Yesaya 1:5 - Tonga Bible 1986

⁵ Chifukwa chine mukapumikiyanga-pumikiyanga, pakuti mugarukiya-garukiya? Mutu wose ngwakutama, mtima wose utufwa chipoyo.

Yesaya 1:5 Referans Kwoze

Ezekiele 24:13

Uloso wake nkhufipiskika kwa ukazuzi wako. Chifukwa ndingwesa kukusuka kuti ungutozgeka cha kukufipirwa kwako, ndipo kuti ukatozgekanga so cha mpaka penipo ine ndakhorwa ndi kukara kwangu paku iwe.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yesaya 31:6

Wereni kwaku iyo mweniyo imwe mwagarukako ukongwa, mwa ŵanthu mwe ŵaYisraele.

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Nehemiya 9:34

ŵakaronga ŵidu, ŵanangwa ŵidu, ŵazukuru ŵidu, ndi auskefwe kuti ŵasunga dangu linu cha, nanga nkhuphwere malamulu ghinu ndi kuchenjezga kwinu ko munguŵapaska.

Yeremiya 5:5

Ndikarutanga ku ŵaraŵara, ndamurongoro nawo; pakuti ŵaziŵa nthowa ya Ambuya, dangu laku Chiuta wawo.” Kweni iwo so nawo ŵangufyo goli lo, ŵakuswa maunyoro ghakumangiya.

Yesaya 33:24

Ndipo pakaŵangavi wakujamo mu muzi wo yo wakakambanga kuti, “Ndatama”; ŵanthu ŵakuja mwenimuwa ŵakagowokerekiyanga mauheni ghawo.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

2 ŴaKaronga 1:13

Karonga wangutuma so nduna ya nkhondo ya liŵanja la machumi ghankhonde ndi ŵanthu ŵake. Ndipo nduna yachitatu ya ŵanthu machumi ghankhonde yingukweriyako, wanguza ndi kujikama makongono ghake paurongo paku Eliya ndi wangumuŵeyere kuti, “Wa munthu waku Chiuta, nditukupempha, umoyo wangu ndi umoyo wa ŵateŵeti yaŵa uŵe wakuzirwa mu maso ghako.

Yeremiya 13:23

Kumbi mu Etiopia wangaziŵa kusintha liŵavu lake, pamwenga nyalubwe maŵanga ghake? Ipo namwe so mungaziŵa kuchita umampha mwa ŵakuziŵiriya kuchita uheni.

Yeremiya 17:9

Mtima ngwakupusika kuruska vinthu vyose, ndipo nguheni ukongwa; njani wangauziŵa?

Yeremiya 44:15

Sono ŵanthurumi wose ŵeniwo ŵanguziwa kuti ŵawoli ŵawo ŵangupereka vyachema ku ŵachiuta ŵanyake, ndi ŵanthukazi wose wo ŵanguma penipa, mpingu ukuru, wose ŵakuja mu Patarose mu charu cha Egipiti, ŵangwamuka Yeremiya:

Chitenje 5:17

Chifukwa chaku ichi mtima widu watama chifukwa cha vinthu ivi maso ghidu ghachita ndandi.

Ezekiele 34:4

Wakutomboroka kuti mwaŵapaska nthazi cha, ŵakutama kuti mwaŵachizga cha, ŵakujipweteka kuti mwaŵamangapo mabala cha, ŵakuranda kuti mwaŵawezge kuvuli cha, ŵakusoŵa kuti mwaŵapenja cha, ndipo mwaŵausa mu kuŵakanchizga ndimu ukari.

Ezekiele 34:16

Ndipenjenge yakusoŵa, ndiwezgenge yakuranda, ndimangenge bala lakuyo yapwetekeka, ndikhomeskenge yakutomborika, ndipo ndikayiphwerenga yakututuŵa ndi yanthazi, ndikaziliskanga mu cheruzgu.