Biblia Todo Logo
Bib sou entènèt

- Piblisite -




Yeremiya 8:13 - Tonga Bible 1986

13 Penipo ndingwenere kuŵaunjika, atiti Ambuya, vipasi mulivi mu mphereska, nanga ndi nkhuyu mu mkuyu; chingana ndi mani ghamira, ndipo cho ndinguŵapaska chatuwako kwawo.”

Gade chapit la Kopi




Yeremiya 8:13
25 Referans Kwoze  

Ndipo pakuwona mkuyu umoza mu mphepete mu nthowa, wanguza kwaku wo, ndipo kuti wangusaniyamo kanthu cha, kweni mane pe, ndipo watiti kwaku wo, “Pako pangaŵa so chipasi cha muyaya!” Ndipo sosonukweni ungumira mkuyu wo.


Wananga mphereska zangu, ndi kuswanuwa mikuyu yangu; wayikomo ndikularauwa makungwa ghake ndi kungapong'a pasi; mphanda zake zamira gwa.


Wakozgana ndi muti wakupandika pafupi ndi maji, weniwo utambaruliya misisi yake ku maji, ndipo kuti utopa cha chichiza chifundizi, pakuti mani ghake ghajaririya uŵisi, ndipo kuti usuzgika cha mu charu cha chilala pakuti kuti ureka cha kupasa vipasi.”


Chifukwa lumwi lo lituwa ndi chifundizi, ndipo liumizga uteka; ndi luŵa lake limota, ndi utozi wa kawonekedu kake utanangika: viyo so msambasi mayo wafoteskekenge mu mendedu ghake.


Ndingumupumani ndi kachamba, ndi kodikodi, ndi matarara, pamoza ndi vyose vyakutuwa mu nchitu ya manja ghinu; ndipuuli, kuti munguwele kwaku ine cha, atiti Ambuya ŵa maŵanja.


Ndipo ndadana chilala pa charu ndi pa mapiri, pa trigu, ndi pa vinyo mufya, pa mafuta, paku cho chose charu chipasa, pa ŵanthu ndi pa ng'ombe, ndi pa nchitu zawo zose.”


Chingana mkuyu ureke kubuska, pamwenga vipasi ku ulevi ku mphereska, maolivi gha tondeke kupasa, ndi minda yitondeke vyakurgha, mskambu umare mu khola, ndi ng'ombe muulevi mu khola,


“Ŵazamkurgha vuna yinu ndi kurgha kwinu; ŵazamkurgha ŵana ŵinu ŵanthurumi ndi ŵana ŵinu ŵanthukazi; ŵazamkurgha mberere zinu ndi viŵetu vinu: ŵazamkurgha mphereska zinu ndi miti ya mikuyu; ŵazamubwanganduwa ndi lipanga mizi yinu ya malinga mwaku yo mugomezga.”


Pakuti ndimi chumi za munda wa mphereska zipasenge vyakuzaza nkhari yimoza, ndipo mbeu ya sokora yimoza yikapasanga chise chimoza pe.”


Mukatayanga nthazi zinu pa ŵaka, chifukwa charu chinu kuti chipasenge vyakuzala cha, ndipo miti yamu charu cho kuti yikapasanga vipasi vyake cha.


Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”


Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”


Ndipo ndinangenge mphereska zake, ndi miti yake ya mkuyu vyenivyo wanena kuti, ‘Ivi nchihara changu cho wakundanja wangu wandipaska.’ Nkhavisanduskanga lisuwa, ndipo nyama zamu dondo zikavirghanga.


Chifukwa cho atiti Ambuya gha pa ŵamchimi ŵeniwo ŵachimiya mu zina langu, chingana ndengavi kuŵatuma, ŵeniwo ŵatiti, ‘Lipanga ndi chilala kuti vikazanga pacharu ichi cha’: Ndi lipanga ndi chilala ŵakamaranga ŵamchimi wo.


Chifukwa cho ndapunguliya paku iwo ukari wangu; ndaŵamara ndi moto wa kukara kwangu; nthowa yawo ndayiwezge pa mitu yawo, atiti Ambuya Chiuta.”


Nkachenyanga zombe chifukwa chaku imwe, kuti wareke kurgha ndi kumwa vipasi vya nyata yinu, ndipo mphereska zinu mu munda kuti zikatondekanga kupasa cha, atiti Ambuya ŵa maŵanja.


Swiv nou:

Piblisite


Piblisite