Yesaya 10:4 - Tonga Bible 1986

⁴ Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 10:4 Referans Kwoze

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Yeremiya 37:10

Pakuti chingana mungapunda nkhondo yose ya ŵaKaldiya wo ŵaturwana namwe, ndi ŵangajako mukati mwawo ŵakurasika pe munthu we yose mu hema lake, wayukenge ndi kocha msumba uwu ndi moto.’ ”

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Hoseya 9:12

Chingana ŵangalera ŵana, kweni ndiŵabayenge pakuti paŵengevi yumoza wakuja ndi umoyo, chitima kwaku iwo po nkhapatukangako kwaku iwo!

Yesaya 66:16

Pakuti ndi moto Ambuya akachitanga cheruzgu, ndipo ndi lipanga lawo, pa nyama yose; wo ŵakabayikanga ndi Ambuya ŵakaŵanga ŵanandi.

Yesaya 34:3

Ŵakubayika ŵawo ŵakapong'ekanga kubwaro, ndipo kununkha kwa viŵanda vyawo kukakuwanga; mapiri ghakapopomanga ndi ndopa zawo.

Yesaya 24:22

Ŵakaunjikikanga pamoza uli mba magoŵa mu zenje, ŵakajarikiyanga mu nyumba ya magoŵa, ndipo pavuli pa mazuŵa ghanandi ŵakalangikanga.

Yesaya 22:2

imwe mwazazika ndi kubongo, kuti wa chiwawa, muzi, wakujitumphuska? Ŵakubayika ŵinu kuti ŵabayika ndi lipanga cha pamwenga kufwiya mu nkhondo.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

ŴaLevi 26:17

Ndikapindikananga namwe, ndipo mukapumikanga paurongo pa ŵamawongo ŵinu; ŵanthu ŵakumutinkhani ndiwo ŵakakuwusaninga, inya mwazamuthaŵa ndi penipo palivi wakumudikiskani.

Yeremiya 4:8

Chifukwa chaku ichi vwarani chigudulu, liyani ndi bangurani; pakuti ukari wakofya wa Ambuya ulivi kuwerere vuli kutuwako kwidu.”

Yesaya 9:11

Viyo Ambuya ŵayuskiya ŵakupindikana ŵawo, asonkhezga ŵarwani ŵawo.

Yesaya 9:16

pakuti wo ŵarongozga yaŵa ŵanthu ŵati ŵapuruska, ndipo wo ŵarongozgeka ndi iwo ŵamezeka.

Yesaya 9:20

Ŵakwamphuwa ku marghe, kweni ŵeche ndi nja mbwenu, ndipo ŵaturgha ku maze, kweni kuti ŵaguta cha, we yose waturgha nyama ya munyake,

Yeremiya 15:2

Ndipo ŵachikufumba, kuti, ‘Tikayanga pani?’ iwe utinge kwaku wo, ‘Viyo atiti Ambuya: “Wo ŵatemeke ku chideru nkhu chideru; wo ŵatemeke ku lipanga nkhu lipanga; wo ŵatemeke ku chilala nkhu chilala; ndipo wo ŵatemeke ku umkoli nkhu umkoli.” ’