Yeremiya 6:11 - Tonga Bible 1986

¹¹ Chifukwa cho ndazazika ndi ukari wa Ambuya; ndavuka kuja nawo chisisi. “Upunguliyeni pa ŵana mu museu, ndi pa maungano gha ŵanyamata; murumi ndi muwoli wose ŵaŵi ŵakatolekanga, madoda ndi khongwe ilo.

Yeremiya 6:11 Referans Kwoze

Yeremiya 20:9

Asani ndititi, “Kuti ndikamuzumbuwanga cha, pamwenga kuchima so mu zina lake,” mu mtima wangu muchita nge mwe moto wakukole wo wajarikiya mu viwanga vyangu, ndipo ndavuka kuwusunga mukati, viyo kuti ndingaziŵa kujiko cha.

Yeremiya 9:21

Pakuti nyifwa yakwera yasere pa madangazi ghidu, yasere mu nyumba zidu za ufumu, kuŵadumuwa ŵana mu miseu ndi ŵanyamata mu mabwalo.

Mika 3:8

Kweni ine, ndazazika ndi nthazi, ndi mzimu wa Ambuya, ndi weruzgi ndi mazaza, kunena kwaku Yakobe ulakwi wake ndi kwaku Yisraele mphurupuru yake.

Chivumbuzi 16:1

Ndinguvwa mazu ghakuru kutuwa mu kasopi yo, ghenigho ghakambanga ndi ŵangelo wo ŵankhonde ndi ŵaŵi, “Kaninga, kapunguliyeni pa charu chapasi mbali zo nkhonde ndi ziŵi za kandundu kaku Chiuta.”

Machitidu gha Ŵakutumika 18:5

Kweni penipo Sila ndi Timote ŵangusikako ku Makedonia, Paulo wafinyirizgikanga ndi mazu, wakusimikizgiya ku ŵaYuda kuti Yesu ndi Kristu.

Machitidu gha Ŵakutumika 17:16

Ndipo wachiŵalindizga Paulo ku Athene, mzimu wake ungosororoka mwake pakuwona msumba kuzara vyangoza.

Machitidu gha Ŵakutumika 4:20

chifukwa ifwe kuti tiziŵa cha kureka kurongoro vyenivyo tawona ndi tavwa.”

Luka 17:34

Ndikuneniyani, mu usiku weniwo paŵenge ŵanthurumi ŵaŵi pa chita chimoza; yumoza watolekengepo, ndi munyake warekekenge.

Ezekiele 9:6

kosoni ŵanthu, ŵara, ŵanyamata, ŵamwali, ŵana ndi ŵanthukazi, kweni rekani kukwaska nanga njumoza wa ŵakuŵa ndi chisimikizgu wo. Ndipo mwambe pa malo ghangu ghakupaturika.” Viyo ŵangwamba pa ŵaraŵara wo ŵenga pa khomo la nyumba.

Ezekiele 3:14

Mzimu ungundisoska ndi kunditore kutali, ndinguruta mu kuŵaŵa kwa kufunda kwa mzimu wangu, pakuti janja la Ambuya lingundiŵiya la nthazi;

Yeremiya 18:21

Chifukwa cho mupereke ŵana ŵawo ku chilala; muŵapereke ku nthazi ya lipanga, ŵawoli ŵawo ŵaŵe ŵambura ŵana, ŵaŵe vyoko. Ŵanthurumi ŵawo ŵafwe, ndi chideru, ŵanyamata ŵawo ŵabayike ndi lipanga mu nkhondo.

Yeremiya 7:20

Chifukwa cho atiti Ambuya Chiuta; Ehe, kukwiya kwangu ndi ukari wangu vikapungulikiyanga pa malo yagha, pa munthu ndi nyama, pa miti yamu minda ndi chipasi chapa nyata. Vikawochekanga ndipo kuti vikazimwikanga cha.”

Yesaya 40:30

Ŵangaŵa ŵahurwa ŵakagongowanga ndi kuvuka, ndipo ŵanyamata ŵakalakatukanga;

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 15:17

Ine kuti ndinguja nawo mu mpingu wa ŵamalikondwa gha ŵaka cha, chingana nkhuti ndingusekere nako cha. Ndinguja pakundija, chifukwa janja linu lenga paku ine, pakuti mungundizaza ndi ukari.

Chitenje 1:15

“Ambuya anguyeya ŵanthu ŵangu wose ŵanthazi mukati mwangu; anguwungang'a wumba kulimbana ndi ine, kung'anya ŵanyamata ŵangu, Ambuya akandiya pasi nge nchakukandiyamo vinyo ŵanthu ŵawo ŵaku Yuda.

Chitenje 2:21

Mu fuvu la mu ŵagurwi mwagona ŵaŵisi ndi ŵakukota; ŵamwali ŵangu ndi ŵanyamata ŵangu ŵabayika ndi lipanga; mu zuŵa la ukari winu mwaŵabaya, kubaya kwambura lisungu.

Ezekiele 3:3

Wanguti, “Mwana wa munthu, yirgha buku lakuzinga ili nditikupaska uzaze nalo nthumbu yako.” Ndingurgha; ndipo mu mlomo wangu lingusamuka nge ndi uchi.

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Yeremiya 5:9

Kumbi kuti ndikaŵalanganga cha chifukwa cha machitidu yagha? atiti Ambuya; ndipo kuti ndikajichitiyanga thayu cha pa mtundu nge ndi uwu?

Yeremiya 9:20

Mwa ŵanthukazi mwe, avwani mazu gha Ambuya, gutu linu lironde mazu gha mlomo wawo; ŵana ŵinu ŵanthukazi muŵarunguchizge chitenje, yose warunguchizge mwanasi wake sumu ya chitenje.