Yeremiya 8:5 - Tonga Bible 1986

⁵ Na chifukwa chine ŵanthu yaŵa ŵapatukiya kunyake, ŵawere vuli kwambura kuweko? Ŵakoreska kupusika, ŵakana kuweko.

Yeremiya 8:5 Referans Kwoze

Yeremiya 9:6

Ŵaunjika kuyuzga pachanya pa kuyuzga, ndikupusika pachanya pakupusika, ŵakana kundiziŵa ine, atiti Ambuya.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Zekariya 7:11

Kweni wangukana kuvwiya, ŵangusukung'a maphewa, ndi kujara makutu mwakuti ŵareke kuvwa.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

Yohane 5:40

kweni kuti mukhumba kuza kwaku ine cha, mwakuti muŵe umoyo.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Yeremiya 5:27

Uli ndi sokora yakuzaza tuyuni, nyumba zawo zizala fuzi yiheni; chifukwa cho ŵaŵa ŵakutukumuka ndi ŵaromba,

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Yesaya 30:10

ŵeniwo ŵakamba ku ŵakuwona, “Rekani kuwona”; ndi ku ŵamchimi, “Mungatichimiyanga cha ifwe cho nchakurunjika; kambani nafwe vinthu vya koloŵa, chimani vyautesi,

Chivumbuzi 2:25

Mbwenu, cho mwenacho, koreskani mpaka ndizenge.

1 ŴaTesalonika 5:21

vyeseni vyose; koreskani cho nchamampha;

Hoseya 4:16

Yisraele wangangamika nge ndi ng'ombe yinthukazi yimana; kumbi sono Ambuya angaziŵa kuŵaliska nge ndi mwana wa mberere mu dambo lisani?

Yeremiya 2:32

Kumbi mwali wangaruwa vyakujizganga navyo vyake, pamwenga mwali wanthengwa vyakuvwara vyake? Kweni ŵanthu ŵangu ŵandiruwa mazuŵa ghambura maŵerengeka.

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

Nthanthi 4:13

Koreska chisambizgu, kutaya cha; uchivikiriye, pakuti ndicho umoyo wako.

Yeremiya 5:6

Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Danyele 9:11

Yisraele yose wajumpha dangu linu ndi wapatukako kwaku imwe, wakana kuvwiya mazu ghinu. Thembo, ndi rapu vyo vikurembeka mu dangu laku Mosese muteŵeti waku Chiuta vyapungulikiya paku ifwe.

Yeremiya 3:5

kumbi wakakalipanga muyaya? Kumbi wakakaranga mpaka ku umari?’ Ehe, imwe mwakamba kweni mwachita uheni wose weniwo munguziŵa kuchita.”

Yeremiya 6:17

Ndingumika ŵalonda paku imwe, ndi kuti, ‘Phwereni ku kuliya kwa mbata.’ Kweni iwo ŵanguti, ‘Kuti tikaphwerenga cha!’

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Hoseya 11:5

Ŵakawerenga ku charu cha Egipiti, ndipo Asiriya wakaŵanga karonga wawo, chifukwa ŵakana kuwere kwaku ine.

Hoseya 13:2

Ndipo sono wanangiyanangiya, ndi kujipangiya vikozgu vyakusongono, ŵangoza ŵakupangika umampha ndi siliva wawo, vyose ndi nchitu ya fundi. Ŵatiti, “Perekani sembe ku ŵangoza.” Sono ŵanthu ŵa fyofyontha mathole!