Yesaya 1:10 - Tonga Bible 1986

¹⁰ Avwani mazu gha Ambuya, mwa ŵeruzgi ŵa Sodomu! Tegherezgani gutu ku kurunguchizga kwaku Chiuta widu, mwa ŵanthu ŵaku Gomora!

Yesaya 1:10 Referans Kwoze

Chivumbuzi 11:8

Ndipo vitanda vyawo vyamura mu mseu wa msumba wo ukuru. Zina lachikozgu cha msumba uwa uzumbulika Sodomu ndi Egipiti, kweniko Mbuyawo nayo wangupayikika.

Ezekiele 16:49

Awona, uwu ndiwo wenga ukazuzi wa mwana munyako Sodomu: iyo pamoza ndi ŵana ŵake ŵangujikuzga, ususi wa vyakurgha, ndi kufwasa mu mausakati; kuti ŵangovya ŵakavu ndi ŵakusauka cha.

Amosi 9:7

“Kumbi kuti mwenge mbaEtiopia cha kwaku ine, imwe mwa ŵanthu ŵaku Yisraele?” atiti Ambuya. “Kumbi kuti ndinguŵatuzga cha ŵaYisraele mu charu cha Egipiti, ŵaFilisti ku Kafitoro; ndi ŵaSiriya ku Kiri?

Ezekiele 16:46

Ndipo muku wako mura ndi muSamaria, yo wajanga ndi ŵana ŵake ŵanthukazi kuchiri ku nkhonde; muhurwa wako, yo wajanga kuchiri ku malaŵi, ndi ŵana ŵake ŵanthukazi ndi muSodomu.

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Marangu 32:32

Pakuti mphereska yawo yituliya ku mphereska ya Sodomu, ndi ku minda ya Gomora. Vipasi vyawo ndi vipasi vya kuŵaŵa, kwakubaya, makhoroza ghake ghaŵaŵa:

ŴaRoma 9:29

Ndipo, nge ndimo Yesaya wangukambiya kali, “Kwambura kuti Mbuya wa Maŵanja watisiyiya mbeu, mphanyi taŵa nge ndi Sodomu, ndi talinganizgika ndi Gomora.”

Amosi 3:8

Nkharamu yichibangula; ndiyani wareka kopa? Ambuya Chiuta wakamba; ndiyani wangareka kuchima?”

Amosi 3:1

Vwani mazu yagha Ambuya akamba kususka imwe, mwa ŵanthu ŵaku Yisraele kususka mbumba yose yo ndikutuzga mu charu cha Egipiti:

Yeremiya 9:26

Egipiti, Yuda, Edomu, ŵana ŵaku Amoni, Moabu, ndi wose ŵakuja mu bozwa, ŵeniwo ŵameta makwenthu sisi lawo; pakuti mitundu yose iyi njambura kuchinjika, ndipo nyumba yose yaku Yisraele njambura kuchinjika mu mtima.”

Yesaya 28:14

Chifukwa cho vwani mazu gha Ambuya, mwa ŵankharghi, imwe muteruzga ŵanthu mu Yerusalemu!

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Chiyambo 13:13

Sono ŵanthu ŵamu Sodomu ŵenga ŵaheni, ŵakulakwiya Ambuya weni ukongwa.

Yesaya 30:9

Pakuti mbanthu ŵakugaruka, ŵana ŵatesi, ŵana wo kuti ŵakavwanga cha kusambizga kwa Ambuya;

Yesaya 33:22

Pakuti Ambuya ndi mweruzgi widu, Ambuya ndiwo akutiusa, Ambuya ndi karonga widu, akatitaskanga.

Ezekiele 13:2

“Mwana wa munthu, chima pa zinchimi za ŵaYisraele, chima ndi ukambe kwaku wo ŵachima vya mu mitima yawo, kuti: ‘Vwani mazu gha Ambuya!’

Mika 3:1

Ndipo ndinguti: Vwani, imwe mwaŵarongozgi waku Yakobe, ndi mafumu gha nyumba yaku Yisraele! Kumbi kuti nkhwaku imwe cha kuziŵa weruzgi?

Ezekiele 16:35

“Viyo sono, wa mureŵi we, ayivwa mazu gha Ambuya: