Yeremiya 49:3 - Tonga Bible 1986

³ “Tenje, Heshiboni, we, pakuti Ai wachitika mapopa! Liyani, mwa ŵana ŵanthukazi ŵaku Raba! Jivwarikeni vigudulu, tenjeni, ndi chimbiyani uku ndi uku vivwati vya mphaka! Pakuti Milkomo wakayanga mu umkoli ŵazukuru ŵake ndi mafumu ghake.

Yeremiya 49:3 Referans Kwoze

Yeremiya 48:7

Chifukwa mungugomezga mu malinga ghinu ndi mu chuma chinu, imwe namwe mukatolekanga; ndipo Kemoshi wakarutanga ku umkoli, ŵazukuru ŵake ndi mafumu ghake.

Yeremiya 48:37

“Pakuti mutu wose wasengeka ndi mwembe wose wameteka; pa manja ghose pa temekatemeka ndipo mu viunu mwe vigudulu.

Yesaya 15:2

Ŵanthu ŵaku Diboni ŵakwere ku malo gha visopo kwachitenje, paku Nebo ndi paku Medeba, Moabu watenje. Pa mutu wose pe phara, mwembe wose wameteka,

Yeremiya 46:25

Ambuya Chiuta wa maŵanja, Chiuta waku Yisraele, wanguti: “Ehe, ndituza ndi kulanga paku Amoni waku Tebesi ndi Farao ndi Egipiti ndi ŵachiuta ŵake ndi ŵakaronga ŵake, paku Farao ndi wose ŵakugomekezga mwake.

Yeremiya 4:8

Chifukwa chaku ichi vwarani chigudulu, liyani ndi bangurani; pakuti ukari wakofya wa Ambuya ulivi kuwerere vuli kutuwako kwidu.”

2 ŴaKaronga 23:13

Karonga wangupasuwa malo gha pachanya gho ghenga ku vuma kwa Yerusalemu, ku malaŵi kwa Yerusalemu, ku malaŵi kwa phiri la ukazuzi, ghenigho Solomoni karonga waku Yuda wanguzenge Ashatoreti ukazuzi wa ŵina Sidoni, wanguzenge Kemochi ukazuzi wa ŵaMoabu, ndi wanguzenge Milkomu ukazuzi wa ŵaAmoni.

1 ŴaKaronga 11:33

chifukwa chakuti wandijowo ine, wasopa Ashetaroto munthukazi wa ŵaSidoni, Kemoshi chiuta wa ŵaMoabu, ndi Milkomu chiuta wa ŵaAmoni, ndipo walivi kwenda mu nthowa zangu, kuchita chenicho nchakurunjika mu maso ghangu, kusunga marangu ghangu ndi vyeruzgu vyangu, nge ndimo wanguchitiya Davidi awiske.

1 ŴaKaronga 11:5

Chifukwa Solomoni wangurondo Ashitaroti chiuta munthukazi wa ŵaSidoni, ndi Milikomu ukazuzi wa ŵina Amoni.

Yakobe 5:1

Ekwe, aimwe, mwaŵasambasi, liriyani ndi kulalatiya pa mausokwa ghinu gho ghatuza.

Zefaniya 1:5

ndi wo ŵasopa pachanya pa nyumba, maŵanja gha kuchanya; ndi wo ŵasopa ndi kurapa ku Ambuya, ndipuuli ŵarapa Milikomu;

Amosi 1:15

ndipo karonga wawo, wakakolekiyanga ku umkoli, iyo pamoza ndi mafumu ghake,” atiti Ambuya.

Yeremiya 51:8

Kwa mabuchibuchi Babiloni wawa, wafyoka; mutenjeliyeni! Toni munkhwala wakuchizga urwirwi wake; kokuli vinu wangachira.

Yeremiya 49:1

Gha pa Amoni. Viyo atiti Ambuya: “Kumbi Yisraele walivi ŵana? Kumbi walivi ŵakuhara? Na chifukwa chine Milkomo walonda Gadi, ndipo ŵanthu ŵake ŵaja mu mizi yake?

Yeremiya 48:20

Moabu wachita soni, pakuti wasweka; tenje ndi kuliya! Unene mu Arnoni, kuti Moabu waja mapopa.

Yeremiya 48:2

mbiri yaku Moabu yamara. Mu Heshiboni ŵangulongoso cheheni paku iyo: ‘Zaninga, timudumuwe kuti uŵe mtundu so cha!’ Imwe, namwe mwa ŵakuja mu Madimeni, mukachetamiskikanga; lipanga likakundondoloskaninga.

Yeremiya 6:26

Mwa ŵanthu ŵangu, vwarani vigudulu, ndipo mukunkhuwe mu vyoto; muchite chitenje nge nchikuliya mwana munthurumi yumoza pe, maliro ghakuŵaŵa kwakuruska; pakuti kwamabuchibuchi wakubaya yo wakazanga paku ifwe.

Yesaya 23:6

Rutani ku Tarshishi, tenjeni, mwa ŵakuja mu likumba!

Yesaya 23:1

Ghakukambika gha pa Turo. Tenjeni mwa ngaraŵa zaku Tarshishi, pakuti Turo wachitika mapopa, walivi nyumba pamwenga phota! Kutuliya ku charu cha Kupro chavumbulika kwaku wo.

Yesaya 16:7

Chifukwa ichi Moabu watenje, we yose wenjerwe Moabu. Tenjeni, ŵakupwetekeka ukongwa, chifukwa cha viŵande vyakusazgamo tuvipasi vyaku Kirihareseti.

Yesaya 14:31

Utenje wa likomo, liya wa msumba, songonokani mu kopa, mwa ŵaFilisti, mose pamoza! Pakuti usi utuwa ku nkhonde, ndipo mulivi wakulimbalimba, mu ŵankhondo ŵake.”

Yesaya 13:6

Liyani, pakuti zuŵa la Ambuya laŵandika, likazanga nge ndi phasulu la kutuwa ku Wanthazizose!

Yoswa 8:28

Viyo Yoswa wangocha Ai, ndipo wanguwusanduska kuŵa ndundu ya mapopa muyaya, nge ndimo uliri mpaka ku zuŵa lino.

Yoswa 7:2

Yoswa wangutuma ŵanthu kutuliya ku Yeriko kuya ku Ai wo we pafupi ndi Betavene, kumwela kwa Betele, wangunena nawo, “Kwerani mukaskoli charu cho.” Ŵanthu ŵanguruta ŵangwachiskola Ai.

Yoswa 8:1

Ndipo Ambuya angunena ndi Yoswa, “Ungatethemanga pamwenga kugongowa cha; utore pamoza nawe wose ŵakurwa nkhondo, ndipo soka, kweriyanga ku Ai; ehe, ndapereka mu janja lako karonga waku Ai, ndi ŵanthu ŵake, msumba, ndipo ndi charu chake;

2 Samuele 11:1

Mu chirimika pa maliwondwe nyengo yo ŵakaronga ŵatuliyanga ku nkhondo, Davidi wangutuma Yoabu, ndi ŵanyamata ŵake pamoza nayo, ndi Yisraele yose; ndipo ŵanguphwanya ŵaAmoni, ŵanguko Raba. Kweni Davidi wangujaririya mu Yerusalemu.

Ezra 2:28

Ŵaku Betele ndi Ai, machumi pe chumi ghaŵi, pachanya machumi ghaŵi ndi ŵatatu (123).