Yeremiya 8:14 - Tonga Bible 1986

¹⁴ Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Yeremiya 8:14 Referans Kwoze

Yeremiya 23:15

Chifukwa cho atiti Ambuya ŵa maŵanja pa ŵamchimi, “Ehe, ndikaŵahiŵanga ndi mafuzi ndikuŵapaska maji gha nduru kumwa; pakuti ku ŵamchimi ŵamu Yerusalemu ndiko kwatuliya uwura-chiuta mu charu chose.”

Yeremiya 9:15

Chifukwa cho Ambuya ŵa maŵanji, Chiuta waku Yisraele watiti, Ehe, ndikaŵahiŵanga ŵanthu yaŵa ndi vipasi vyakuŵaŵa, ndi kuŵamweska maji gha nduru.

Chitenje 3:19

Kumbukani suzgu yangu ndikuŵaŵa kwangu, vyankhanya ndi nduru!

Yeremiya 35:11

Kweni penipo Nebukadanezara karonga waku Babiloni wanguza kuzachirwa ndi charu ichi, tinguti, ‘Tiyeni tirutenge ku Yerusalemu pakopa wumba wankhondo wa ŵaKaldiya ndi nkhondo yaŵa Siriya.’ Viyo tija mu Yerusalemu.”

Mateyu 27:34

ŵangumpaska kumwa mphereska zakusazgamo nduru: ndipo wati walaŵa kuti wangukhumba kumwapo cha.

Sumu 69:21

Po ndenga wanja, ŵangundiliska nduru, po ndenga wanyota, ŵangundimweska vinyo wakuŵaŵa.

2 Samuele 20:6

Davidi wangunena ndi Abishai, “Sono Sheba mwana waku Bikri ŵakatichitiyanga uheni kwakuruska Absalomu; uto ŵateŵeti ŵa mbuyako, mulondo, vinu wangajitore mizi ya malinga ghakukho ndikutiserezga mu masuzgu.”

Marangu 29:18

Phwereni vinu wangaŵapo mukati mwinu munthurumi pamwenga munthukazi, pamwenga mbumba, pamwenga khamu lo mtima wake utuwako ku Ambuya Chiuta widu, kuruta kwachiteŵete ŵachiuta ŵa mitundu yo, vinu mungaŵa mukati mwinu musisi wakupasa chipasi chakubaya ndi chakuŵaŵa.

Zekariya 2:13

Jani chisisi, mwa ŵanthu mose panthazi pa Ambuya, chifukwa ayuka mu malo ghawo ghakupaturika ghakujamo.

Habakuku 2:20

Kweni Ambuya ŵemu kasopi wawo wakupaturika; charu chose chije chisisi paurongo pawo.

Amosi 6:10

Ndipo asani mbali wapa mtima wa munthu, yo watumocha, wakamutonga kutuzgamo viwanga mu nyumba, ndipo wakatinge kwaku yo we mu nyumba mukati ukongwa, “Kumbi waliku soyumoza ndi iwe?” Wamukenge kuti, “Awa” Ndipo watinge, “Ja chete! pakuti tingaumbuwa zina la Ambuya cha.”

Yeremiya 14:20

Tizomera maulakwi ghidu, Ambuya mwe, ndi uheni wa auskefwe pakuti takulakwiyani imwe.

Sumu 39:2

Ndinguŵa mbuwu ndinguchetama, ndingujiko mtima kwaŵaka, suzgu yangu yingukuwa ukongwa.

Marangu 32:32

Pakuti mphereska yawo yituliya ku mphereska ya Sodomu, ndi ku minda ya Gomora. Vipasi vyawo ndi vipasi vya kuŵaŵa, kwakubaya, makhoroza ghake ghaŵaŵa:

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Yesaya 47:5

Muje chisisi ndipo muruti mu mdima, mwa ŵaKaldiya; kuti mukadanikanga so ŵakuusa cha.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Yeremiya 9:14

kweni ŵangangamika kurondo mitima yawo; ndipo ŵandondoloska ŵaBala, nge ndimo anguŵarunguchizgiya auskeu.