Biblia Todo Logo
Bib sou entènèt

- Piblisite -




Yesaya 1:23 - Tonga Bible 1986

23 Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Gade chapit la Kopi




Yesaya 1:23
47 Referans Kwoze  

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.


mungasuzganga choko, chingana ngwambura wiske, mlendo pamwenga mukavu; kuwulevi yumoza waku imwe waghanaghaniye uheni munyake mu mtima winu.”


Ndipo mungarondanga vinda chifukwa vinda yiburumutizga maso gha ŵeruzgi, ndipo yibendezga mrandu waku wo mbarunji.


wakuŵanene, “Kwalembeka, ‘Nyumba yangu yiŵenge nyumba ya rombo’ kweni imwe mwayisanduska mphanji ya ŵakupoka.”


“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.


Ambuya asere mu cheruzgu kumikana ndi ŵara ndi nduna za ŵanthu ŵawo: “Ndimwe mwaparghang'a munda wamphereska, muskowo wa ŵasauchi we mu nyumba zinu.


Ndipo wasambizganga, ndi wangunena nawo, “Asi kwalembeka, ‘Nyumba yangu yikazumbulikanga nyumba yakusopiyamo ya mitundu yose?’ Kweni imwe mwayisanduska mphanji ya ŵakupoka.”


Ndipo wanguŵanene, “Kwalembeka, ‘Nyumba yangu yidanikenge nyumba ya kuromba’: kweni imwe mwayisanduska mphanji ya ŵakupoka.”


Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”


Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.


Mpingu wa ŵaloŵevu, wajipereka ku maureŵi; ŵatanja kulengeskeka kwakuruska unkhankhu wawo.


Kweni iwe wendi maso ndi mtima ivi vyakuchitiya chanduwu chakupusika waka, pakudiska ndopa zambura kalema, ndi pakuchita vya kusuzga ndi chiwawa.”


Ndikarutanga ku ŵaraŵara, ndamurongoro nawo; pakuti ŵaziŵa nthowa ya Ambuya, dangu laku Chiuta wawo.” Kweni iwo so nawo ŵangufyo goli lo, ŵakuswa maunyoro ghakumangiya.


Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.


Yo wakwatikana ndi munkhungu watinkha umoyo wake; watuvwa kutemba kweni kuti wasumuwa kanthu cha.


Munthu wa mphulupulu waronda vinda ndi mtima wose kutimbanizga nthowa za cheruzgu chirunji.


Wose ŵara ŵa ŵazukuru, ndi ŵanthu ŵangunanga ukongwa kulingana ndi ukazuzi wa ŵamitundu, ndipo ŵangukazuzga nyumba yaku Chiuta yo iyo wanguyipatuwa mu Yerusalemu.


Mungayeruzganga uheni cha. Mungawonanga chisku cha munthu cha; ndipo mungarondenga vinda, chifukwa vinda yijalamaso gha ŵazeru ndipo yinanga ŵarunji.


Ndipo pakwandiya paku Mosese ndi paku wose ŵamchimi wo, wanguŵang'anamuliya mu malembo ghose vyo vyapaku iyo yija.


Chisopa chikhovu ndi chambura banga paurongo paku Chiuta Auskefwe nchenichi, kulereze ŵamasiya ndi vyoko mu suzgu yawo ndi kujisunga wambura donthu ku charu.


Siliva winu wachita mbiri, vinyo winu wasazgikana ndi maji.


wo ŵapozomoska ŵakulakwa chifukwa cha vinda, ndipo ŵatimuvinda wambura mlando, pa urunji wake!


“Soka ku ŵana wakugaruka,” atiti Ambuya, “ŵeniwo ŵachita cho ŵarongoso, kweni kuti nchangu cha; wo ŵazomerezgana kovwana, kweni kuti nkhovyana kwa mzimu wangu cha, kuti ŵasazgiyeko uheni ku uheni;


Ndingutambaruwa manja ghangu zuŵa lose ku ŵanthu ŵakugaruka, wo ŵatenda mu nthowa yo kuti njamampha cha, ŵakurondo fundu zaŵeneko ŵija;


Ŵazunguliya Yerusalemu kumunanga uli mbalonda ŵa munda, chifukwa wandigarukiya ine, atiti Ambuya.


chifukwa cha uheni wose wa ŵaYisraele ndi ŵaYuda weniwo ŵanguchita kundisosomole ku kukwiya, iwo, ndi ŵakaronga ŵawo, mafumu ghawo, ŵazukuru ŵawo, ŵamchimi ŵawo, ŵanthu ŵaku Yuda ndi ŵakuja mu Yerusalemu.


“Mwana wa munthu, uja mukati mu nyumba ya ŵachigaruka, wo maso ŵenagho, kweni kuti ŵawona cha, makutu ŵe nagho, kweni kuti ŵatuvwa cha;


Mafumu ghaku Yuda ghaŵa nge ndiwo ŵanderezga mphaka; ndipunguliyenge ukari wangu paku iwo nge ndi maji.


Chifukwa ndiziŵa unandi wamaulakwi ghinu ndi ukuru wa mphuru-puru zinu; imwe musuzga ŵarunji, imwe muronde vinda, ndi kupatuska ŵakavu mu likomo.


Vwani ichi, imwe mwaŵarongozgi ŵa nyumba yaku Yakobe, ndi mwa mafumu mwa nyumba yaku Yisraele, imwe mutinkha weruzgi ndi kubendezga urunji wose.


Ŵanthu ŵinu ŵasambasimba kuzazika ndi nkhaza; ŵakuja mwaku imwe ŵakamba mautesi, ndi lilime lawo ndakupusika mu mlomo wawo.


Viyo ŵara ŵaMoabu ndi ŵaMidiani ŵanguruta pamoza ndi mphoto ya kwachiwombeze; ŵangufika kwaku Balamu, ŵangumukonkhome uthenga waku Balaki.


Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.


sambirani kuchita umampha, penjani cheruzgu chirunji, wovyani ŵakusuzgika; vikiriyani ŵana ŵaranda, chitiyani lisungu vyoko.


“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.


Chifukwa cho vwani mazu gha Ambuya, mwa ŵankharghi, imwe muteruzga ŵanthu mu Yerusalemu!


Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.


Mafumu ghawo mukati mwake ghayana ndi mphumphi zakuparuwa nyama, kudiska ndopa, kuparghang'a ma umoyo chifukwa chakupenja chanduwu chakupusika.


Swiv nou:

Piblisite


Piblisite