Yeremiya 9:4 - Tonga Bible 1986

⁴ We yose wacheŵe ndi mwanasi wake, wareke kugomezga mu mwana munyake; pakuti mbali yose wasere mu malo gha mwana munyake ndi uchenjezi, ndipo mwanasi we yose ndi mwenda nato.

Yeremiya 9:4 Referans Kwoze

Yeremiya 6:28

Wose mbachigaruka ŵanonono, ŵaruta uku ndi uku ndi mautesi; iwo ŵe mkuŵa ndi chisulo, wose ŵatakataka kwaŵaka.

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

ŴaLevi 19:16

Mungaŵanga ŵamwendanato cha mukati mu ŵanthu ŵinu, ndipo mungachitanga ukaboni wa kupusika cha pa umoyo wamuzengezgani winu. Ndine Ambuya.

Yeremiya 12:6

Pakuti chingana mbana ŵanyinu ndi mphapu ya auskemwe iwo nawo ŵachita namwe kwakupusika, ŵaliya, kwakufikapo kuliriya imwe; mungavwananga nawo cha, chingana ŵangarongoro namwe mazu ghakunozga.”

Nthanthi 25:18

Munthu mweniyo watole chisimisimi cha utese pa muzengezgani wake, we uli ndi nthonga ya nkhondo, pamwenga lipanga pamwenga muvwi wakuthwa.

Nthanthi 10:18

Mweniyo wabisirizga kutinkha wendi milomo yitesi, ndipo mweniyo watundula kwa utesi ngwa kupusa.

Sumu 15:3

yo kuti wapusika ndi lilime lake cha, ndipo kuti wachitiya uheni mbali wake cha, nanga nkhutombozga mwanasi wake cha;

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.

Luka 21:16

Kweni mukombolekenge ndi ŵapapi nawo, ndi ŵabali, ndi vinini, ndi mabwezi; ndipo ŵabayengepo ŵanyake ŵaku imwe.

Mateyu 10:17

Kweni ŵacheŵeni ŵanthu: chifukwa ŵamkomboleninge ku maupu, ndipo mu masinagoge ghawo ŵamkumukwechuwani,

Ezekiele 22:9

Mwe ŵanthu mwaku iwe wo mbamwendanato kudiska ndopa, mwe ŵanthu wo ŵaturgha pa mapiri, ŵalimo mukati mwako wo ŵachita vinthu vya ukazuzi.

Nthanthi 6:19

kaboni mutesi mweniyo watuzga mautesi, ndi munthu mweniyo wakhuŵizga zindeu pakati pa ŵabali.

Nthanthi 6:16

Pe vinthu nkhonde ndi chimoza vyenivyo Ambuya atinkha, nkhonde ndi viŵi vyenivyo mbukazuzi kwawo:

Sumu 101:5

Ndikaphwanyanga munthu mweniyo warongorore uheni pa muanasi wake ku ubende. Munthu wa maso ghakujitunthwa ndi mtima wa kujikuzga kuti ndimulekerezgenge waka cha.

Yesaya 59:13

kutimbanizga, ndi kukana Ambuya, ndipo tituwako kukurondo Chiuta widu, tirongoro kuyuzga ndi chigaruka, tizuwuka utesi mu mitima, ndi kutuzga mazu gha kunyenga pa mlomo.

Yeremiya 9:8

Lilime lawo ndi muvwi wakubaya likamba kwakupusika; ndi mlomo munthu yose wakamba ku mwanasi wake gha chimangu, kweni mu mtima wake warongoso, kumukhazga.

Malaki 2:10

Kumbi kuti tose tendi uskefwe yumoza cha? Kumbi kuti tose tarengeka ndi Chiuta yumoza cha? Nanga chifukwa nchine tireka kugomezgana yumoza ndi munyake, ndi titananga phanganu la auskefwe?

Nthanthi 4:16

Pakuti ŵangagona cha kwambura kuti ŵachita chiheni; ŵapokeka tulo kwambura kuti ŵaguŵiska munthu.

Nthanthi 4:17

Pakuti ŵaturgha chiŵande cha uheni ndi ŵatuma vinyo wa ndeu.

Yesaya 9:16

pakuti wo ŵarongozga yaŵa ŵanthu ŵati ŵapuruska, ndipo wo ŵarongozgeka ndi iwo ŵamezeka.