Yeremiya 51:1 - Tonga Bible 1986

¹ Viyo atiti Ambuya: “Ehe, ndikayuskanga mzimu wa wakuphwanya Babiloni, wakumikana ndi ŵakuja mu Kaldiya;

Yeremiya 51:1 Referans Kwoze

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Hoseya 13:15

Chingana wangandana nge ndi dete lakupandika, mphepo yakuvuma, mphepo ya Ambuya, yikazanga, yakutuwa ku lisuwa; ndipo kubwibwituka kwake kukakamukanga, chisimi chake nacho chikakamukanga; yikaskowanga chinthu chose chakuzirwa.

Machitidu gha Ŵakutumika 9:4

Ndipo wati wawa pasi wanguvwa liu lakukamba nayo, “Saulo, Saulo, chifukwa chine utindiŵemba ine?”

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Ezekiele 19:12

Kweni mphereska yinguzuwika mu ukari, yingupong'eka pasi; mphepo yakutuwa ku vuma yinguyimizga; chipasi chake chingupurutuka, muti wake wanthazi ungufota; moto unguwupirizga.

Yeremiya 50:33

“Viyo atiti Ambuya ŵa maŵanja: ŴaYisraele ŵakudirizgika, ndi ŵaYuda pamoza nawo, wose wo ŵanguŵayola umkoli ŵaŵafyeka ukongwa, ŵakana kuŵataya kuti ŵarutenge.

Yeremiya 50:29

“Danani wakupong'a uta kumikana ndi Babiloni, wose wo mbakutweŵa uta. Goŵani kwakumuzunguliya: kupozomoskapo nanga njumoza cha. Mumuwezge kwakulingana ndi nchitu zake, mu muchitiye iyo kwakulingana ndi vyose vyo wachita, pakuti ndi kujikuzga kwake watafuliya Ambuya, Wakupaturika Yo waku Yisraele.

Yeremiya 50:24

Ndingukuthya chiŵana ndipo unguwira Babiloni we, iwe kuti unguchiziŵa cha; ungusanirika ndi kukoreka chifukwa ungulimbana ndi Ambuya.

Yeremiya 50:21

Kwerani kumikana ndi charu cha Merataimu ndi kumikana ndi ŵakuja mu Pekoda. Bayani, muŵamariye limu pavuli pawo, atiti Ambuya, ndipo chitani chose cho ndakulanguliyani.

Yeremiya 50:9

Pakuti ehe, ndichiska ndi nditole pa Babiloni mpingu wa mitundu yikuru, kutuwa ku charu chaku nkhonde; ndipo ŵazamkujindandamika paku iyo, kutuwa po ŵakatolekanga. Mivwi yawo ye uli nchiŵinda chakuziŵiska cho kuti manja ghake ghawe waka cha.

Yeremiya 49:36

ndipo ndikatolenga paku Elamu mphepo zinayi kutuwa ku malo ghanayi gha kuchanya; ndikaŵambiniskiyanga ku mphepo zose zo, ndipo kuti kukaŵanga mtundu cha wo ŵalekenge kuyako wo ŵadikiskika mu Elamu.

2 ŴaKaronga 19:7

Ehe, Ndikaŵikanga mzimu mwaku iyo viyo kuti wakavwanga mbiri ya waka ndipo wakawerenga ku charu chake, ndipo ndikamuwiskanga mu lipanga mu charu chake.’ ”

Sumu 137:8

Babiloni, ukupasukanga! Wakukondwa ndi munthu yo wakuwerezgiyengepo, paku cho iwe wachitiya ifwe.

Yeremiya 23:19

Ehe, lirondo la Ambuya! Ukari watuwa, lirondo la kavuruvuru likavundumukiyanga pa mutu wa muheni.

Yesaya 13:13

Chifukwa cho ndikanjenjemeskanga machanya, ndipo charu chapasi chikasukuniskikanga kutuwa mu malo ghake, pa ukari wa Ambuya ŵa maŵanja mu zuŵa la ukari wawo wakofya.

Yesaya 14:14

ndikakweriyanga pachanya pa machanya gha mitambo, ndikajisanduskanga wakukozgana ndi wapachanya Limu.’

Yesaya 21:1

Vyakukambika vyapa bozwa la nyanja. Mo ŵakavuruvuru mu Negebu ŵaputiya kutuwa ku bozwa mu charu chakofya.

Yesaya 47:1

Sikani, muje mu fuvu, mwaŵanthu ŵaku Babiloni; jani pasi pambura chitengo cha ufumu, imwe mwa ŵaKaldiya! Pakuti mukadanikanga so cha kuti mwe ŵakuzika ndi ŵakoloŵa.

Yeremiya 51:53

Chingana Babiloni wangakwere kuchanya, chingana wangazingirizga mitunthu yake yitali ndilinga, wakazanga mbwenu wakuphwanya kutuwa kwaku ine, atiti Ambuya.

Yeremiya 51:60

Yeremiya wangulemba mu buku viheni vyose vyakuza pa Babiloni, mazu ghose yagha ghakulembeke chifukwa cha Babiloni.