Yeremiya 49:4 - Tonga Bible 1986

⁴ Chifukwa chine utijitukumuwa pa madambo ghako, wa mwana munthukazi wambura magomezgeka; yo wangugomekezga mu chuma chake, kunena kuti, ‘Njani yo wakandiyukiyanga?’

Yeremiya 49:4 Referans Kwoze

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Yeremiya 21:13

“Ehe, ine nde wakususkana nawe, wakuja mu dambo we, jarawi lapa mtetete we, atiti Ambuya; mwaŵenimwe mutiti, ‘Njani wakasikanga kulimbana ndi ifwe, pamwenga njani wakaserenga mu nyumba zidu?’

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Yeremiya 48:7

Chifukwa mungugomezga mu malinga ghinu ndi mu chuma chinu, imwe namwe mukatolekanga; ndipo Kemoshi wakarutanga ku umkoli, ŵazukuru ŵake ndi mafumu ghake.

Yeremiya 3:14

Weko, wa mwana wambura magomezgeka, atiti Ambuya; pakuti nde mbuyako; ndikakutoninga, yumoza kutuwa ku muzi, ndi ŵaŵi kutuwa ku mphapu yimoza, ndipo ndikakutoliyaninga ku Zioni.

Sumu 62:10

Rekani kuŵika chigomezgu chinu mu vyakuskoŵa; rekani kugomekezga muusambasi wakuchita kuphanga; asani usambasi ungandana, ungaŵikangako mtima wako cha.

Sumu 52:7

“Awoni munthu yo wengavi kusanduska Chiuta kuŵa chakudingang'amo chake, kweni wangugomezga uzari wa usambasi wake, ndi mu uromba wake kuŵa chakudingang'amo chake.”

Sumu 49:6

ŵanthu wo ŵagomezga mu uromba wawo, ndi kujikuzga mu unandi wa usambasi wawo?

Chivumbuzi 18:7

Mupaskeni suzgu ndi chitenje: uli ndimo wangujivwarikiya dama ndi lifwenkhafwenkha: pakuti mu mtima watiti, ‘Ndija fumukazi ine, kuti ndine choko cha, ndipo kuti nkhawonanga chitenje cha.’

Hoseya 4:16

Yisraele wangangamika nge ndi ng'ombe yinthukazi yimana; kumbi sono Ambuya angaziŵa kuŵaliska nge ndi mwana wa mberere mu dambo lisani?

Yeremiya 49:16

Kofya ko we nako kwakupusika, ndi kujikuzga kwa mtima wako, iwe wakuja mu malijengwajengwa gha mya, iwe uthamiya utali wa mtunthu. Chingana uchita chivimbu chako nge ncha nombo, ine ndikakusiskiyanga pasi kutuwa kwenikuwa, atiti Ambuya.

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Nthanthi 10:15

Chuma cha munthu muromba ndi msumba wake wakukho, usauchi wa ŵakusauka ndi phasulu lawo.

Yeremiya 31:22

Mpaka zuŵanji ukayingangayinganga, wa mwana munthukazi wambura magomezgeka? Pakuti Ambuya achita chinthu chifya, pa charu chapasi: munthukazi ndiyo wavikiriya munthurumi.”