Yeremiya 7:14 - Tonga Bible 1986

¹⁴ chifukwa cho ndikachitanga ku nyumba yo yidanika ndi zina langu, ndi mwaku yeniyo imwe mugomezga, ndi ku malo ghenigho ndingukupaskani ndi ku auskemwe, nge ndimo ndinguchitiya ku Shilo.

Yeremiya 7:14 Referans Kwoze

Yeremiya 7:4

Mungagomezganga mu mazu yagha ghakupusika cha: ghakuti, ‘Uyu ndi kasopi wa Ambuya, kasopi wa Ambuya, kasopi wa Ambuya.’

Yeremiya 7:10

ndipo pavuli makazanga kuzachima paurongo pangu mu nyumba iyi, yo yidanika ndi zina langu, ndi kunena kuti, ‘Tataskika!’ Kweni mukiyakiya kuchita maukazuzi ghenagha?

Sumu 78:60

wangutuwamo mu hema lake ku Shilo, muzi wo wangujamo mukati mu ŵanthu.

2 ŴaKaronga 25:9

Ndipo wangocha nyumba ya Ambuya ndi nyumba ya karonga ndi nyumba zose zamu Yerusalemu, nyumba yose yikuru wangoche pasi.

Marangu 28:52

Ŵakamuzinganinga mu mizi yinu yose, mpaka malinga ghinu ghakukho gho ghawe pasi mu charu chinu chose; ndipo ŵakamuzingiyaninga mu mizi yinu yose yamu charu chinu, chenicho Ambuya Chiuta winu wakupaskani.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Chitenje 4:1

Owe mo wagugiya golide, mo golide mweneko wang'anamukiya! Mya yakupaturika yala pasi kwakuparghanikana, pakuserere mu gurwi we yose.

Chitenje 2:7

Ambuya ayeya chigaŵa chawo cha sembe, apata malo ghawo ghakupaturika; apereka vimati vya nyumba zake za ufumu mu janja la wakupindikana; kuliya kukuru kunguchitika mu nyumba ya Ambuya, nge mpha zuŵa la dghera lakutemeka.

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Yeremiya 7:12

Rutani sono ku malo ghangu ghenigho ghe mu Shilo, kweniko pakudanga ndingujarika zina langu, mukawone vyo ndinguchitiya malo gho chifukwa cha mauheni gha ŵanthu ŵangu ŵaYisraele.

Yesaya 64:11

Nyumba yidu yakupaturika ndi yakunozga, mwenimo auskefwe wangurumba imwe, yafya ndi moto, malo ghidu ghose ghakukondweska ghasanduka mapopa.

2 Mikoka 7:21

Ndipo yose yo wakadumuwanga pa nyumba iyi yakutumbikika wakazizwanga, ndi wakatinge, ‘Chifukwa nchine Ambuya achita ichi ku charu ichi ndi ku nyumba iyi?’

Marangu 12:5

Kweni mukapenjanga malo ghenigho Ambuya Chiuta winu wakasankhanga mukati mu mafuku ghinu kuŵikamo zina lake ndi kuŵa malo ghake ghakujamo;

Yeremiya 23:39

chifukwa cho, ehe, kwakuneneska ndikamusoskaninga, ndikukutayani kunyake kutuwapo pa maso pangu, imwe ndi msumba wo, weniwo ndingukupaskani imwe ndi auskemwe.

Ezekiele 23:31

Wenda munthowa ya muku wako; chifukwa cho ndikaperekanga chandi chake mu janja lako.

Yeremiya 12:7

“Ndayireka nyumba yangu, ndaŵapatiya limu ŵanthu ŵangu; ndapereka nkhwanjiwa wa mtima wangu mu manja gha ŵakupindikana ŵake.

Yeremiya 26:4

Iwe ukakambe kwaku wo, ‘Viyo atiti Ambuya, Asani mureka kutegherezga kwangu, kwenda mu dangu langu lenilo ndingukupaskani,