Yesaya 1:13 - Tonga Bible 1986

¹³ Mungatonga so mipasku yaŵakaŵaka cha, vyachema mbu kazuzi kwangu. Mwezi ufya ndi sabata ndi kudana maunganu kuti ndingakunthiyapo mauheni ndi maunganu cha.

Yesaya 1:13 Referans Kwoze

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Malaki 1:10

Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Mateyu 15:9

Kweni ŵatindisopa kwaŵaka, kusambizga nge ndi visambizgu marangu gha ŵanthu.’ ”

Ezekiele 20:39

“Kwaku imwe, nyumba yaku Yisraele, Ambuya Chiuta watiti, Rutani yumoza ndi yumoza waku imwe watakatakiye ŵangoza ŵake, sono ndi kunthazi viyo, asani mukarekanga kundivwiya; ipo lireke kukazuzgika zina langulituŵa ndi vyawanangwa vinu ndi ŵangoza ŵinu.

Luka 11:42

“Kweni owe kwaku imwe, mwaŵaFarisi! Pakuti mupereka vyachichumi, nthenderu ndi vyema ndi sungwi yose, ndipo mujumpha cheruzgu ndi chanju vyaku Chiuta: kweni kungwenere kuchita vyenivi, ndi viya kuvireka cha.

Yoele 2:15

Mbani mbata mu Zioni; patuwani zuŵa la kufunga kurgha; danani unganu wakupaturika;

Chitenje 2:6

Abwanganduliya pasi msasa wakenge ngwa mu munda, abwanganduwa malo gha madghera gha kutemeka; Ambuya akanizga madghera ghakutemeka ndi sabata mu Zioni, ndipo mu kukara kwawo kwakofya ayuyuwa karonga ndi mzukuru.

ŴaEfeso 4:30

Ndipo mungamkwininiska Mzimu Wakupaturika waku Chiuta, mwaku mweniyo munguzighirikiya ku zuŵa la uwombozi.

1 ŴaKorinte 11:17

Kweni ndichikulanguliyani ichi, kuti ndimrumbani cha, chifukwa kuti muwungana mu umampha cha kweni mu uheni.

Yoele 1:14

Patuwani zuŵa lakufunga kurgha mudane unganu wakupaturika. Unjikani ŵaraŵara ndi ŵakuja mu charu wose mu nyumba ya Ambuya Chiuta winu; ndi muliliye ku Ambuya.

Nthanthi 21:27

Ambuya ŵatinkha asani ŵanthu ŵaheni ŵatuŵapaska mipasku, weni ukongwa asani ŵatu wupereka ndi maghanaghano ghaheni.

Sumu 78:40

Nkhanandi ukongwa ko ŵangumugarukiya mu bozwa; nyengo zinandi ŵangumuchitiska chitima!

1 Mikoka 23:31

ndipo pepose po sembe yakocha yiperekeka ku Ambuya pa masabata, mu maliŵali, ndi mu mazuŵa gha madghera, kwakulingana ndi unandi waku vyo vinkhumbikwa rutaruta pa maso pa Ambuya.

Chituwa 12:16

Pa zuŵa lakudanga mukaŵanga ndi ungano wakupaturika, ndi pa zuŵa la chinkhonde ndi chiŵi ungano wakupaturika; palivi mlimu wo ukachitikanga pa mazuŵa gho; kweni chenicho we yose watenere kurgha, chenicho pe mungaziŵa kuchirongoso imwe.

ŴaFilipi 1:15

Wanyake nadi ŵataula Kristu chifukwa cha sanji ndi suskanu; kweni wanyake mu likondwa lamampha;

Maŵerengedu 10:2

“Ujichitiye mbata ziŵi za siliva uchite zakusula; ziŵe zakudana ŵanthu pakuwungana, ndi kuchiska pa ugoŵi kwenda ulendo,

Yesaya 66:23

Kutuwa ku mwezi ufya kuya ku mwezi ufya, ndi kutuwa ku sabata kuya ku sabata, nyama yose yikazanga kusopa paurongo pangu, atiti Ambuya.

Hoseya 2:11

Ndipo nkhalekeskanga kukondwa kwake kose; madghera ghake, myezi yake yifya, ŵasabata ŵake, ndi madghera ghake ghose ghakunozgeka.

ŴaLevi 26:31

Nkhawiskanga misumba yinu, ndi malo ghinu ghakupaturika, ndipo kuti nkharondanga vyakupereka vinu vyafungu lakundikondweska cha.

2 ŴaKaronga 4:23

Ndipo iyo wanguti, “Chifukwa nchine chakurutiya kwake msana wale? Kuti mphaliŵali pamwenga pa sabata cha.” Iyo wanguti, “Kukaŵanga kwamampha.”

Nthanthi 7:14

“Ndaperekanga mipasku, ndipo msana wale ndalipa marapu ghangu;