Yeremiya 9:15 - Tonga Bible 1986

¹⁵ Chifukwa cho Ambuya ŵa maŵanji, Chiuta waku Yisraele watiti, Ehe, ndikaŵahiŵanga ŵanthu yaŵa ndi vipasi vyakuŵaŵa, ndi kuŵamweska maji gha nduru.

Yeremiya 9:15 Referans Kwoze

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Chitenje 3:15

Wandizaza ndi vyakuŵaŵa wandigutiska vya nkhanya.

Sumu 80:5

Mwatirghiska chiŵande cha masozi, chandi chikuru chakuzaza masozi mwatimweska.

Yeremiya 23:15

Chifukwa cho atiti Ambuya ŵa maŵanja pa ŵamchimi, “Ehe, ndikaŵahiŵanga ndi mafuzi ndikuŵapaska maji gha nduru kumwa; pakuti ku ŵamchimi ŵamu Yerusalemu ndiko kwatuliya uwura-chiuta mu charu chose.”

Chivumbuzi 8:11

Ndipo zina la nyenyezi yo linguzumbulika Muŵaŵa: ndipo chigaŵa chachitatu cha maji chinguŵa chakuŵaŵa; ndipo ŵangufwa ŵanthu ŵanandi chifukwa cha maji gho, pakuti ghanguŵaŵiskika.

Chitenje 3:19

Kumbukani suzgu yangu ndikuŵaŵa kwangu, vyankhanya ndi nduru!

Yeremiya 25:15

Viyo Ambuya, Chiuta waku Yisraele, wanguti kwaku ine: “Ronde kutuwa mu janja langu chandi ichi cha vinyo wa ukari, ndipo umweske mitundu yose yeniyo ndikakutumangako.

Yesaya 2:22

Tuwako ku munthu mweniyo mumphunu zake mwe mvuchi, pakuti iyo njani nayo?

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.

Sumu 75:8

Chifukwa mu janja la Ambuya mwe chandi; chakuzaza ndi vinyo mufya, wanthazi ukongwa; akampunguwanga, ndipo yose ŵaheni ŵakamwangapo; ŵakamwanga yose mpaka kanthoni ka kumariya.

Sumu 69:21

Po ndenga wanja, ŵangundiliska nduru, po ndenga wanyota, ŵangundimweska vinyo wakuŵaŵa.

Sumu 60:3

Mwachitiska khamu linu kukomwa vinonono ukongwa; mwatimweska vinyo wakutizendezendeska.

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

Marangu 28:36

“Ambuya akamuperekaninga pamoza ndi karonga winu yo mwamika pachanya pinu ku mtundu wo imwe nanga mbauskemwe ŵalivi kuwuziŵa, ndipo kwenikuwa mwamuteŵete ŵachiuta ŵanyake ŵa muti ndi ŵa mwa.

Yeremiya 24:10

Ndipo ndikatumanga lipanga, chilala, ndi chideru paku wo, mpaka ŵakamaranga tetete mu charu chenicho ndinguŵapaska iwo ndi auskeu.”

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yeremiya 49:37

Ndikawofyanga ŵaElamu paurongo pa ŵakupindikana ŵawo, paurongo paku wo ŵapenja kuŵabaya. Ndikatolenga chiheni paku wo, kukwiya kwangu kwakofya, atiti Ambuya. Ndikatumanga lipanga pavuli pawo, mpaka penipo ndaŵamara;

Ezekiele 5:2

Chigaŵa chimoza cha vigaŵa vitatu uwoche pa moto mukati mu msumba, asani mazuŵa ghakuwujarizgiya ghafiskika; chigaŵa chinyake uchipume-pume ndi lipanga kuzunguliya msumba; ndipo chigaŵa cha chitatu uchimbininiske ku mphepo, ndipo ine ndikasoronga lipanga pavuli pawo.

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.