Yeremiya 8:4 - Tonga Bible 1986

⁴ “Ukakambanga kwaku wo, Viyo atiti Ambuya: Asani ŵanthu ŵawa asi ŵayuka so? Asani yumoza wapatukiya kunyake asi wawe so?

Yeremiya 8:4 Referans Kwoze

Nthanthi 24:16

pakuti munthu murunji watuwankhonde ndi kaŵi ndipo wayuka so; kweni ŵamphulupulu ŵathereskeka ndi suzgu.

Mika 7:8

Mungasekeriyanga paku ine cha, mwa ŵarwani ŵangu, ndichiwa, nkhayukanga; ndichija mu mdima, Ambuya akaŵanga ukweru kwaku ine.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Amosi 5:2

“Ŵakusankhika ŵangu ŵaYisraele ŵawa ndipo kuti ŵakayukanga so cha ŵasiyika pa charu chawo palivi wakuŵayuska!”

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Hoseya 7:10

Kujikuzga kwaku Yisraele kuti musimikizga; ndipuuli kuti ŵawere kwa Ambuya Chiuta wawo cha, chingana nkhumupenja.

Ezekiele 18:23

Kumbi ndenalo likondwa pa nyifwa ya muheni, atiti Ambuya Chiuta, asi chakuruska nchakuti wang'anamukeko ku nthowa yake waŵe ndi umoyo?

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

1 ŴaKaronga 8:38

Manyi ndi rombu lakutinji, manyi nkhuŵeyere kwakutinji ko kungachitika ndi munthu we yose pamwenga ndi khamu lose la Yisraele, munthu we yose wachiziŵa suzgu ya pa mtima wake, ndipo watambaruliya manja ghake kurata ku nyumba iyi,

Yeremiya 36:3

Kokuli nyumba yaku Yuda yikavwanga uheni wose weniwo ndikhumba kuchita paku wo alinga we yose winu wangang'anamukako ku nthowa yake yiheni, ndikuti ndinguŵagowoke ulakwi ndi uheni wawo.”

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Yeremiya 4:1

“Asani mukawenga, Yisraele we, atiti Ambuya, mutenere kuweredi kwaku ine. Asani munderezgapo maukazuzi ghinu paurongo pangu, ndi kuti mukangang'a cha,

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.