Yesaya 10:9 - Tonga Bible 1986

⁹ Kumbi Kalno kuti wayana ndi Karchemishi cha? Kumbi Hamati kuti wayana ndi Arpadi cha? Kumbi Samaria asi wayana ndi Damasko?

Yesaya 10:9 Referans Kwoze

2 Mikoka 35:20

Pavuli paku chenichi Josiya wanguti warongoso kasopi, Neko karonga waku Egipiti wanguza kupota nkhondo ndi Karchemishi ku Efrate. Ndipo Josiya wangutuwa kurwa nayo.

2 ŴaKaronga 16:9

Ndipo karonga wa Asiriya wangumuvwiya, wanguruta kwachirwana ndi Damasko, ndi wanguwukwamphuwa, wanguyora ŵamikoli kuya nawo ku Kiri, ndipo wangubaya Rezini.

Yeremiya 46:2

Ndi ghakunena ndi Egipiti, gha pa wumba wa ŵankhondo ŵaku Farao Neko, karonga wa Egipiti, ŵeniwo wenga pa msinji Efrate pa Karchemishi ndi ŵeniwo Nebukadanezara karonga wa Babiloni wanguthereska mu chirimika cha chinayi chaku Yehoyakimu mwana waku Josiya, karonga waku Yuda:

Chiyambo 10:10

Kwamba kwa ufumu wake kwenga Babele, Ereke, ndi Akada, vyose ivi mu charu cha Shinara.

Yeremiya 49:23

Gha paku Damasko. “Hamati ndi Arpadi ŵasuzgika, pakuti ŵavwa uthenga uheni; ŵasongonoka ndi mantha, ŵasuzgika uli ndi nyanja yo yayuka yo kuti yingaja bata cha.

Yesaya 37:13

Wepani karonga wa Hamati, karonga wa Arpadi, karonga wa muzi wa Sefarvaimu, karonga wa Hena pamwenga karonga wa Iva?’ ”

Yesaya 36:19

Ŵepani ŵachiuta ŵaku Hamati ndi Arpadi? Ŵepani ŵachiuta ŵaku Sefarvaimu? Kumbi wakumutaska Samaria ku janja langu?

Yesaya 17:3

Linga likazirimitiyanga mwaku Efraimu, ndi ufumu mu Damasko, ndipo ŵakujapo ŵaSiriya ŵakaŵanga uli ndi unkhankhu wa ŵana ŵaku Yisraele, atiti Ambuya ŵa maŵanja.

Yesaya 7:8

Pakuti mutu waku Siriya ndi Damasko, ndipo mutu waku Damasko ndi Rezini. “ ‘Mukati mu virimika machumi ghankhonde ndi limoza pachanya vinkhonde (65) Efraimu wakaswekanga tumanatumana viyo kuti wakaŵanga khamu la ŵanthu so cha.

2 ŴaKaronga 17:24

Ndipo karonga wa Asiriya wanguza nawo ŵanthu kutuwa Babiloni, Kuta, Ava, Hamati ndi Sefarvaimu, ndi wanguŵaŵika mu misumba ya Samaria mu malo gha ŵanthu waYisraele, ŵanguhara Samaria, ndipo ŵanguja mu misumba yake.

2 Samuele 8:9

Penipo Toi karonga waku Hamati wanguti wavwa kuti Davidi wathereska nkhondo yose waku Hadadezere,

Maŵerengedu 34:8

kutuwa ku phiri Eloro mukalembanga mzere mpaka pa kusere pa likomo laku Hamati, mphaka yamugota pa Zabada;

2 ŴaKaronga 18:34

Ŵepani ŵachiuta ŵaku Hamati ndi Arpadi? Wepani ŵachiuta ŵaku Sefarvaimu, Hena, ndi Iva? Kumbi ŵakumutaska Samaria ku janja langu?

2 Mikoka 32:14

Mukati mu ŵachiuta wose ŵa mitundu yo ada ŵakuparghang'iya limu, kumbi ndi yani yo wenga ndi nthazi kutaska ŵanthu ŵake ku janja langu, kuti Chiuta winu waŵe ndi nthazi kumtaskani imwe mu janja langu?

Yesaya 10:8

pakuti watiti: “Asi ŵakutufuliya ŵangu wose mbakaronga?

Yesaya 17:1

Vyakukambika vya paku Damasko. Ehe, Damasko wakamaranga kuŵa msumba, wakaŵanga mulu wa vyakwanangika.

Yesaya 37:11

Ehe, ukuvwa cho ŵakaronga ŵa Asiriya ŵakuchita ku vyaru vyose, kuviphwanyiya limu; ndipo kumbi iwe ukataskikanga?

Ezekiele 47:16

Berota, Sibraimu (yo we mu mphaka pakati pa Damasko ndi Hamati), kurutiliya mpaka ku Hazerehatikoni, yo wemu mphaka ya Haurani.

Habakuku 1:10

Ŵaseka ŵakaronga, ndipo mafumu ŵaghanyoza. Ŵaseka pa malinga ghose, chifukwa ŵarunda ndundu ya dongo ndi ŵayito.

Yesaya 33:8

Ŵagurwe ŵakuwuwa, ŵakwendamo ŵakureka. Mapanganu ghakusweka, ŵakaboni ŵatozeka, palivi kuphwere munthu.