Yesaya 1:15 - Tonga Bible 1986

¹⁵ Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Yesaya 1:15 Referans Kwoze

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Nthanthi 1:28

Pa nyengo yo ŵakadananga kwaku ine; kweni kuti ndamukenge cha: ŵakandipenjanga kwarwana kweni kuti ŵakandibowozganga cha.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Sumu 66:18

Asani ndiŵenge wakuphwere viheni vyangu mukati mu mtima, mphanyi Ambuya kuti angundivwa cha.

1 ŴaKaronga 8:22

Sono Solomoni wanguma paurongo pa chiguŵa cha Ambuya pa maso gha umba wose wa ŵaYisraele, ndipo wangutambaruliya kuchanya manja ghake,

Yesaya 58:7

Kumbi asi nkhusangana chakurgha ndi wa nja, ndi kutole ŵasauchi ŵambura nyumba mu nyumba yinu; asani muwona wankhuli kumuvwalika, kureka kujibisa mwaŵeni ku mwanasi winu?

Sumu 55:1

Tegherezgani gutu linu ku rombu langu, A Chiuta; ndipo rekani kujibisa ku kuŵeyere kwangu!

Jobu 27:20

Mantha ghatimuko nge ndi maji ghanandi, mu usiku kanthenga watimuputiskiya kutali.

1 ŴaKaronga 8:54

Sono penipo Solomoni wangumara kupereka rombu ili ndi kuŵeyere ku Ambuya, wangusoka kutuwapo pa chiguŵa cha sembe cha Ambuya, po wangujikama ndi kutambaruliya manja gheke kuchanya.

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Mateyu 6:7

“Ndipo pakuromba mungawerezgawerezga ŵaka cha nge mbaMitundu: chifukwa ŵaghanaghana kuti ŵavwikenge mu kuŵereŵeta kwawo kunandi.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

Yesaya 8:17

Ndikarindizganga Ambuya, wo abisa chisku chawo ku nyumba yaku Yakobe, ndipo ndikagomekezganga mwaku iwo.

Sumu 134:2

Soskiyani manja ghinu ku malo ghakupaturika, ndipo rumbani Ambuya!

Ezra 9:5

Ndipo pa sembe ya mazulo ndingusoka mu kusuzgika kwangu, vivwaro vyangu ndi munjirira wangu vinguparukaparuka; ndingujikama, ndingusoske manja ghangu kwa Ambuya Chiuta wangu

Yohane 9:31

Tiziŵa kuti Chiuta wareka kuvwa ŵalakwi; kweni asani yumoza ndi muwopa Chiuta, ndi wachita khumbo lake, watumuvwa mweniyo.

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

Jobu 35:13

Nadi Chiuta kuti watuvwa kuriya kwaŵaka cha, nanga ndi Wanthazizose kuti waphwereko cha.

Yesaya 4:4

penipo Ambuya asuka lisiru la ŵanthu ŵaku Zioni ndi kutozga mudonthu wa ndopa za Yerusalemu kutuwa mukati mwake ndi mzimu wa cheruzgu ndi mzimu wakocha.

Yesaya 45:15

Kwakuneneska, ndiwe Chiuta mweniyo watijibisa, Chiuta mwe waku Yisraele Mtaski.

Yesaya 58:4

Ehe, mufungiya ndeu pe ndikubayana kupuma ndi nkhonyu ya uheni; kufunga nge nkhwinu msana wale kuti kukachitiskanga mazu ghinu kuti ghavwike kuchanya cha.

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.

Yeremiya 4:31

Pakuti ndavwa kuliya uli nkhwa munthukazi yo we mukupapa, kuŵaŵa nge nkhwaku yo wapapa mwana wake wa umwali, kuliya kwa ŵanthu ŵaku Zioni ŵayatuka, ŵatambaruwa manja ghawo, ŵatiti, “Owe ifwe tiyatuka paurongo pa ŵakubaya.”

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Ezekiele 11:6

Imwe mwandaniska ŵakubayika ŵinu mu msumba uwu, ndipo mu ŵagurwi mwazaza ndi ŵakubayika.

Ezekiele 14:3

“Mwana wa munthu, ŵanthu yaŵa ŵaŵika ŵangoza ŵawo mu mitima yawo, ndi kumika chiguŵisku cha kulakwa kwawo pa maso pa visku vyawo; kumbi ndingafumbika ine ndamwene viyo ndi iwo?

Ezekiele 39:23

Mitundu yikaziŵanga kuti nyumba yaku Yisraele yinguruta ku uŵanda chifukwa cha kulakwa kwawo, pakuti ŵangundilakwiya ukongwa ine, reka ndingubisa chisku changu kwaku iwo ndi kuŵapereka mu janja la ŵakupindikana ŵawo, ndipo wose ŵangubayika ndi lipanga.

Hoseya 5:6

Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

Nthanthi 6:17

maso ghakujikuzga, lilime lakupusika, ndi manja ghakudiska ndopa zambura kalema,