Yeremiya 8:15 - Tonga Bible 1986

¹⁵ Tingulereze chimangu, kweni kuti tinguwona umampha cha, tingupenja nyengo yakuchizga, kweni ehe, kofya.

Yeremiya 8:15 Referans Kwoze

Yeremiya 14:19

Kumbi mwamukaniya limu Yuda? Kumbi mzimu winu wamutinkha Zioni? Kumbi mwatipumiyanji mwakuti kulivi kuchizgika kwaku ifwe? Tingupenja chimangu, kweni kamampha kakuwoneka cha; nyengo ya kuchizgika, kweni ehe, chofyu.

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.

Mika 1:12

Pakuti ŵakuja mu Maroti ŵalindizga chamampha ndi linweka likuru, chifukwa uheni wasikiya pasi kutuwa ku Ambuya, kuza ku likomo laku Yerusalemu.

Yeremiya 8:11

Ŵachizga bala la ŵanthu ŵangu kamanavi keni, ŵatiti, ‘Chimangu, chimangu,’ penipo chimangu palivi.

Yeremiya 4:10

Sono ine ndinguti, “Ambuya Chiuta, kwakuneneska mwaŵapusika limu ŵanthu yaŵa ndi Yerusalemu, pakukamba kuti, ‘Kukamuŵiyaninga umampha’; penipo lipanga lafika pa umoyo wawo iwo.”

Jobu 30:26

Kweni penipo ndingupenja umampha, uheni unguza; ndipo penipo ndingurindizga ukweru, mdima unguza.

Yeremiya 6:25

Mungarutanga kwachisere mu minda, chingana nkhwenda mu museu cha; pakuti wakupindikanga wendi lipanga, mantha ghe posepose.

Yeremiya 12:12

Pa mitunthu yose ya chipalamba mu bozwa paza ŵaphasulu; pakuti lipanga la Ambuya limeza kutuwa ku chigoti chimoza cha charu kwachifika ku chigoti chinyake mu charu chose, kulivi chimangu.

Ezekiele 7:25

Po urwirwi wafika, ŵakapenjanga chimangu, ndipo kuti chikaŵangapo cha.