Yeremiya 9:11 - Tonga Bible 1986

¹¹ Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yeremiya 9:11 Referans Kwoze

Yesaya 25:2

Pakuti muzi mwauchita chiza, msumba wa malinga waŵa phasulu; nyumba ya ufumu ya ŵalendo sono ndi muzi so cha, kuti ukazengekanga so cha.

Yeremiya 51:37

Babiloni wakaŵanga vimbumira vya phasulu, mwakuja ŵakambwe, chakofya, ndi chakusekeka mwambura munthu wakujamo.

Yeremiya 10:22

Avwani lumbiri! Ehe, chituza! Chimtimbaheka chikuru kutuwa ku charu chaku nkhonde, kuzachichita mapopa mizi yaku Yuda, mphanji za ŵakambwe.

Yesaya 34:13

Minga yikamenga pa malinga ghake, kabata ndi kuchiwanga mu malo ghake ghakuvikiriya. Mukaŵanga mwakupikiskana ŵakambwe, mwakugona viyuni.

Yesaya 13:22

Ŵapundu ŵakahumanga mu ŵasonjo ŵake, ŵakambwe mu nyumba zake, zakukondweska za chifumu; nyengo yake yaŵandika ye pafupi ndipo mazuŵa ghake kuti ghakarutiriyanga cha.

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Chitenje 3:47

mantha ndi zimbuna zakuwamo vyaza paku ifwe, phasulu ndi kwanangika;

Chitenje 2:2

Ambuya abwanganduwa kwambura lisungu mizi yose yaku Yakobe; mu ukari wawo abwanganduliya pasi malinga gha misumba, yaku Yuda; asiskiya pasi mu muyuyu ufumu ndi weruzgi wake.

Yeremiya 34:22

Ehe, ndikalanguranga, atiti Ambuya, ndipo ndikaŵawezgiyanga ku msumba uwu; ndipo ŵazamukurwa nawo, ndi kuwocha ndi moto. Ndikachitanga misumba yaku Yuda kuŵa mapopa mwambura wakujamo.”

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 25:11

Charu chose ichi chikaŵanga chakuphwanyika ndi phasulu, ndipo mitundu iyi yikatataliyanga karonga wa Babiloni virimika machumi ghankhonde ndi ghaŵi (70).

Sumu 79:1

A Chiuta, ŵamitundu ŵazinga ŵanthu ŵinu mu charu! Ŵakazuzga nyumba yinu yakupaturika, ŵapasuwa Yerusalemu.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Mika 1:6

Chifukwa ichi ndisanduskenge Samaria ndundu ya mu munda, malo ghakulimamo munda wa mphereska. Ndipo nkhapong'anga mya ya nyumba zake mu dambo, ndikubanuwa viŵanja vyake.

Yeremiya 26:9

Chifukwa chine wachimiya mu zina la Ambuya kuti, ‘Nyumba iyi yikaŵanga uli ndi Shilo, ndipo msumba uwu ukaŵanga mapopa, mwambura munthu wakujamo?’ ” Ndipo ŵanthu wose ŵanguunjikana kwakuzunguliya Yeremiya mu nyumba ya Ambuya.

Yeremiya 25:18

Yerusalemu ndi mizi yose yaku Yuda; ŵakaronga ŵake ndi mafumu ghake, kuŵasanduska phasulu ndi chakunyozeka, chakusekeka ndi chakutembeka, nge ndimo ŵaliri zuŵa lino.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Nehemiya 4:2

Ndipo wanguti paurongo pa ŵabali ŵake ndi paurongo pa liŵanja la nkhondo la Samaria, “Ŵachitanji yaŵa ŵaYuda ŵakutomboloka? Kumbi ŵakawerezgiyangamo vinthu? Kumbi ŵakaperekanga mpasku? Kumbi ŵakamalanga kuchita pa zuŵa limoza? Kumbi ŵakawunjikanga so mya kuyituzga mu zindundu za kuviza, ndi yo yikufya mwenimo?”

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!

ŴaLevi 26:32

Ndipo nkhapasuwanga charu cho, viyo kuti ŵamawongo ŵinu wo ŵajengemo ŵakazizwanga pakuchiwona.

Sumu 44:19

nanga imwe mwatiphwanya mu malo gha ŵakambwe, ndipo ndi kutivimba ndi munkhorwe.

Yeremiya 1:15

Pakuti, ehe, ndikadananga makhamu ghose gha maufumu ghaku nkhonde, atiti Ambuya; ŵakazanga, ndipo we yose wazamuŵika chitengo chake pakuserere pa malikomo gha Yerusalemu kunyekezga ku malinga ghake kwakuzunguliya kose ndi pa mizi yose yaku Yuda.

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.

Yeremiya 44:2

“Viyo atiti Ambuya ŵa maŵanja, Chiuta waku Yisraele: Mwawona uheni wose wo ndikutole pa Yerusalemu, ndi pa misumba yose yaku Yuda. Ehe, msana wale nja mapopa, ndipo palivi yumoza yo wajamo mwaku yo,

Yeremiya 49:33

Hazoro wakasandukanga mwakuja ŵakambwe, malo ghaphasulu muyaya: palivi munthu yo wakajangamo palivi yo wendamugonamo mwake.”

Yeremiya 50:3

“Pakuti kutuliya ku nkhonde mtundu waza kukwere paku iyo, wo ukachitanga charu chake kuŵa mapopa, ndipo paulengevi yumoza wakuja mwenimo; wose munthu ndi nyama ŵakathaŵanga.

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

Sumu 107:43

Wo wose mba zeru ŵaghaneghane ndi vinthu ivi ŵaziŵiske ndichanju chakufikapo cha Ambuya.

Yeremiya 8:22

Kumbi mulivi munkhwala mu Gileada? Kumbi ng'anga mulivi mwenimuwa? Na chifukwa nchine umoyo wa ŵanthu ŵangu ulivi kuweremo?

Yeremiya 16:10

“Ndipo utakuti waŵanene ŵanthu yaŵa mazu yagha ghose, sono ŵachikufumba kuti, ‘Chifukwa chine Ambuya ataula uheni wose ukuru uwu paku ifwe? Utimbanizi widu ngune? Mbuheni uli wo tachitiya Ambuya Chiuta widu?’