Yesaya 1:4 - Tonga Bible 1986

⁴ Owe, khamu la kulakwa, ŵanthu ŵakuzazika uchikanamarangu, mphapu ya ŵakuchita uheni, ŵana ŵakuchita vya wiyu. Ŵajowo Ambuya, ŵayuyuwa Mtuŵa yo waku Yisraele, ŵasanduka ŵalendo.

Yesaya 1:4 Referans Kwoze

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

ŴaRoma 8:7

Viyo munthu watuŵa wamawongo waku Chiuta penipo vinjeru vyake virongozgeka ndi vinthu vyo kaŵiro kake ka unthu kakhumba; chifukwa kuti wavwiya langulu laku Chiuta cha, ndipo kwakuneneska kuti wangalivwiya cha.

Mateyu 3:7

Kweni wachiwona ŵanandi ŵa ŵaFarisi ndi ŵaSaduki ŵakuza ku ubatizo wake, wanguŵafumba, “Mwa mphapu za vipi, njani wangukucheŵeskani kuthaŵa kandundu ko katuza?

Yeremiya 7:19

Kumbi ndine mweniyo ŵasosomo atiti Ambuya? Kumbi kuti ndiwo ŵeneko cha, wo ŵatijitimbanizga?

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

ŴaKolose 1:24

Sono ndikondwere mu malikomwa ghangu ghapa chifukwa chinu, ndipo mu liŵavu langu ndifiskiyamo vyakupere vya suzgu yaku Kristu pa chifukwa cha liŵavu lake, lenilo ndi eklesiya lo.

1 ŴaKorinte 10:22

Pamwenga tisosomole Mbuya ku sanji, kumbi? Kumbi te ŵanthazi ifwe kwakuruska iyo?

Mateyu 23:33

Mwazinjoka, mphapu ya vipiriŵiza, mungathaŵa uli cheruzgu cha Gehena?

Mateyu 11:28

Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge;

Ezekiele 16:33

Ŵanthurumi ŵapereka vyawanangwa ku ŵareŵi wose; kweni iwe ndiwe upereka vyawanangwa ku mabwezi ghako ghose, kuŵanyenga mwakuti ŵazenge kutuliya uku ndi uku kwazichita nawe ureŵi.

Yeremiya 51:5

Pakuti Yisraele ndi Yuda kuti ŵajoworeka cha ndi Chiuta wawo, Ambuya ŵa maŵanja, kweni charu cha ŵaKaldiya chazaza ndi kulakwa pa Mtuŵa yumoza waku Yisraele.

Yeremiya 50:29

“Danani wakupong'a uta kumikana ndi Babiloni, wose wo mbakutweŵa uta. Goŵani kwakumuzunguliya: kupozomoskapo nanga njumoza cha. Mumuwezge kwakulingana ndi nchitu zake, mu muchitiye iyo kwakulingana ndi vyose vyo wachita, pakuti ndi kujikuzga kwake watafuliya Ambuya, Wakupaturika Yo waku Yisraele.

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Yeremiya 2:33

“Munozgadi nthowa yinu pakupenja mabwezi ghinu! Ndipo kuti chingana nkhu ŵanthukazi ŵaheni mwarunguchizga nthowa zinu.

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Yeremiya 2:5

Ambuya atiti viyo, “Nchiheni uli cho auskemwe ŵangusaniya mwangu pakuti ŵanguya kutali ndi ine, ndipo ŵangundondoloska vinthu vyambura phindu ndipo ŵangusanduka ŵaŵakaŵaka?

Yesaya 65:3

ŵanthu wo ŵatindisosomo ku maso ghangu kwamkiyakiya, ŵakusaska chisopo mu minda ŵakocha vyachema pa nchelwa;

Yesaya 41:20

alinga kuti ŵanthu ŵawone ndi kuziŵa, ŵaghanaghane ndi kuwamo pamoza kuti janja la Ambuya lachita ichi, Mtuŵa Yumoza yo waku Yisraele wachita ichi.

Yesaya 41:16

Ukayipepetanga ndipo mphepo yikayitolenga kutali, ndipo lirondo likayiparghang'anga. Ndipo iwe ukakondwanga mu Ambuya; mu Mtuŵa Yumoza yo waku Yisraele, ukatumbwanga.

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

Yesaya 30:15

Pakuti viyo atiti Ambuya Chiuta, Mtuŵa yo Yumoza waku Yisraele, “Pakuwe ndi kupumuwa mukataskikanga; mu chisisi ndi mu chigomezgu mukaŵanga nthazi yinu.”

Yesaya 30:9

Pakuti mbanthu ŵakugaruka, ŵana ŵatesi, ŵana wo kuti ŵakavwanga cha kusambizga kwa Ambuya;

Yesaya 29:19

Ŵakuzika ŵakarondanga chimwemwe chifya mu Ambuya, ndipo ŵasauchi mukati mu ŵanthu ŵakakondwanga mu Mtuŵa Yumoza yo waku Yisraele.

Yesaya 14:20

Kuti ukasazgikananga nawo cha mukaŵikidu, chifukwa waparghang'a charu chako, wabaya ŵanthu ŵako. “Mphanyi mphapu za ŵakuchita uheni warekeka kuzumbulika so!

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Yesaya 3:8

Pakuti Yerusalemu waguŵa, ndipo Yuda wawa; chifukwa mazu ghawo ndi nchitu zawo vilimbana ndi Ambuya, kuyuyuwa kuŵapo kwawo kwa unkhankhu.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Sumu 89:18

chifukwa mukusankha wakutivikiriya; imwe Mtuŵa Yumoza waku Yisraele, mukutipaska karonga widu.

Sumu 78:40

Nkhanandi ukongwa ko ŵangumugarukiya mu bozwa; nyengo zinandi ŵangumuchitiska chitima!

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Sumu 58:3

Ŵaheni ŵaranda kutuliya ku chibali, ŵaranda kutuliya ku kawi, ŵakamba mautesi.

Ŵeruzgi 10:10

Ndipo ŵaYisraele ŵangubongole ku Ambuya, ŵanguti, “Talakwiya imwe, chifukwa tareka Chiuta widu tatataliya ŵaBala.”

Marangu 32:19

“Ambuya anguchiwona ndi anguvisuska chifukwa chakukaripiskika ndi ŵana ŵawo ŵanthurumi, ndi ŵana ŵawo ŵanthukazi.

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Marangu 29:25

Sono ŵanthu ŵakakambanga kuti, ‘Nchifukwa chakuti ŵangutaya phanganu la Ambuya, Chiuta wa auskeu, lo wangupangana nawo pa nyengo yo wanguŵatuzgiya mu charu cha Egipiti,

Maŵerengedu 32:14

Ndipo awonani imwe mwa yuka mu malo gha auskemwe, mphapo ya ŵanthu ŵalakwi, kukuzgiya pachanya ukari wakofya wa Ambuya paku Yisraele.

Chiyambo 13:13

Sono ŵanthu ŵamu Sodomu ŵenga ŵaheni, ŵakulakwiya Ambuya weni ukongwa.

Chivumbuzi 18:5

pakuti vyakulakwa vyake vyandundumiya mpaka kuchanya, ndipo Chiuta wakumbuka vyakwananga vyake.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Nehemiya 1:7

Tachita kwakuwo ukongwa paku imwe, ndipo kuti tisunga marangu cha, nanga ndi malangulu ndi vyeruzgu vyo mungulanguliya Mosese mteŵeti winu.

Sumu 71:22

Ine nane ndikarumbanga imwe ndi bangwi, ndithokozenge kugomezgeka kwinu, mwa Chiuta wangu; ndimbiyenge marumbu kwaku imwe ndi kaligu, A Chiuta Mtuŵa Yumoza waku Yisraele.

Yesaya 1:28

Kweni vigaruka ndi ŵaheni ŵakaphwanyikiyanga pamoza, ndi wose wo ŵakana Ambuya ŵakamaranga.

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

Yesaya 31:2

Ndi kweni iyo ngwa zeru ndipo wapaska phasulu, kuti wawezge vuli mazu ghake cha, kweni wakamikananga ndi nyumba ya ŵakuchita uheni, ndi pa ŵakovya wo ŵatata utimbanizi.

Yesaya 57:17

Chifukwa cha kulakwa kwakukhumbira kwake ine ndingukaripa, ndingumukoso, ndingubisa chisku changu ndi ndingukaripa; kweni wangukiyakiya kuwerevuli mu nthowa ya mtima wa mweneko.

Yesaya 58:2

Kweni ŵatindipenja zuŵa ndi zuŵa, ndipo ŵakondwere kuziŵa nthowa zangu, ulaka nge ndi mtundu wo uchita ukongorekwa wo ulivi kujowo malangulu ghaku Chiuta wawo; ŵatindipempha vyeruzgu vya kunyoroka ŵakondwa kundere kwaku Chiuta.

Yesaya 65:11

Kweni imwe mupata Ambuya, imwe mwaruwa phiri langu lakupaturika, imwe mumika gome chifukwa cha Mwaŵi muzaza vyandi vya vinyo wakusazga kuzaziya Nyifwa;

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 32:32

chifukwa cha uheni wose wa ŵaYisraele ndi ŵaYuda weniwo ŵanguchita kundisosomole ku kukwiya, iwo, ndi ŵakaronga ŵawo, mafumu ghawo, ŵazukuru ŵawo, ŵamchimi ŵawo, ŵanthu ŵaku Yuda ndi ŵakuja mu Yerusalemu.

Ezekiele 14:5

mwakuti ndiko mitima ya ŵa nyumba yaku Yisraele, ŵeniwo wose ŵapatukako kwangu mu ŵangoza ŵawo.

Ezekiele 16:45

Iwe ndiwe mwana munthukazi wa anyoko, yo wakutinkha murumi wake ndi ŵana ŵake; ndipo iwe ndiwe mzichi waŵana ŵanyako, wo ŵangutinkha ŵarumi ŵawo ndi ŵana ŵawo. Anyoko ŵenga ŵaHiti ausu wenga ŵaAmori.

Danyele 9:11

Yisraele yose wajumpha dangu linu ndi wapatukako kwaku imwe, wakana kuvwiya mazu ghinu. Thembo, ndi rapu vyo vikurembeka mu dangu laku Mosese muteŵeti waku Chiuta vyapungulikiya paku ifwe.

Zefaniya 1:6

ndi wo ŵawere vuli kutuwako kwa Ambuya, kuti ŵatuŵapenja Ambuya cha chingana nkhuŵafumba iwo.”

Chituwa 32:7

Ndipo Ambuya anguti kwaku Mosese, “Sika, pakuti ŵanthu ŵako, wo ungutole kuno kutuwa mu charu cha Egipiti ŵajikazuzga.

Marangu 32:5

Ŵamuchitiya ukazuzi, kuti mbana wake sono cha, chifukwa cha kalema kawo. Ndiwo mugonezi wakusoŵa ndi wakunyongoroka.

2 ŴaKaronga 21:22

wangujowo Ambuya Chiuta wa ŵambuyake, ndipo wengavi kwenda mu nthowa ya Ambuya.

2 Mikoka 12:1

Ndipo unguti wakhozgeka ufumu waku Rehoboamu ndi nthazi zikuru wangujowo dangu la Ambuya, ndi Yisraele yose pamoza nayo.

2 Mikoka 27:2

Ndipo wanguchita cho chenga chakurunjika pa maso gha Ambuya kwakuyana ndi vyose vyo wiske Uziya wanguchita, kweni kuti wangusere mu kasopi wa Ambuya cha. Kweni ŵanthu ŵangurutiriya mukuchita uheni.

Sumu 78:41

Kaŵikaŵi ŵangumwesa Chiuta, ndi kumukwiyiska Mtuŵa Yumoza, waku Yisraele.

Sumu 78:57

ŵanguwere vuli ndi kuchita chigaruka nge mbauskeu; ŵambura magomezgeka nge ndi mivwi yakupong'eka mu uta, wakunyongoroka.

Yesaya 30:1

“Soka ku ŵana wakugaruka,” atiti Ambuya, “ŵeniwo ŵachita cho ŵarongoso, kweni kuti nchangu cha; wo ŵazomerezgana kovwana, kweni kuti nkhovyana kwa mzimu wangu cha, kuti ŵasazgiyeko uheni ku uheni;