Biblia Todo Logo
Bib sou entènèt

- Piblisite -




Yesaya 1:1 - Tonga Bible 1986

1 Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

Gade chapit la Kopi




Yesaya 1:1
38 Referans Kwoze  

Ŵanthu wose ŵaku Yuda ŵanguko Uziya yo wenga ndi virimika chumi ndi vinkhonde ndi chimoza (16) mu ura, ndi ŵangumumika kuŵa karonga mu malo gha awiske Amaziya.


Mu chirimika cha chitatu chaku Hosheya mwana waku Ela, karonga waku Yisraele, Hezekiya mwana waku Abazi, karonga waku Yuda wangwamba kuwusa.


Mu mazuŵa ghaku Ahazi mwana waku Yotamu, mwana waku Uziya, karonga wa ŵaYuda, Rezini, karonga wa Siriya ndi Peka mwana waku Remaliya karonga waku Yisraele ŵangukwere ku Yerusalemu kwachipong'a nkhondo paku wo, kweni kuti ŵanguwupunda cha.


Mu chirimika cho karonga Uziya wangufwiya ndinguwona Ambuya akuja ndeku pa chitengo cha ukaronga, pachanya ndi akukwezgeka, ndipo vivwalo vyawo vinguzaza kasopi.


Mazu gho Yesaya mwana waku Amozi wanguvwa gha paku Yuda ndi Yerusalemu.


Mu chiwona, mazuŵa ghamwaka, mungukamba ku ŵateŵeti ŵinu ŵamagomekezgeka kuti, “Ndaŵika chifuku pa msilikali wangu walumbiri; ndapereka chitengo ku yumoza wakusankhika mu ŵanthu.


uneneska waku yo watuvwa mazu ghaku Chiuta, ndipo waziŵa chinjeru cha wapachanya limu, wakuwona chiwona cha wanthazizose, wakuwa pasi, kweni wambura kusizimiya maso:


Mazu ghaku Amosi, yo wenga yumoza wa ŵaliska ŵaku Tekoa, ghenigho wanguvwa ghakunena Yisraele mu mazuŵa ghaku Uziya karonga waku Yuda, ndi mu mazuŵa ghaku Yeroboamu, mwana waku Yoashi, karonga waku Yisraele. Kunguja virimika viŵi chenga chindazi chidiririzi.


Viyo atiti Ambuya ŵa maŵanja, “Rekani kutegherezga ku mazu gha ŵamchimi ŵeniwo ŵatimuchimiyani, ŵatukuzazani ndi vyakugomezga vyambura kanthu: ŵakamba viwona vya maghanughanu ghawo, kuti vyakutuwa ku mlomo wa Ambuya cha.


Kwere ku phiri litali, Zioni we, wakumemeza uthenga wamampha; soska mazu ghako ndi nthazi, Yerusalemu we, wakumemeza uthenga wamampha, uwukwezge, ungopanga cha, nena ku mizi ya ku Yuda, “Ehe Chiuta winu!”


Chakuwona chizitu chataulika kwangu; wakukwamphuwa wakwamphuwa, wakubwanganduwa wabwanganduwa. Kweliyangako, Elami we, kazenge misasa Media we, kutata kose kwanthazi ko wachitiska iyo ndikamariskanga.


Uchimi wa paku Babiloni wo Yesaya mwana waku Amozi wangu wona.


Mu chirimika cha chiŵi chaku Peka mwana waku Remaliya, karonga waku Yisraele, Yotamu mwana waku Uziya karonga waku Yuda wangwamba kuwusa.


Ndipo Azariya wangula pamoza ndi ŵambuyake, ndipo ŵangumuŵika mu msumba waku Davidi, sono Yotamu mwana wake wanguwusa mu malo ghake.


Mu chirimika cha machumi ghaŵi pachanya vinkhonde ndi viŵi chaku Yeroboamu karonga waku Yisraele Azariya mwana waku Amaziya, karonga waku Yuda, wangwamba kuwusa.


“Viyonthu, a Karonga Agripa, kuti ndinguŵa wamtafu cha ku chiwona cho chakuchanya,


Ndipo Petro wachisuzgika mu mtima mwaku yija, chingaŵanji chiwoniwoni cho chenicho wawona, wonani, ŵanthurumi wo ŵangutumika ndi Kornelio, ŵati ŵafumbiriya ndi nyumba yaku Simoni, ŵanguma pa likomo,


Ndipo ŵachisika ku phiri lo, Yesu wanguŵachinyiya, “Munganene yumoza cha chachiwona cho, mpaka penipo Mwana wa munthu wayuka ku ŵakufwa.”


Ndipo Ambuya angundamuka anguti: “Lemba chiwona, malembo ghawonekenge pa vipapate, mwakuti yo waŵerengapo wendepo ruŵi.


Uchimi wakunena ndi Nineve. Buku la chiwona chaku Nahumu waku Elikoso.


Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.


Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.


uneneska waku mweniyo watuvwa mazu ghaku Chiuta, yo walereska chiwona cha wanthazi zose, wakuwa pasi, kweni wakuwa ndi maso ghambura kusizimiya:


Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.


Nditenere kutumbwa inya; ndipo kuti kutovya kanthu cha; kweni ndirutiriyenge kukamba ndi viwona ndi mauvumbuzi gha Mbuya.


Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.


Shalumu mwana waku Yabeshi wangwamba kuwusa mu chirimika cha machumi ghatatu pachanya vinkhonde ndi vinayi chaku Uziya karonga waku Yuda, ndipo wanguwusa mwezi umoza mu Samaria.


Wangutuma Eliakimu, yo wenga wakutufuliya nyumba, ndi Shebina mlembi, ndi ŵazukuru ŵakudanga, ŵakuvwala vigudulu, kumchimi Yesaya mwana waku mozi.


Sono nchitu zinyake zaku Uziya, zakudanga ndi zakumariya, Yesaya mchimi mwana waku Amozi wakulemba.


Yotamu wenga ndi virimika machumi ghaŵi pachanya vinkhonde (25) mu ura po wangwamba kuwusa, ndi wanguwusa virimika chumi pachanya vinkhonde ndi chimoza (16) mu Yerusalemu. Zina la nyina lenga Yerusa mwana waku Zadoki.


Ahazi wenga ndi virimika machumi ghaŵi po wangwamba kuwusa, ndipo wanguwusa virimika chumi pachanya vinkhonde ndi chimoza mu Yerusalemu, ndipo kuti wanguchita cho chenga chamampha cha mu maso gha Ambuya nge ndi wiske Davidi,


Mpasku wakujipaturiya, wenga nkhuzi machumi pe chumi ghankhonde ndi limoza (600), mberere vikwi vitatu (3,000).


pa nyengo yiya Ambuya angukambiya mwaku Yesaya mwana waku Amozi, kuti, “Ruta, ukafwatuwe chigudulu mu chiunu chako ndi kuzuwa viyato ku marundi ghako,” iyo wanguchita ichi, wangwenda wankhuli ndi marundi ghawaka.


Ndipo wangutuma Eliakimu, yo wenga wakutufuliya nyumba yose, ndi Shebna mlembi, ndi ŵazukuru ŵara, ŵakuvwalikika ndi vigudulu, ku mchimi Yesaya mwana waku Amozi.


Mu mazuŵa ghenigha Hezekiya wangutama ndipo wenga pafupi kufwa. Ndipo Yesaya mchimi mwana waku Amozi wanguza kwaku iyo, wanguti, “Viyo atiti Ambuya: Nozga umampha nyumba yako; pakuti ukafwanga, kuti ukachiranga cha.”


Pa zuŵa la chinkhonde, mwezi wa chinayi, mu chirimika cha chumi ndi vitatu, penipo ndenga mukati mu ŵamikoli ku msinji Kebara, machanya ghangujurika, ndipo ndinguwona viwona vyaku Chiuta.


mupereke sembe zakocha zakuwonge za mtupu, ndi mpaskuwa wanangwa, ndipo muwuwandiske; chifukwa mutanja kuchita viyo, mwa ŵanthu ŵaku Yisraele!” atiti Ambuya.


Swiv nou:

Piblisite


Piblisite