Yeremiya 6:8 - Tonga Bible 1986

⁸ Uchenjezgeke, Yerusalemu we, vinu ndingatuwako ine kwako; vinu ndingakuchita kuŵa mapopa, charu chambura ŵanthu.”

Yeremiya 6:8 Referans Kwoze

Hoseya 9:12

Chingana ŵangalera ŵana, kweni ndiŵabayenge pakuti paŵengevi yumoza wakuja ndi umoyo, chitima kwaku iwo po nkhapatukangako kwaku iwo!

Ezekiele 23:18

Chifukwa chakupinga ureŵi wake pakwero ndi kwanika nkhuli yake, ine ndingumusiya mwa kumutinkha, nge ndimo ndingusiyiya muku wake.

Yeremiya 17:23

Kweni kuti ŵanguvwa chingana nkhutegherezga cha, kweni ŵangungangamiska khosi lawo, kuti ŵareke kuvwa ndi kuronde chisambizgu.

Zefaniya 3:7

Ndinguti nadi, ‘Wakandiwopanga, wakalondiyanga visambizgu, kuti wakaruwanga cha vyose vyo ndamulanguliya. Kweni kwakuruska ukhumbiska kuvundiska milimu yawo.’

Yeremiya 32:33

Ŵandirazga msana chisku chawo cha; nanga ndaŵasambizga kwakufwiririyapo, kweni kuti ŵategherezga cha kuti ŵaronde chisambizgu.

Sumu 50:17

Pakuti iwe utinkha kuchenjezgeka, mazu ghangu utighapong'a kuvuli kwako.

Yeremiya 31:19

Pakuti ndati ndapatukako ndingung'anamuka mtima, ndipo pavuli ndati ndasambizgika ndingupamantha pa chigha changu; ndingulenga soni, ndingusoŵa kakukamba, pakuti ndingunyamuwa manyazi gha uhurwa wangu.’

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yeremiya 7:34

Ndipo ndikakanizganga mu mizi yaku Yuda ndimu miseu ya Yerusalemu, mazu gha kadara ndi mazu ghakukondwa kuti ghakavwikanga cha, mazu ghamweni nthengwa ndi mazu ghamwali wanthengwa; pakuti charu chikasandukanga mapopa.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Yeremiya 2:15

Nkharamu zamuwurumiya, zamukorome kwakubangula. Zapopeska charu chake; mizi yake njakupasuka, mulivi wakujamo.

Nthanthi 4:13

Koreska chisambizgu, kutaya cha; uchivikiriye, pakuti ndicho umoyo wako.

Sumu 94:12

Wakukondwa ndi munthu yo imwe Ambuya mutimurunguchizga; munthu yo imwe mutimusambizga dangu linu.

Sumu 2:10

Chifukwa ichi sono, mwa ŵakaronga, muŵi ŵazeru, mulangike, mwa ŵeruzgi ŵa charu chapasi.

Marangu 32:29

Asani ŵenga ŵazeru, mphanyi ŵanguwamo ichi, mphanyi ŵanguziŵa umari wawo wakuŵapo pavuli.

ŴaLevi 26:34

“Sono charu chikakondwanga ndi masabata ghake nyengo yose yo chikaŵiyanga mapopa, penipo imwe mwe mu charu cha ŵamawongo ŵinu, viyo charu chikapumuwanga, ndi kukondwa ndi masabata ghake.

Yeremiya 7:28

Ndipo wamkuti kwaku wo, ‘Uwu ndi mtundu weniwo wengavi kuvwiya mazu gha Ambuya Chiuta wawo, ndipo kuti ŵanguronde langulu cha; uneneska wamara; ukudumulikako ku milomo yawo.

Nthanthi 19:20

Tegherezga cho atukupanga ndi ronde sambizgu, alinga kuti usaniye zeru za mukucha.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’