kakutowa milimu yake mu upovu wa zeru.

ŴaGalatia 5:23

upovu, kujitintha; dangu lakukanizga vyaviyo palive.

Yeremiya 33:15

Mu mazuŵa ghenigho ndi pa nyengo yeniyiya ndikamuyuskikyanga Davidi mphanda yirunji, iyo wazamuchita cheruzgu chirunji ndi ukongorekwa mu charu.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Sumu 2:9

Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

Chivumbuzi 2:16

Viyo ng'anamuka, vinu ndingaza kwako ruŵi, ndikurwana nawo ndi lipanga la mlomo wangu.

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Tito 3:2

kuphara munthu yumoza cha, kuŵa ŵaziralisonji, ŵaroŵevu, ŵakurongo upovu wose ku ŵanthu wose.

Yesaya 32:1

Ehe, karonga wakausanga mu ukongorekwa, ndipo mafumu ghakeruzganga mu urunji.

Yesaya 29:19

Ŵakuzika ŵakarondanga chimwemwe chifya mu Ambuya, ndipo ŵasauchi mukati mu ŵanthu ŵakakondwanga mu Mtuŵa Yumoza yo waku Yisraele.

Yesaya 16:5

po ndipo chitengo cha ufumu chikamikikanga mu chanju chizirima ndipo paku cho ŵakajangapo mu ukongorekwa mu hema laku Davidi yo wateruzga ndi wapenja cheruzgu chirunji ndi ngwakukankhamika kuchita urunji.”

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

2 ŴaKorinte 10:1

Kweni mu ukhovu ndi mu umampha waku Kristu ndikuŵeyereni ine, nda Paulo, ndawakujiyuyuwa pa maso pinu, kweni pakuŵa kunyake nda wakujitunthwa paku imwe;

Machitidu gha Ŵakutumika 9:1

Kweni Saulo wenga weche kututiya pa ŵasambizi ŵa ambuya fingu ndi mbanda; ndipo wanguruta ku mzukuru mura yo,

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Yeremiya 5:28

ŵakuwa ndi kututuŵa, ŵali bwitubwitu. Kuti ŵaziŵa po ŵamurekezga nchitu zawo za mphurupuru cha; kuti ŵateruzga ndi urunji cha mlando wa ŵaranda ŵatuwendeska mwakwenere cha, ndipo kuti wavikiriya vyakurunjika ku ŵasauchi cha.

Yesaya 3:14

Ambuya asere mu cheruzgu kumikana ndi ŵara ndi nduna za ŵanthu ŵawo: “Ndimwe mwaparghang'a munda wamphereska, muskowo wa ŵasauchi we mu nyumba zinu.

Yesaya 1:17

sambirani kuchita umampha, penjani cheruzgu chirunji, wovyani ŵakusuzgika; vikiriyani ŵana ŵaranda, chitiyani lisungu vyoko.

Sumu 110:2

Kutuliya ku Zioni Ambuya atandawuwenge mazaza gha ufumu wako. Usa pachanya pa ŵarwani ŵako.

Sumu 18:8

Mungutuwa usi mu mphunu zake, ndipo moto wakupirizga ungutuwa mu mlomo wake; maka gha moto ghalilimanga kutuwa kwaku iyo.

2 Samuele 8:15

Viyo Davidi wanguwusa paku Yisraele yose; wangweruzga ndi kuchitiya urunji khamu lake lose;

Yesaya 13:11

Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Yesaya 14:30

Ndipo waumwali wa musauchi wakarghanga, wanja wakalanga pasi mu Chimangu, kweni ndikabayanga msisi winu ndi nja, ndipo wakujapo winu ndikakosonga.

Yesaya 26:6

Rundi lipwatapo, marundi gha ŵasauchi, nthangara za ŵakavu.”

Yesaya 30:28

mvuchi wake we nge ndi kamsinji kakusapatiya, keniko kafika mpaka ku khosi; kusefa mitundu ndi sefa ya kuparghang'a, ndi kuŵika mu njegheyu za ŵanthu chakuphatika ku mlomo cho chipuruska.

Yesaya 30:31

ŴaAsiriya wofyerwenge pa kakambidu ka Ambuya, achikoso ndi nthonga yawo.

Yesaya 32:7

Mauthyanithyani gha muthyanithyani nkhulakwa; watata vipangu vya utimbanizi, kubwanganduwa ŵasauchi ndi mazu gha utesi, chingana makani gha msokwa ghangarunjika.

Yesaya 33:22

Pakuti Ambuya ndi mweruzgi widu, Ambuya ndiwo akutiusa, Ambuya ndi karonga widu, akatitaskanga.

Yesaya 40:7

Uteka ufota, luŵa lisanduka, penipo mvuchi wa Ambuya uputiyapo; kwakuneneska ŵanthu mbuteka.

Yesaya 49:2

Anguchita mlomo wangu uli ndi lipanga lakuthwa, angundichita mu chiduzi cha janja lawo; angundichita muvwi wakunoleka, angudibisa mu phodo lawo.

Jobu 15:30

kuti wakathaŵanga mdima cha, mlipu wa moto ukamaliskanga mphanda zake, ndi maluŵa ghake ghakaputiskikanga kutali ndi mphepu.

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

Yesaya 2:4

Weruzgenge pakati pa makhamu, wazamujarika umampha ŵanthu ŵanandi, ndipo ŵazamsula malipanga ghawo kuŵa vyakulimiya, ndi mikondo yawo kuŵa vimayi vyakupanthiya; mtundu kuti wazamsoske lipanga pa mtundu cha; chingana nkhusambira so nkhondo nako cha.

Hoseya 6:5

Chifukwa ichi ndaŵacheka ndi ŵamuchimi, ndaŵabaya ndi mazu gha mu mlomo wangu, ndipo cheruzgu changu chituwa nge mbukweru.