Yeremiya 9:1 - Tonga Bible 1986

¹ Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Yeremiya 9:1 Referans Kwoze

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yesaya 22:4

Chifukwa cho ine ndinguti: “Lereskani kunyake kutuwako kwangu, ndirekeni ndiliyi masozi ghakuŵaŵa; mungatakatakiyanga kundisangaluska cha chifukwa chakumara kwa ŵanthu ŵangu.”

Chitenje 2:11

Maso ghangu ghajaliya kuliya pe; mzimu wangu usuzgika; mtima wangu upungulikiya mu chitima chifukwa cha kubwangandulika kwa ŵanthu ŵangu, chifukwa malitema ndi ŵana ŵalakatuka, mu miseu ya msumba wo.

Yeremiya 6:26

Mwa ŵanthu ŵangu, vwarani vigudulu, ndipo mukunkhuwe mu vyoto; muchite chitenje nge nchikuliya mwana munthurumi yumoza pe, maliro ghakuŵaŵa kwakuruska; pakuti kwamabuchibuchi wakubaya yo wakazanga paku ifwe.

Yeremiya 14:17

Iwe uŵakambiyenge mazu yagha; ‘Usiku ndi msana maso ghangu ghasuruwe masozi, ghareke kukamuka, pakuti mwana munthukazi wa ŵanthu ŵangu wapwetekeka ndi bala likuru, ndi kupumika kuzitu.

Yesaya 16:9

Chifukwa chinchi ndiliya ndi kaliridu kaku Jezeri chifukwa cha mphereska ya Sibma; nditukuzumbwiska ndi masozi ghangu, Heshiboni we ndi Eleale, pakuti pa chipasi chako ndi vuna yako chiwawa cha nkhondo cha ŵapo.

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Sumu 42:3

Masozi ghangu ghandiŵiya kurgha msana ndi usiku, penipo ŵanthu ŵakamba nane kwambura kurekezga, “Wepani Chiuta wako?”

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yeremiya 8:18

Chitima changu nchambura kuchizgika, mtima ngwakutama mukati mwangu.

Yeremiya 9:18

ŵatinthimike, ŵabuske chitenje paku ifwe, mwakuti maso ghidu ghapopome masozi, ndi nkhope zidu zidike maji.

Sumu 55:7

inya, mphanyi ndayingiya kutali, mphanyi ndigona mu bozwa.

Yeremiya 3:10

Kweni paku vyose ivi Yuda mzichi wake phula kuti wanguwere kwangu ndi mtima wake wose cha, kweni ndi chiphamaso, atiti Ambuya.”

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Hoseya 7:4

Mbareŵi wose; ŵayana ndi ng'anjo yakufunda, yeniyo wakubikapo wareka kupembako moto, kwamba pakukanya chiŵande mpaka chitukumuke.