Yeremiya 49:11 - Tonga Bible 1986

¹¹ Ŵareke ŵana ŵako ŵaranda, ine ndikaŵasunganga ŵamoyo; ndipo virekeni vyoko vinu vigomekezge mwaku ine.”

Yeremiya 49:11 Referans Kwoze

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Yakobe 1:27

Chisopa chikhovu ndi chambura banga paurongo paku Chiuta Auskefwe nchenichi, kulereze ŵamasiya ndi vyoko mu suzgu yawo ndi kujisunga wambura donthu ku charu.

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

1 Timote 5:5

Kweni choko cheneko ndi chamasiya chigomekezga paku Chiuta, ndipo chijaririya mu maniniziku ndi mu marombo usiku ndi msana.

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Yona 4:11

Kumbi kuti nditenere kugowoke Nineve cha, msumba uwa ukuru, mwenimo ŵanthu ŵaruska vikwi machumi pe chumi pachanya vikwi machumi ghaŵi (120,000) wo mbambura kuziŵa mupambano pakati pa janja lawo la marghe ndi janja lawo la maze, ndipo so ng'ombe zinandi?”

Sumu 146:9

Ambuya avikiriya ŵalendo wo ŵe mu charu; atovya vyoko ndi ŵaranda; kweni apasuwa nthowa zose za ŵaheni.

Sumu 82:3

Vikiriyani urunji wa ŵakavu ndi ŵaranda; chitiyani umampha ŵasauchi ndi wakusuzgika.

Marangu 10:18

Wafiska umampha cheruzgu cha wambura wiske ndi choko. Watanja mlendo wamupaska kurgha ndi vyakuvwala.

Zekariya 7:10

mungasuzganga choko, chingana ngwambura wiske, mlendo pamwenga mukavu; kuwulevi yumoza waku imwe waghanaghaniye uheni munyake mu mtima winu.”