Yeremiya 51:5 - Tonga Bible 1986

⁵ Pakuti Yisraele ndi Yuda kuti ŵajoworeka cha ndi Chiuta wawo, Ambuya ŵa maŵanja, kweni charu cha ŵaKaldiya chazaza ndi kulakwa pa Mtuŵa yumoza waku Yisraele.

Yeremiya 51:5 Referans Kwoze

Zekariya 12:8

Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.

Zekariya 12:6

Mu zuŵa lo ndichitenge mafuku ghaku Yuda kuŵa nge nchiŵiya chamoto mukati mu nkhuni, nge ndi chenje mukati mu nchinda; uwochenge ŵanthu wose kwakuzunguriya ku marghe ndiku maze, pa nyengo yo Yerusalemu wakaŵanga weche ndi ŵakujamo mu malo ghake, mu Yerusalemu.

Hoseya 4:1

Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Zekariya 2:12

Ndipo Ambuya asankhenge Yuda nge ndi phande lawo mu charu chakupaturika cho, ndipo asankhenge so Yerusalemu.”

Mika 7:20

Mukalongonga chigomekezgu kwaku Yakobe ndi chanju chakufikapo kwaku Abrahamu, nge ndimo mungulapiya ku auskefwe mu mazuŵa gha kali.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Ezekiele 9:9

Iyo wangunena nane, “Uheni wa nyumba yaku Yisraele ndi Yuda ngukuru ukongwa; charu chazaza ndopa, msumba wazaza ukazuzi, pakuti ŵatiti, ‘Ambuya achipata charu, ndipo Ambuya kuti alereska cha.’

Ezekiele 8:17

Penipo wangurongoro nane, “Kumbi wachiwona ichi. A! Mwana wa munthu? Kumbi nchinthu chipusu ku ŵa nyumba yaku Yuda kuti ŵachiti maunyakazi nge ndi yagha ŵachita pano, kuti ŵazaze charu ndi nkhaza, ndi kundisosomole ku ukari swi? Awona, ŵaŵika mphanda ku mphunu zawo.

Yeremiya 50:20

Mu mazuŵa gho ndi mu nyengo yiya, atiti Ambuya, utimbanizi waku Yisraele ukapenjekanga, ndipo kuti ukaŵangapo cha nanga ngumoza; uheni mwaku Yuda, kuti ukasanirikanga cha nanga ngumoza; pakuti ndikagowokiyanga wo ndikasiyanga kuŵa ŵakujapo.

Yeremiya 46:28

Reka kopa, Yakobe we, wa muŵanda wangu, atiti Ambuya, pakuti nde nawe pamoza. Ndikachitanga umari wakufikapo wa mitundu yose yeniyo ndakudikiskiyako, kweni iwe kuti ndikuchitenge umari wakufikapo cha. Ndikakulanganga kwakurunjika, viyo kuti ndikalekangapo cha kukulanga.”

Yeremiya 31:37

Viyo atiti Ambuya: “Asani kuchanya kungaziŵa kupimika, ndi chiŵanja cha charu chapasi chingakonkhoskeka, ipo ndikatayanga ndi kuyipata mphapu chifukwa chaku vyose vyo ŵachita, atiti Ambuya.”

Yeremiya 23:15

Chifukwa cho atiti Ambuya ŵa maŵanja pa ŵamchimi, “Ehe, ndikaŵahiŵanga ndi mafuzi ndikuŵapaska maji gha nduru kumwa; pakuti ku ŵamchimi ŵamu Yerusalemu ndiko kwatuliya uwura-chiuta mu charu chose.”

Yeremiya 19:4

Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 16:18

Ndipo ndikaŵawerezgiyangapo kwa kaŵi pa utimbanizi ndi uheni wawo, chifukwa ŵakazuzga charu changu ndi viŵanda vya ŵangoza ŵawo ŵa ŵaka, ndipo ŵazaza charu changu ndi maukazuzi ghawo.”

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

Yesaya 44:21

Kumbuka ivi vinthu, Yakobe we, ndi Yisraele pakuti we muŵanda wangu; ndingukuumba, we muŵanda wangu; Yisraele we, kuti ndikakuruwanga cha ine!

Sumu 94:14

Ambuya kuti angajowo ŵanthu ŵawo cha; nanga nkhuŵasiya wo mbaku iwo naku cha.

Ezra 9:9

Chifukwa tenga ŵaŵanda kweni Chiuta widu wengavi kutisiya mu uŵanda widu, watichitiya lisungu paurongo pa ŵakaronga ŵaku Perese, kutiyuska kuti tizenge nyumba yaku Chiuta widu, ndi kurongoso umampha kupasuka kwake, ndi kutipaska linga mu Yuda ndi mu Yerusalemu.

1 Samuele 12:22

Ambuya kuti amudikeninge cha, pa chifukwa cha zina lawo likuru pakuti kwaŵakondweska Ambuya kumumikani imwe kuŵa ŵanthu ŵake.

2 ŴaKaronga 21:16

Ndipo so Manase wangudiska ndopa zinandi zambura kafukwa mpaka zinguzaza Yerusalemu kwamba ku chisongo ichi mpaka kuchisongo chiya, pamoza ndi ulakwi wo wangulakwiska nawo Yuda viyo kuti wanguchita uheni mu maso gha Ambuya.

1 ŴaKaronga 6:13

Ndipo ndikajanga mukati mu ŵana ŵaku Yisraele, ndipo kuti ndikajowonga khamu langu Yisraele cha.”

Hoseya 4:2

Mwe kurapa, kupusika, kubaya, kuba, ndi kuchita ureŵi, ŵabwanganduwa zimphaka, ndipo kubaya kurondo kubaya.

Yesaya 51:15

Pakuti ndine Ambuya Chiuta winu, yo wayuska nyanja viyo kuti mayigha ghake ghauruma Ambuya ŵa maŵanja ndilo zina lawo.

Yeremiya 14:9

Chifukwa chine imwe mukozganenge ndi munthu yo watimbanizgika, nge ndi munthu wanthazi yo watondeka kutaska? Kweni imwe, Ambuya, mwe mukati mwidu, ndipo ifwe tidanika ndi zina linu; rekani kutisiya.”

Yeremiya 14:19

Kumbi mwamukaniya limu Yuda? Kumbi mzimu winu wamutinkha Zioni? Kumbi mwatipumiyanji mwakuti kulivi kuchizgika kwaku ifwe? Tingupenja chimangu, kweni kamampha kakuwoneka cha; nyengo ya kuchizgika, kweni ehe, chofyu.

Yeremiya 51:19

Mweniyo nchigaŵa chaku Yakobe kuti wayana ndi ivi cha pakuti ndiyo wangulenga vinthu vyose, ndipo Yisraele ndi khamu lake lakusankhika; Ambuya ŵa maŵanja ndilo zina lawo.

Hoseya 2:1

Nena ku mbali wako, “Ŵanthu ŵangu”, ndi ku mzichi wako, “Waronde lisungu.”

Hoseya 2:3

Vinu ndingamuzuwa saru ndi wangaja nkhuli ndi kumumika nge ndi zuŵa la kawi kake. Ndingamusanduska nge ndi lisuwa, ndi kumusanduska nge ncharu cha chiparamba, ndi kumubaya ndi nyota.