Yeremiya 49:16 - Tonga Bible 1986

¹⁶ Kofya ko we nako kwakupusika, ndi kujikuzga kwa mtima wako, iwe wakuja mu malijengwajengwa gha mya, iwe uthamiya utali wa mtunthu. Chingana uchita chivimbu chako nge ncha nombo, ine ndikakusiskiyanga pasi kutuwa kwenikuwa, atiti Ambuya.

Yeremiya 49:16 Referans Kwoze

Amosi 9:2

“Chingana ŵangakumba kusi kumuunda, janja langu lakuŵato kweniko; chingana ŵangakwere kuchanya, ndakuŵasiskiya pasi kweniko.

Yesaya 49:25

Kwakuneneska, viyo atiti Ambuya: “Chigana ŵamikoli ŵa chilimbi ŵangukwamphulika, ndi chakuliwa cha mweruzgi mukari chingataskika, kweni ine ndikalimbananga nawo wo ŵalimbana nawe, ndipo ndikataskanga ŵana ŵako.

Jobu 39:27

Kumbi ndimwe mulanguliya nombo kukwera muchanya ndi kuzenga chivimbo chake muchanya?

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Nthanthi 16:18

Kujikuzga kudanjiya paurongo papharghaniku, ndi mtima wakujikuzga paurongo pa kuwa.

Yesaya 2:21

kusere mu zimphanji zitali zamajarawe ndi malijengwajengwa gha masendemu, kutuwako ku chofyu cha Ambuya, ndi ku unkhankhu wa ukaronga wawo, penipo akasokanga kofya charu chapasi.

Sumu ya Zisumu 2:14

Owe nkhunda yangu, mu vinkhwawu vya jarawi, mu mazenje ghakubisika, mphanyi ndawona chisku chako, ndivwi mazu ghako, pakuti mazu ghako ngakunowa, ndipo chisku chako nchakunozga.

Nthanthi 18:21

Nyifwa ndi umoyo vye munthazi ya lilime, ndipo ŵeniwo ŵatilanja ŵakarghanga vipasi vyake.

2 ŴaKaronga 14:7

Wangubaya ŵaEdomu vikwi chumi muDambo la Mche, ndipo wanguto Sela ndi nkhondo ndipo wanguwudana Joktelu, lo ndi zina lake mpaka kunu ku sono.

Yesaya 10:14

Janja langu lasaniya nge nchivimbu usambasi wa ŵanthu, ndipo uli mbanthu ŵaunjika mazira gho ghajoworeka, viyo ndimu ndaunjikiya charu chapasi; ndipo pengavi yumoza yo wangunderezgapo phapha limoza, pamwenga kujura mlomo, chingana nkhu ng'ung'uta.”

Yeremiya 49:15

Pakuti ehe, ndikamusanduskaninga ŵamana mukati mu mitundu, ŵakutozeka mukati mu ŵanthu.

Yeremiya 50:29

“Danani wakupong'a uta kumikana ndi Babiloni, wose wo mbakutweŵa uta. Goŵani kwakumuzunguliya: kupozomoskapo nanga njumoza cha. Mumuwezge kwakulingana ndi nchitu zake, mu muchitiye iyo kwakulingana ndi vyose vyo wachita, pakuti ndi kujikuzga kwake watafuliya Ambuya, Wakupaturika Yo waku Yisraele.

Yeremiya 51:53

Chingana Babiloni wangakwere kuchanya, chingana wangazingirizga mitunthu yake yitali ndilinga, wakazanga mbwenu wakuphwanya kutuwa kwaku ine, atiti Ambuya.

Habakuku 2:9

Soka kwaku yo wanduwiya mbumba yake chanduwo chiheni, mwakuti wazenge nyumba yake pachanya, kuti wataskike ku urwani!

Malaki 1:3

kweni ndatinkha Esau; ndapasuwa charu chake cha mapiri, ndikusiya chihara chake kuŵa cha ŵakambwe ŵamu mapopa.”

Yeremiya 48:14

Mukamba uli, ‘Te ŵanthazi ndi ŵankhondo ŵakulimba’?