Yesaya 1:11 - Tonga Bible 1986

¹¹ “Kwaku ine unandi wa mipasku yinu nkhane?” atiti Ambuya. “Ndaronde kale mipasku yakukwana yakocha ya ŵabira ndi mafuta gha nyama zakuliska, kuti ndikondwa ndi ndopa za nkhuzi cha, pamwenga za ŵana ŵa mberere, ndi za ŵaphongo cha.

Yesaya 1:11 Referans Kwoze

Amosi 5:21

“Nditinkha, ndiyeya madghera ghinu, ndipo kuti ndikondwa ndi maunganu ghinu ghakupaturika cha.

1 Samuele 15:22

Samuele wanguti, “Kumbi Ambuya ŵendi likondwa likuru mu mipasku yakocha ndi zisembe, nge ndimo aliri nalo mu kuvwiya mazu ghawo? Ehe, kuvwiya nkhwamampha kuruska sembe, kutegherezga kuruska mafuta gha viphongo.

Yeremiya 6:20

Kafukwa nkhane ko vyakusunkhizga viziya kwangu kutuliya ku Sheba, pamwenga mijuŵa kutuliya kucharu cha kutali? Sembe zinu zakocha kuti zirondereka cha, chingana ndi mipasku yinu kuti yitindikondweska cha.

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Mika 6:7

Kumbi nkhaperekanga mwana wangu wa umwali chifukwa cha maulakwi ghangu, chipasi cha liŵavu langu chifukwa cha kwananga kwa mzimu wangu?”

Malaki 1:10

Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Sumu 50:8

Kuti nditukususka chifukwa cha sembe zako cha; mipasku yako yakocha ye paurongo pangu rutaruta.

Nthanthi 21:27

Ambuya ŵatinkha asani ŵanthu ŵaheni ŵatuŵapaska mipasku, weni ukongwa asani ŵatu wupereka ndi maghanaghano ghaheni.

Mateyu 9:13

Kweni mukachisambire mo chiriri chenichi, ‘Ndilembe lisungu, chisopu cha.’ Chifukwa kuti ndinguza kuzachidana ŵarunjicha, kweni ŵalakwi.”

Sumu 51:16

Chifukwa kuti mukondwa ndi sembe cha; asani ndingupereka mpasku wakocha imwe kuti mwatinge mukondwenge cha.

Yeremiya 7:21

Viyo atiti Ambuya ŵa maŵanja, Chiuta waku Yisraele, “Sazganiko mipasku yinu yakocha ku sembe zinu, ndipo rghaninga nyama.

Mateyu 22:4

Wangutuma so ŵaŵanda ŵanyake, wakuti, ‘Kaŵaneniyeni ŵakudanika wo, Onani, mrauku wangu ndarongoso; ng'ombe zangu ndi vyakununa vyangu vyabayika, ndipo vyose vyarongosoreka: zaninga ku zowara.’

Maŵerengedu 7:45

kankhuzi kamoza, bira yumoza, kamberere ka msinkhu wa chirimika, kuŵa mpasku wakocha;

Sumu 40:6

Sembe ndi mpasku kuti mutivikhumba cha; mwandipaska gutu lakuvwiska. Mpasku wakocha ndi mpasku wapa ulakwi kuti munguvipempha cha.

Nthanthi 21:3

Kuchita urunji ndi cheruzgu chirunji vyamarondeka ku Ambuya kwakuruska mipasku.

Yesaya 58:2

Kweni ŵatindipenja zuŵa ndi zuŵa, ndipo ŵakondwere kuziŵa nthowa zangu, ulaka nge ndi mtundu wo uchita ukongorekwa wo ulivi kujowo malangulu ghaku Chiuta wawo; ŵatindipempha vyeruzgu vya kunyoroka ŵakondwa kundere kwaku Chiuta.

Hoseya 6:6

Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

Amosi 5:22

Chingana mundipaska sembe zinu zakocha ndi sembe zinu za vyakurgha kuti ndizirondiyenge cha, ndi sembe zinu za chimangu za nyama zinu zakututuŵa kuti ndizilereskenge cha.

Hagayi 2:14

Viyo Hagayi wanguti, “Kwe viyo ndi ŵanthu yaŵa, ndi mtundu uwu we paurongo pangu, atiti Ambuya ŵa maŵanja; ndi kwe viyo ndi nchitu yose ya manja ghawo; ndi vyo ŵapereka vyakufipa.

Zekariya 7:5

“Kamba ku ŵanthu wose ŵamu charu ndi ku ŵazukuru, kuti, muchifunga ndi kutenje mu mwezi wa chinkhonde, ndi wa chinkhonde ndi chiŵi kwa virimika ivi machumi ghankhonde ndi ghaŵi (70) kumbi mungufungiya ine?

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Amosi 4:5

mupereke sembe zakocha zakuwonge za mtupu, ndi mpaskuwa wanangwa, ndipo muwuwandiske; chifukwa mutanja kuchita viyo, mwa ŵanthu ŵaku Yisraele!” atiti Ambuya.