Yeremiya 48:42 - Tonga Bible 1986

⁴² Moabu wakabwangandulikanga ndipo kuti ukaŵanga so mtundu wa ŵanthu cha; chifukwa wangujitumphuska kumikana ndi Ambuya.

Yeremiya 48:42 Referans Kwoze

Yeremiya 48:2

mbiri yaku Moabu yamara. Mu Heshiboni ŵangulongoso cheheni paku iyo: ‘Zaninga, timudumuwe kuti uŵe mtundu so cha!’ Imwe, namwe mwa ŵakuja mu Madimeni, mukachetamiskikanga; lipanga likakundondoloskaninga.

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

Yesaya 7:8

Pakuti mutu waku Siriya ndi Damasko, ndipo mutu waku Damasko ndi Rezini. “ ‘Mukati mu virimika machumi ghankhonde ndi limoza pachanya vinkhonde (65) Efraimu wakaswekanga tumanatumana viyo kuti wakaŵanga khamu la ŵanthu so cha.

Chivumbuzi 13:6

Ndipo chingujura mlomo wake kutoza Chiuta, kutuka zina lake, ndi chihema chake, ndi wo ŵaja kuchanya.

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Mateyu 7:2

Chifukwa ndi cheruzgu cho muteruzgiya, mweruzgikiyenge chenicho, ndipo ndi mweso wo mutese, kwesekiyenge imwe ndi weniwo.

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Yeremiya 30:11

Pakuti nde nawe pamoza kukutaska, atiti Ambuya; ndikamaranga kwakufikapo mitundu yose mwaku yeniyo ndingukumbininiskani, imwe kuti ndikamumariyaninga limu cha. Ndikakulanganinga mwakwenere, kweni kuti ndikakusiyaninga waka ŵambura kulangika cha.

Nthanthi 16:18

Kujikuzga kudanjiya paurongo papharghaniku, ndi mtima wakujikuzga paurongo pa kuwa.

Yesaya 16:14

Kweni sono Ambuya atiti, “Mu virimika vitatu uli ndi virimika vya wanchitu ya kulondapo mphoto, unkhankhu waku Moabu ukayeyekanga, chingana wangaŵa ndi chimpingu chikuru, ndipo wo ŵakaŵanga ŵamoyo ŵakaŵanga ŵamanavi ukongwa ndi ŵakutomboroka.”

Ezekiele 35:13

Ndipo iwe ungujikwezga paku ine ndi milomo yako, ungwandaniska mazu ghako kumikana nane, ine ndingughavwa.