Yeremiya 6:25 - Tonga Bible 1986

²⁵ Mungarutanga kwachisere mu minda, chingana nkhwenda mu museu cha; pakuti wakupindikanga wendi lipanga, mantha ghe posepose.

Yeremiya 6:25 Referans Kwoze

Yeremiya 49:29

Mahema ghawo ndi viŵetu vyawo vikatolekanga, saru zawo zakuchinga ndi vinthu vyawo vyose; ŵagamila ŵawo ŵakatolekanga kwaku wo, ndipo ŵanthu ŵakaliyanga kwaku iwo: ‘Mantha ghe kose kose!’

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 14:18

Asani ndituya ku munda, ehe, wo ŵabayika ndi lipanga! Ndipo asani ndisere mu muzi, ehe, ŵakubayika ndi chilala! Pakuti wose ŵaŵi mchimi ndi mzukuru ŵachita nchitu yawo mu charu mo, ndipo ŵalivi zeru.’ ”

Sumu 31:13

Inya, ndituvwa muhihitu wa ŵanandi mantha ghe kose kose! Mo ŵaungirana pamoza upu paku ine, ndi kupangana chiŵembu kundibaya.

Jobu 18:11

Chofyo chitumuwiya mu malo ghe ghose, ndi kumchimbizga muvuli mwa vikandilo vyake.

Luka 19:43

Pakuti ghafikiyenge pako mazuŵa penipo ŵamawongo ŵako ŵakunjirinjiskiyenge nthembwe, ndi ŵakuzingirizgenge, ndi ŵakuvimbizgenge kosekose,

Yeremiya 8:14

Chifukwa chine tija chisisi? Unjikanani pamoza tirutenge, kwachisere mu mizi ya malinga, tikafwiye mwenimo, pakuti Ambuya Chiuta widu ŵatiteme kufwa, ndipo ŵatipaska maji gha nduru kuti timwe, chifukwa talakwiya Ambuya.

Yeremiya 4:10

Sono ine ndinguti, “Ambuya Chiuta, kwakuneneska mwaŵapusika limu ŵanthu yaŵa ndi Yerusalemu, pakukamba kuti, ‘Kukamuŵiyaninga umampha’; penipo lipanga lafika pa umoyo wawo iwo.”

Yeremiya 4:5

Kambani mwaku Yuda ndipo memezani mu Yerusalemu, ndi muti, “Mbani mbata kuporota mu charu; kamburani, munene kuti, ‘Wunganani, ndipo tiyeni tirute ku mizi ya malinga!’

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

2 Mikoka 15:5

Mu nyengo yiya kwengavi chimangu kwaku yo watuwanga ndi kwaku yo waserenga, kweni utimbanizi ukuru unguwiya wose wo ŵajanga mu charu.

Yeremiya 30:5

“Viyo atiti Ambuya: Tavwa kuliya kwa mantha, kwa chofyu, chimangu cha.

Yeremiya 46:5

Chifukwa chine ndachiwona? Ŵachita mantha ndi ŵawere vuli. Ŵankhondo ŵawo ŵawiskikiya pasi ndipo ŵathaŵa kwakutunthimika; kuti ŵalereska kulivi cha mantha ghe kose! atiti Ambuya.

Chitenje 2:22

Mungudana ulaka mpha zuŵa ladghera lakutemeka, ŵakundofya zingirizgi; ndipo pa zuŵa la ukari la Ambuya pengavi wakuthaŵa pamwenga wakujapo wamoyo; ŵeniwo ndingupakata ndi kuŵalera ŵakupindikana ŵangu ŵaŵamara wose.

Yeremiya 8:15

Tingulereze chimangu, kweni kuti tinguwona umampha cha, tingupenja nyengo yakuchizga, kweni ehe, kofya.

Yeremiya 49:5

Ehe, ndikatolenga mantha paku iwe, atiti Ambuya Chiuta wa maŵanja, kutuliya kwaku wose ŵakukuzunguliya, ndipo mukadikiskikiyanga kubwalo we yose kurunjika po warata maso, paulengevi wakuwunjika ŵamayinga.

Ezekiele 7:18

Ŵatijivwarika vigudulu mu chiunu, mantha ghati ŵabenekere; soni ze pa visku vyose, ndi phara pa mitu yawo yose.

Ezekiele 21:17

Ine nane so ndikakuŵanga ghangu manja, ndipo ndikagutiskanga ukari wangu; ine Ambuya ndarongoro.”