Yeremiya 5:15 - Tonga Bible 1986

¹⁵ “Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

Yeremiya 5:15 Referans Kwoze

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Yeremiya 4:16

Chenjezga mitundu kuti watuza; memeza mu Yerusalemu. “Akuŵazinga ŵatuliya ku charu cha kutali; ŵakambuliya pa mizi yaku Yuda.

Yesaya 33:19

Kuti mukaŵawonanga so cha ŵanthu, ŵakujikuzga ŵanthu ŵakurongoro vwawaka vyo kuti mungaviziŵa cha, ŵa lilime la chimama lo kuti mungalivwa cha.

Yesaya 28:11

Awa, kweni ndi ŵanthu ŵa milomo yamwenga ndi lilime lilendo Ambuya akarongoronga ndi ŵanthu ŵawo,

Yesaya 5:26

Akayuskanga chiziŵisku ku khamu la kutali ukongwa, akalimbiyanga kayuzi kutuwa ku umari wa charu chapasi; ndipo ehe, mwa ruŵiruŵi, kwambura kuswera likazanga!

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 1:15

Pakuti, ehe, ndikadananga makhamu ghose gha maufumu ghaku nkhonde, atiti Ambuya; ŵakazanga, ndipo we yose wazamuŵika chitengo chake pakuserere pa malikomo gha Yerusalemu kunyekezga ku malinga ghake kwakuzunguliya kose ndi pa mizi yose yaku Yuda.

1 ŴaKorinte 14:21

Mu langulu lo kwalembeke, “Ndi ŵanthu ŵa malilime ghamwenga ndipo ndi milomo ya ŵalendo ndirongoronge ndi khamu ili; ndipo chingana kuŵi viyo kweni kuti ŵakandivwiyanga cha, atiti Ambuya.”

Ezekiele 18:31

Tayani kutali, tuzganimo maubendezi mukati mwino gho mwachitiya ine, ndipo jitoriyeni mtima ufya ndi mzimu ufya! Mukafwiyanganji, owe nyumba yaku Yisraele?

Yeremiya 9:26

Egipiti, Yuda, Edomu, ŵana ŵaku Amoni, Moabu, ndi wose ŵakuja mu bozwa, ŵeniwo ŵameta makwenthu sisi lawo; pakuti mitundu yose iyi njambura kuchinjika, ndipo nyumba yose yaku Yisraele njambura kuchinjika mu mtima.”

Yeremiya 6:22

Atiti viyo Ambuya: “Ehe, ŵanthu ŵakatuwanga ku charu chaku nkhonde, mtundu ukuru ukatuwanga kutali ukongwa mu charu chapasi.

Yeremiya 5:11

Pakuti nyumba yaku Yisraele ndi nyumba yaku Yuda ŵaŵa ŵambura magomezgeka kwakufikapo kwangu, atiti Ambuya.

Yeremiya 2:26

“Mo munkhungu watuŵiya wasoni asani wakoreka viyo ndimo ŵaYisraele ŵakalengeskekiyanga: iwo, ŵakaronga ŵawo, mafumu ghawo, ŵazukuru ŵawo, ndi ŵamchimi ŵawo.

Yesaya 29:6

Ambuya ŵa maŵanja akachezga nganamwe, ndi kugunda ndi chidiririzi ndi mphomo yikuru, ndi kavuruvuru ndi chimphunga, ndi mlipu wa moto wakocha.

Yesaya 29:3

Ndikagoŵanga kumikana namwe kwakuzunguliya kweti, ndipo ndikakuzinganinga ndi vitanthali ndikasoskanga nchitu zakukuzingani imwe.

Yesaya 5:7

Pakuti munda wa mphereska wa Ambuya ŵa maŵanja ndi nyumba yaku Yisraele, ndipo ŵanthu ŵaku Yuda ndiwo chakupandika chake chakukondweska; wangulindizga cheruzgu chirunji, kweni awonani, kudika kwa ndopa; wangulindizga urunji, kweni awonani, kuliya!

Danyele 7:7

Pavuli paku ichi, ndinguwona mu chiwona cha usiku, ndipo ehe, chinyama cha chinayi; chakofya, chakutenthemeska, ndi chanthazi zikuru ndi chenga ndi minyu ghakuru gha chisulo, chingurgha, chinguphwanya, ndi kuphwatiya pasi ndi marundi ghake vyo vingujapo. Chingupambana ndi vinyama vyose vyakudanga ndi icho; ndipo chenga ndi masengwe chumi.

Chiyambo 11:7

Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Sumu 81:5

Wangumika langulu ili mwaku Yosefe, wachituwa mu charu cha Egipiti.

Yesaya 39:3

Sono Yesaya mchimi wanguza ku karonga Hezekiya, wanguti kwaku iyo, “Ŵakambanji yaŵa ŵanthu? Wachiza kwako ŵatuliya pani?” Hezekiya wanguti, “Ŵaza kunu kwangu kutuliya ku charu cha kutali, ku Babiloni.”

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Amosi 6:14

“Chifukwa wonani, ndimuyuskiyeninge mtundu wakumikana namwe, owe, nyumba yaku Yisraele,” atiti Ambuya, Chiuta wa maŵanja; “ndipo ŵamusuzgeninge kutuwa kukuserere kwa Hamati kwachifika ku msinji wa Araba.”

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.