Yeremiya 48:26 - Tonga Bible 1986

²⁶ “Muloŵereskeni, chifukwa wangujikuzga kulimbana ndi Ambuya; viyo kuti Moabu wakakunkhurukanga mu maukuzi ghake, ndipo iyo nayo wakajanga mu kusekeka.

Yeremiya 48:26 Referans Kwoze

Yeremiya 51:39

Asani ŵendi nja ndikaŵarongosoliyanga dghera, ndi kuŵaloŵereska mpaka ŵalakatuka ndi kula tulo twamkiyakiya kuyuka cha, atiti Ambuya.

Yeremiya 48:42

Moabu wakabwangandulikanga ndipo kuti ukaŵanga so mtundu wa ŵanthu cha; chifukwa wangujitumphuska kumikana ndi Ambuya.

Yesaya 29:9

Jipaskeni ubereŵeza ndipo muŵe mu uzereza, jipaskeni uchiburumutiya ndi muburumutizgike! Loŵeni, kweni ndi vinyo cha; muzendezende, kweni ndi vyakuloŵeleska cha!

Yesaya 19:14

Ambuya atimbulinkhang'a mukati mwake mzimu wa chimtimbaheka, Egipiti amuchitiska kuzendazenda mu vyakuchita vyake vyose nge ndi munthu wakuloŵe yo ŵazendazenda mu maukuzi ghake.

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Chitenje 4:21

Sekere ndi kondwa iwe wa Edomu, wakuja mu charu chaku Uzu; kweni kwaku iwe nako chandi chikarutanga; ukaloŵenga ndipo ukajizuwanga kuja nkhuli.

Yeremiya 51:7

Babiloni wenga chandi cha golide mu janja la Ambuya, wakuloŵereska charu chose chapasi; mitundu yingumwa vinyo wake, chifukwa cho mitundu yingufuntha.

Yeremiya 48:39

Ehe mo chasweke! Ehe mo watenjere! Ehe Moabu wang'anamukiya msana wake mu chilengesku! Viyo Moabu wasanduka kawerere ndi chakofya kwaku wose wo mbakumuzunguliya iyo.”

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Chivumbuzi 16:19

Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Habakuku 2:16

Wamukoreka ndi suzgu kwakuruska thumbiku. Mwanga nawi ndi yenda kwakuzendazenda! Chandi mu janja lamarghe la Ambuya chikazanga kwako, ndipo soni ziŵenge pa thumbiku la wo.

Nahumu 3:11

Nawe so uloŵenge, utimbanizgikenge; upenjenge utaski ku murwani.

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Chitenje 3:15

Wandizaza ndi vyakuŵaŵa wandigutiska vya nkhanya.

Chitenje 1:21

“Avwani mo nditamanthiya; palivi yumoza wakundisangaruska. Ŵakupindikana ŵangu wose ŵavwavya suzgu yangu; mbakukondwa pakuti ndimwe mwachichita. Zani nalo zuŵa lo mwataula, ndipo muŵachite uli ndimo ndaŵiya ine.

Yeremiya 51:57

Ndikaloŵereskanga mafumu ghake, ndi ŵazeru ŵake, ŵamirizi ŵake, ŵakulamula ŵake, ndi ŵankhondo ŵake; ŵakagonanga tulo twambura kumara, watiti Karonga, yo zina lake ndi Chiuta wa maŵanja.

Yesaya 63:6

Ndinguŵakandirizga pasi ŵanthu mu ukari wangu, ndinguŵalowereska mu kukwiya kwangu, ndipo ndingudira ndopa za umoyo wawo pa charu chapasi.”

Yesaya 51:17

Jiyuske, jiyuske, ima, Yerusalemu we, iwe, wamwiya pa janja la Ambuya nkhombo ya ukari wawo, iwe wamwa ndi visika vyake mu chandi chakuzendazendeska.

Yesaya 10:15

Kumbi mbavi yingajikuzga paku yo watiyitema? Pamwenga chakucheke ku jikuzga paku yo watichicheke? Nge ndodo yingasukung'iya yo watiyisoska, pamwenga uli nge ndimo nthonga yingasoske yo kuti ndi muti cha!

Sumu 75:8

Chifukwa mu janja la Ambuya mwe chandi; chakuzaza ndi vinyo mufya, wanthazi ukongwa; akampunguwanga, ndipo yose ŵaheni ŵakamwangapo; ŵakamwanga yose mpaka kanthoni ka kumariya.

Sumu 60:3

Mwachitiska khamu linu kukomwa vinonono ukongwa; mwatimweska vinyo wakutizendezendeska.

Sumu 59:8

Kweni imwe, Ambuya, muŵaskenge; imwe muyisekenge mitundu yose.

Sumu 2:4

Iyo wakuja mu machanya wasekenge; Ambuya awerenge iwo.

Jobu 9:4

Ngwazeru mu mtima ndi wakurimba mu nthazi. Njani wajingangamiska kumikana nayo ndi wapunda?

Chituwa 9:17

Imwe mweche kujikuzga pa ŵanthu ŵangu, ndipo mukana kuŵazomerezga kuruta.

Yesaya 28:8

Pakuti magome ghose ghazaza maukuzi, palivi malo ghambura ukazuzi.

Danyele 8:10

Lingukuwa ukongwa kufika ku liŵanja la kuchanya ndi lingupong'a pasi mpingu wa nyenyezi zinyake ndi linguzidyakadyaka.

Jobu 15:25

Chifukwa watambaruliya janja lake kumikana ndi Chiuta. Ndipo wajikhozga kumikana ndi Wanthazizose.

Yeremiya 50:29

“Danani wakupong'a uta kumikana ndi Babiloni, wose wo mbakutweŵa uta. Goŵani kwakumuzunguliya: kupozomoskapo nanga njumoza cha. Mumuwezge kwakulingana ndi nchitu zake, mu muchitiye iyo kwakulingana ndi vyose vyo wachita, pakuti ndi kujikuzga kwake watafuliya Ambuya, Wakupaturika Yo waku Yisraele.