Yeremiya 5:3 - Tonga Bible 1986

³ Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Yeremiya 5:3 Referans Kwoze

Yeremiya 7:28

Ndipo wamkuti kwaku wo, ‘Uwu ndi mtundu weniwo wengavi kuvwiya mazu gha Ambuya Chiuta wawo, ndipo kuti ŵanguronde langulu cha; uneneska wamara; ukudumulikako ku milomo yawo.

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Zefaniya 3:7

Ndinguti nadi, ‘Wakandiwopanga, wakalondiyanga visambizgu, kuti wakaruwanga cha vyose vyo ndamulanguliya. Kweni kwakuruska ukhumbiska kuvundiska milimu yawo.’

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

2 Mikoka 16:9

Pakuti maso gha Ambuya ghalereska uku ndi uku mu charu chose chapasi, ku jirongo nthazi kovya wo mitima yawo njakufikapo pa maso pake. Mwaku ichi wachita ubereŵeza; kwamba sono uŵenge ndi zinkhondo.”

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

ŴaHebere 12:9

Ndipo so, taŵanga nawo auskefwe ŵakuchiri ku liŵavu lidu, wo ŵangutilanga, ndipo taŵaphwerenga: asi ukongwa viŵi tikatheranga ku Tate wa ŵazimu, ndi kuŵa ndi umoyo?

ŴaRoma 2:2

Ndipo tiziŵa kuti cheruzgu chaku Chiuta kwakuyana ndi uneneska che pa ŵakuchita vyaviyo.

Ezekiele 24:13

Uloso wake nkhufipiskika kwa ukazuzi wako. Chifukwa ndingwesa kukusuka kuti ungutozgeka cha kukufipirwa kwako, ndipo kuti ukatozgekanga so cha mpaka penipo ine ndakhorwa ndi kukara kwangu paku iwe.

Yeremiya 32:19

mwa ŵara mu kupangizga zeru ndi ŵakulimba mu kuchita; mwaŵenimwe maso ghinu ghalereska nthowa zose za ŵanthu, mwaŵakupaska munthu we yose kwakulingana ndi nthowa zake ndi kwakulingana ndi chipasi cha nchitu zake;

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Yesaya 48:4

Chifukwa ndiziŵa kuti mwe ŵanonono, khosi linu ndi msipi wa chisulo mphunu yinu nja mkuŵa,

Nthanthi 27:22

Umudini mubereŵeza mu dule ndi musu pamoza ndi kurgha kwakupulika, ubereŵeza wake kuti ukamutayanga cha.

Nthanthi 23:35

“Wangundipuma,” ndimu ukakambiyanga, “Kweni kuti ndingupwetekeka cha; ŵangundipuma, kweni kuti ndinguwapo cha. Kumbi ndiyukenge zuŵanji? Ndikapenjanga kumwa kunyake.”

Nthanthi 22:12

Maso gha Ambuya, ghalereska pa chinjeru, kweni ndi mweniyo wasuska mazu gha wambura chivwanu.

Nthanthi 21:29

Munthu wamphulupulu wavwara chisku chambura mantha, kweni munthu wakunyoroka wasanda nthowa zake.

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

2 Mikoka 28:22

Mu nyengo ya suzgu yake wanguŵa wakunangiya-nangiya ukongwa ku Ambuya mweniyo karonga Ahazi.

ŴaLevi 26:23

“Ndipo pakulanga kwaviyo asani, murekenge kuwere kwangu, kweni mwendenge kwakupambana nane,

2 ŴaKaronga 1:13

Karonga wangutuma so nduna ya nkhondo ya liŵanja la machumi ghankhonde ndi ŵanthu ŵake. Ndipo nduna yachitatu ya ŵanthu machumi ghankhonde yingukweriyako, wanguza ndi kujikama makongono ghake paurongo paku Eliya ndi wangumuŵeyere kuti, “Wa munthu waku Chiuta, nditukupempha, umoyo wangu ndi umoyo wa ŵateŵeti yaŵa uŵe wakuzirwa mu maso ghako.

Yeremiya 8:5

Na chifukwa chine ŵanthu yaŵa ŵapatukiya kunyake, ŵawere vuli kwambura kuweko? Ŵakoreska kupusika, ŵakana kuweko.

Yeremiya 35:13

“Atiti Ambuya ŵa maŵanja, Chiuta waku Yisraele: Ruta ukakambe ku ŵanthu ŵaYuda ndi ŵakuja mu Yerusalemu: Kumbi kuti mukalondiyanga sambiru cha ndi kutegherezga ku mazu ghangu? atiti Ambuya.

Ezekiele 2:4

Mbanthu ŵakujikuzga ndi ŵakhosi linonono: nditukutuma kwaku iwo; ukaŵanene kuti, ‘Viyo atiti Ambuya Chiuta.’

Danyele 9:13

Nge ndimo kukurembeke mu dangu laku Mosese, soka lose ili laza paku ifwe, kweni tilivi kuromba lisungu la Ambuya Chiuta widu, kujiwezga ku uchikana marangu widu, ndi kuvwiya uneneska winu.

Amosi 4:6

“Ndikumpaskani kuphotoka kwaminyu mu misumba yinu yose, ndi kusoŵa kwa chiŵande mu malo ghinu ghose, ndipuuli, mulivi kuwere kwaku ine,” atiti Ambuya.

Chiyambo 19:34

Ndipo pa zuŵa la pavuli, waumwali yo wanguti ku mhurwa wake, “Awona ndala nayo uskefwe usiku waruta; tiye timumweske vinyo usiku uno nawo; ndipo iwe ukasere ndi kula nayo alinga tisunge mphapu kuturiya ku uskefwe.”

1 ŴaKaronga 13:33

Pavuli pa chinthu ichi Yeroboamu wengavi kuweko ku nthowa yake yiheni, kweni wangumika ŵazukuru kutuliya mukati mu ŵanthu mu malo gha mitunthu.

Sumu 51:8

Ndizazeni chimwemwe ndi kukondwere; vyangare viwanga vyo mwaphwanya.

Sumu 55:20

Mwanasi wangu wangutambaruliya janja lake kumikana ndi ŵabwezi ŵake, wanguswa phanganu lake.

Yesaya 26:11

Ambuya, janja linu lasoskeka, kweni kuti ŵatiliwona cha. Ŵarekeni ŵawone mwamphu winu pa ŵanthu ŵinu ndi ŵachiti soni. Moto ŵakupindikana ŵinu uŵamare.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 15:7

Ndaŵapepeta ndi chakupepete mu malikomo gha charu; ndaŵapaska chitima chanyifwa, ndaparghang'a ŵanthu ŵangu; ŵalivi kuweko ku nthowa zawo.

Yeremiya 17:23

Kweni kuti ŵanguvwa chingana nkhutegherezga cha, kweni ŵangungangamiska khosi lawo, kuti ŵareke kuvwa ndi kuronde chisambizgu.

Yeremiya 44:10

Ŵalivi kujiyuyuwa mpaka ku zuŵa lino, chingana nkhuti ŵawope cha, chingana nkhwenda mu dangu langu ndi malangulu ghangu ghenigho ndinguŵika paurongo pinu ndi paurongo pa auskemwe.

Amosi 4:8

viyo misumba yiŵi pamwenga yitatu yinguja ku msumba umoza kwachimwa maji, kweni kuti yingukhorwa cha; ndipuuli kuti munguwere kwaku ine cha,” atiti Ambuya.

Amosi 4:9

“Nkhakulanganinga ndi kachamba ndi kodi-kodi; minda yinu ndi minda ya mphereska ndayisanduska masara; miti yinu ya mkuyu ndi miti yinu ya maolivi yarghika yose ndi zombe; ndipuuli kuti munguwere kwaku ine cha,” atiti Ambuya.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Amosi 4:11

“Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.