Yesaya 1:7 - Tonga Bible 1986

⁷ Charu chinu nchamapopa, mizi yinu yocheka ndi moto; mu maso ghakumwaŵeni ŵalendo ŵaphwanya charu chinu; nchamapopa, nge chatereskeke ndi ŵalendo.

Yesaya 1:7 Referans Kwoze

Chitenje 5:2

Chihara chidu chang'anamulikiya ku ŵalendo, nyumba zidu ku ŵamwenda nthowa.

Marangu 28:43

Mlendo wakuŵa mukati mwinu wakaŵanga pachanya pinu, ndipo imwe mukasikiyanga pasi.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Hoseya 7:9

Ŵalendo ŵamara nthazi zake, ndipo iyo kuti waziŵa ichi cha; nyivu zayoyoskeka paku iyo, kweni kuti waziŵa ichi cha.

Ezekiele 30:12

Ndikamuskenge Nile, ndikuguliska charu mu manja gha ŵanthu ŵa mphurupuru; ndizenge ndi phasulu mu charu ndi paku chose cho chirimo, ndi janja la ŵalendo; ine, Ambuya, ndarongoro.

2 Mikoka 28:5

Mu chifukwa ichi Ambuya Chiuta wake wangumpereka mu janja la karonga waku Siriya, mweniyo wangumpunda ndi wanguko umkoli ŵanthu ŵake ŵanandi ndi ŵanguŵatole ku Damasko. Wanguperekeka so ku janja la karonga waku Yisraele mweniyo wangumpunda ndi wangubaya ŵanthu ŵake ŵanandi.

Hoseya 8:7

Chifukwa ŵangupanda mphepo, ndipo ŵavunenge kavuruvuru. Trigu walivi mphonji, kuti wakapasanga vipasi cha. Asani wangupasa, ŵalendo ŵatinge ŵarghenge.

Yeremiya 6:8

Uchenjezgeke, Yerusalemu we, vinu ndingatuwako ine kwako; vinu ndingakuchita kuŵa mapopa, charu chambura ŵanthu.”

Yeremiya 2:15

Nkharamu zamuwurumiya, zamukorome kwakubangula. Zapopeska charu chake; mizi yake njakupasuka, mulivi wakujamo.

Yesaya 34:9

Tumisinji twa Edomu tukasandukanga urambwe nyata yake yikaŵanga fukunyira la moto; charu chake chikaŵanga urambwe wakukole.

Yesaya 9:5

Pakuti chiyato chose cha wankhondo wakuphwataphwata chifukwa chakuruska kwa nkhondo, ndi chivwalo chose chakubizgika mu ndopa vikawochekanga nge ndi nkhuni za moto.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yesaya 5:17

Sono ŵana ŵamberere ŵakarghanga uli ndi mu chipozwa chawo, twakututuŵa ndi tumsese tukarghanga mukati mo mwabwanganduka.

Yesaya 5:9

Ambuya ŵa maŵanja arapa mu makutu ghangu: “Kwakuneneska nyumba zinandi zikaŵanga makunthu, nyumba zikuru ndi zamanyanda, mwambura munthu wakujamo.

Sumu 107:39

Penipo ŵanthu ŵaku Chiuta ŵanguthereskeka ndi kuyuyulika, kukandirizgikiya pasi ndi suzgu,

Sumu 107:34

Achitiska charu cha nyata kuŵa charu cha mche wakusukuruka, chifukwa cha uheni waŵakujamo.

ŴaLevi 26:34

“Sono charu chikakondwanga ndi masabata ghake nyengo yose yo chikaŵiyanga mapopa, penipo imwe mwe mu charu cha ŵamawongo ŵinu, viyo charu chikapumuwanga, ndi kukondwa ndi masabata ghake.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

Sumu 109:11

Ŵameteu ŵake ŵamukwamphuwe vyose vyo wenavyo; ŵalendo ŵaskowe vyose vyo wangusaniya mu kutakataka.

Yesaya 1:8

Ndipo msumba wa Zioni wajowoleka nge ndi msasa mu munda wa mphereska, nge nchigongwe mu munda wa vinkhaka, nge ndi muzi wakuzingika.

Yesaya 3:8

Pakuti Yerusalemu waguŵa, ndipo Yuda wawa; chifukwa mazu ghawo ndi nchitu zawo vilimbana ndi Ambuya, kuyuyuwa kuŵapo kwawo kwa unkhankhu.

Yesaya 9:18

Pakuti utimbanizi ukole uli ndi moto, utocha kankhande ndi minga; ukozga matundu ndi lisuwa, ndipo viputiya kuchanya mu ukhomi wa usi.

Yesaya 49:19

“Kwakuneneska malo ghako gha mapopa ndi phasulu ndi charu chako chakuphwanyika kwakuneneska sono ukaŵanga mufinyi ukongwa ku ŵakujamo mwako ndipo wo ŵangukumeza sono ŵakaŵanga kutali ukongwa.

Yesaya 60:15

Chingana mungujoworeka ndi kutinkhika, po pengavi nanga njumoza wakuporotamo, ndikamuchitaninga kuŵa wa ufumu muyaya, likondwa laku mgonezi ndi mgonezi.

Yesaya 62:8

Ambuya arapa ndi janja lawo lakurghiya ndi janja lawo lanthazi: “Kuti ndikapaskanga so mbutu yinu cha kuŵa chakurgha cha ŵarwani ŵinu, ndipo ŵamwenda nthowa kuti ŵakamwanga vinyo winu cha yo mwajitakatakiya mwaŵeni;

Yesaya 64:10

Mizi yinu yakupaturika yasanduka bozwa, Zioni wasanduka bozwa, Yerusalemu ndi mapopa.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yeremiya 7:34

Ndipo ndikakanizganga mu mizi yaku Yuda ndimu miseu ya Yerusalemu, mazu gha kadara ndi mazu ghakukondwa kuti ghakavwikanga cha, mazu ghamweni nthengwa ndi mazu ghamwali wanthengwa; pakuti charu chikasandukanga mapopa.

Yeremiya 44:6

Chifukwacho ukari wangu ndi kukwiya kwangu vingudika ndi vingukole mu msumba yaku Yuda ndi mu miseu ya Yerusalemu; ndipo vinguŵa phasulu ndi mapopa, nge ndimo kuliri msana wale.

Ezekiele 25:4

chifukwa ichi nditukupereka ku ŵanthu ŵaku vuma kuŵa chihara chawo, ndipo ŵakamikanga nkhondo zawo mukati mwako ndi kuŵa ndi uja wawo mwaku iwe; ŵakarghanga vipasi vyako, ndi kumwa mkaka wako.

Mika 5:11

nkhadumuwanga misumba ya charu chako, ndi kuwiskiya pasi malinga ghako ghose.

Mika 6:13

Chifukwa ichi ndayamba kumupumani, kumupa suwani chifukwa cha maulakwi ghinu.