Biblia Todo Logo
Bib sou entènèt

- Piblisite -




Yesaya 10:6 - Tonga Bible 1986

6 Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Gade chapit la Kopi




Yesaya 10:6
38 Referans Kwoze  

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.


Ndipo pamoza ŵakaŵanga nge vinkhara vya nkhondo, ŵakukandirizgiya pasi ŵarwani ŵawo mu mawulambwe gha miseu; ŵapotenge chifukwa Ambuya ŵe nawo. Ndipo ŵakamaranga ŵakukwera pa kavalo.


Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”


ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.


Ndipo charu chaku Yuda chikaŵanga chakofya ku ŵaEgipiti, yose kwaku mweniyo chizumbulikenge wakawopanga chifukwa cha fundu yo Ambuya ŵa maŵanja arongosole kuchita paku wo.


Mwafuzi mwe, Yesaya wanguloske imwe umampha, wakuti,


Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.


Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?


Kweni paku vyose ivi Yuda mzichi wake phula kuti wanguwere kwangu ndi mtima wake wose cha, kweni ndi chiphamaso, atiti Ambuya.”


Ndinguŵakandirizga pasi ŵanthu mu ukari wangu, ndinguŵalowereska mu kukwiya kwangu, ndipo ndingudira ndopa za umoyo wawo pa charu chapasi.”


“Ndakanda mphereska ndija mu mbuli, ndipo pengavi munthu yumoza yo wenga pamoza nane, ndinguzikanda mu ukari wangu, ndinguziphwata mu kukara kwangu; viyo ndipo za umoyo wawo zaŵalikiya mu maraya ghangu, ndipo zazumbwiska vivwalo vyangu.


Ndinguyuska yumoza ku nkhonde, ndipo waza, kutuliya ko lituwa lumwi, ndipo wakadananga pa zina langu; wakendanga pa ŵakutuduliya uli mpha thuli, uli ndimo muumbi wadiniya dongo.


Ŵakulakwa mu Zioni ŵatopa; kunjenjeme kwakunga ŵambura uchiuta: “Njani mukati mwidu yo wangaja pamoza ndi moto wakocha? Njani mukati mwidu yo wangaja pamoza ndi kunyeka kwa muyaya?”


Ambuya anguti: “Chifukwa ŵanthu yaŵa ŵandere pafupi ndi milomo yawo, kunditumbika ndi malilime ghawo, penipo mitima yawo ye kutali ndi ine, ndipo chopu chawo paku ine ndi langulu, la ŵanthu wo ŵakusambira chinkhumbu;


Chifukwa Ambuya Chiuta ŵa maŵanja ŵendi zuŵa la chiwawa ndi lakupwatiya ndi kutimbanizga, mu dambo la chiwona, kubwanganduliya pasi amlinga ndi kukambula mu mapiri.


Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.


Kuuruma kwawo kwe nge nkhwa nkharamu, ŵauruma nge ndi nkharamu zampupuka; ŵajuma ndi kuko nyama yawo, ŵaruta nayo, ndipo palivi yo wangapokeska.


Ndinguŵapera nge ndi fuvu la pasi, ndinguŵaphwata ndipo ndi nguŵapuwa nge mbulambwi wamu ŵagurwi.


Sono ndikakuneniyaninga, cho ndikachitanga ku munda wangu wa mphereska. Ndikapasuwanga lisitu lake, ndipo ukaliwanga: ndibwanganduliyenge pasi linga lake, ndipo ukaphwatikiyanga pasi.


Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.


Ambuya akatolenga paku iwe ndi pa ŵanthu ŵako ndi pa nyumba ya ausu mazuŵa ghakuti ghalivi kuzapo kale kwamba penipo Efraimu wangutuliyako kwaku Yuda pa kuza ndi karonga wa Asiriya.”


ndipo ukapeyanga kurutiriya ku Yuda, ukasapatiyanga ndi kurutiriya kuurongo, kwachifika ndi ku khosi viyo, ndipo mapapa ghake ghakutambarukiya kubwalo ghakazazanga usani wa charu chako, Immanuele we.”


Charu chigona mu kukazuzgika pasi pa ŵakujamo ŵake; pakuti ŵalengeska marangu, ŵaswa panganu la muyaya.


Pakuti mubereŵeza warongoro ubereŵeza mtima wake utata mphurupuru: kwachichita uchikanamarangu, kurongoro gha kusovya pa Ambuya, kujowo kupaska wanja vyo wanweka ndi kunora maji wanyota.


Soka lo, wakubwanganduwa we, iwe wamweni kuti wabwanganduka cha; wakuchita chiŵembu we, kweni iwe palivi yo wakuchitiya chiŵembu! Utakuti wamara kubwanganduwa, iwe nawe ukabwangandurikanga; ndipo penipo wamara kuchita vya chiŵembu, iwe nawe kukachitikiyanga chiŵembu.


Ŵakuzenga ŵako ŵaruska ŵakukupasuwa, ndipo wo ŵangukusakaza ŵatuwako kwako.


Kwakuneneska, viyo atiti Ambuya: “Chigana ŵamikoli ŵa chilimbi ŵangukwamphulika, ndi chakuliwa cha mweruzgi mukari chingataskika, kweni ine ndikalimbananga nawo wo ŵalimbana nawe, ndipo ndikataskanga ŵana ŵako.


Ndamupaska charu cha Egipiti ngendi mphoto yake yo wangutakatakiya, chifukwa wangutakatakiya ine, atiti Ambuya Chiuta.


Kuphanga vyakuskowa ndi kuyora usambasi; kupasuwa malo gha mapopa gho sono ghendi ŵanthu ŵakujamo, ŵanthu wo ŵakuwungana kutuwa mu mitundu, wo ŵaŵeta ng'ombe ndi usambasi, wo ŵaja pakatikati pa charu chapasi.


Sheba ndi Dedani ndi ŵamaronda ŵaku Tarshishi ndipo ndi mizi yake yose ŵakatinge kwaku iwe, ‘Kumbi waziya kuzachikusa vya kuskowa? Kumbi maliŵanja ghako waghawunjikiya kupinga usambasi, kututuwa siliva ndi golide, kututuwa ng'ombe ndi vyuma, kuphanga vyakuskowa vinandi?’


Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.


Ndipo so, kumbi ndaza waka ine kwambura Ambuya pa malo yagha kwazighaphwanya? Ambuya angundinene ine kuti Kweriyako karwene ndi charu ichi ndi kuchithereska.’ ”


pakuti wenga wandiziŵe kudana mwana ‘Ada,’ pamwenga ‘ama,’ usambasi wa Damasko ndi vyakuskoŵa vya Samaria vikatolekanga kuruta navyo paurongo pa karonga wa Asiriya.”


Swiv nou:

Piblisite


Piblisite