Yeremiya 9:2 - Tonga Bible 1986

² Owe, mphanyi ndinguŵa ndi msasa wa ŵalendo mu bozwa, mwakuti ndingasiya ŵanthu ŵangu ndi kuruta kutuwako kwaku wo! Pakuti wose mbareŵi, mpingu wa ŵanthu ŵa chiŵembo.

Yeremiya 9:2 Referans Kwoze

Yeremiya 23:10

Pakuti charu chazazika ndi ŵareŵi; chifukwa cha thembo charu chitenje ndipo mauliska gha mubozwa ghamira. Kenderu kawo mbuheni, ndipo nthazi yawo kuti njakurunjika cha.

Hoseya 4:2

Mwe kurapa, kupusika, kubaya, kuba, ndi kuchita ureŵi, ŵabwanganduwa zimphaka, ndipo kubaya kurondo kubaya.

Hoseya 7:4

Mbareŵi wose; ŵayana ndi ng'anjo yakufunda, yeniyo wakubikapo wareka kupembako moto, kwamba pakukanya chiŵande mpaka chitukumuke.

Yeremiya 12:6

Pakuti chingana mbana ŵanyinu ndi mphapu ya auskemwe iwo nawo ŵachita namwe kwakupusika, ŵaliya, kwakufikapo kuliriya imwe; mungavwananga nawo cha, chingana ŵangarongoro namwe mazu ghakunozga.”

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

Malaki 2:11

Yuda waŵa wambura chigomezgu, ndipo ukazuzi wachitika mu Yisraele ndi Yerusalemu, chifukwa Yuda wananga nyumba yakupaturika ya Ambuya, yo atanja, ndipo wato kuŵa muwoli wake mwana munthukazi waku chiuta mlendo.

Zefaniya 3:4

Ŵamchimi ŵake mbanthu ŵakupusika; ŵambura magomekezgeka; ŵazukuru ŵake ŵafipiska malo ghatuŵa, ŵabendezga dangu.

Hoseya 6:7

Kweni paku Adamu ŵanguswa phanganu; kwenikuwa ŵanguchita nane kwakuura magomezgeka.

Hoseya 5:7

Wachita kwambura magomekezgeka ndi Ambuya, chifukwa ŵabala ŵana ŵachilendo. Sono mwezi ufya wakuŵalika ŵamarenge pamoza ndi minda yawo.

Yeremiya 5:11

Pakuti nyumba yaku Yisraele ndi nyumba yaku Yuda ŵaŵa ŵambura magomezgeka kwakufikapo kwangu, atiti Ambuya.

Yeremiya 13:22

Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Mika 6:12

Ŵanthu ŵinu ŵasambasimba kuzazika ndi nkhaza; ŵakuja mwaku imwe ŵakamba mautesi, ndi lilime lawo ndakupusika mu mlomo wawo.

Malaki 2:14

Mufumba kuti, “Warekiyanji?” Chifukwa Ambuya ŵenga ŵakaboni ŵa phanganu pakati pako ndi muwoli wa uhurwa wako, kwaku mweniyo kuti waŵa wamagomekezgeka cha, chingana ndi bwezi lako lakusungana nalo, ndiso muwoli wako wa phanganu.

Ŵeruzgi 2:10

Ndipo mgonezi wose wuwa unguwunjikika ku auskeu; ndipo kunguyuka mgonezi unyake pavuli pawo, wo wengavi kuziŵa Ambuya pamwenga nchitu yo anguchitiya Yisraele.

Yesaya 59:3

Pakuti manja ghinu ghakazuzgika ndi ndopa ndi minwe yinu ndi uheni; milomo yinu yirondoro mautesi, lilime linu ling'ung'uta utimbanizi.

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

Yeremiya 5:2

Chingana ŵatiti, “Nge ndimo aliri amoyo Ambuya,” kweni ŵarapa kwakupusika.