Yeremiya 48:2 - Tonga Bible 1986

² mbiri yaku Moabu yamara. Mu Heshiboni ŵangulongoso cheheni paku iyo: ‘Zaninga, timudumuwe kuti uŵe mtundu so cha!’ Imwe, namwe mwa ŵakuja mu Madimeni, mukachetamiskikanga; lipanga likakundondoloskaninga.

Yeremiya 48:2 Referans Kwoze

Yeremiya 31:36

“Asani ivi vyakukhozgeka vituwengepo paurongo pangu, atiti Ambuya, po ndipo mphapu yaku Yisraele yikamaranga kuŵa mtundu paurongo pangu muyaya.”

Yesaya 16:14

Kweni sono Ambuya atiti, “Mu virimika vitatu uli ndi virimika vya wanchitu ya kulondapo mphoto, unkhankhu waku Moabu ukayeyekanga, chingana wangaŵa ndi chimpingu chikuru, ndipo wo ŵakaŵanga ŵamoyo ŵakaŵanga ŵamanavi ukongwa ndi ŵakutomboroka.”

Maŵerengedu 32:37

Ŵina Rubene ŵanguzenga Heshiboni, Eleale. Kiriataimi,

Yeremiya 49:3

“Tenje, Heshiboni, we, pakuti Ai wachitika mapopa! Liyani, mwa ŵana ŵanthukazi ŵaku Raba! Jivwarikeni vigudulu, tenjeni, ndi chimbiyani uku ndi uku vivwati vya mphaka! Pakuti Milkomo wakayanga mu umkoli ŵazukuru ŵake ndi mafumu ghake.

Yeremiya 48:45

“Mu chiduzi cha Heshiboni ŵakuthaŵa ŵatuma kwambura nthazi; pakuti moto watuwa ku Heshiboni mulipu wa moto kutuwa ku nyumba yaku Sihoni, wabwanganduwa mphumi yaku Moabu, chifukwa cha ŵana ŵa viwawa.

Yeremiya 48:42

Moabu wakabwangandulikanga ndipo kuti ukaŵanga so mtundu wa ŵanthu cha; chifukwa wangujitumphuska kumikana ndi Ambuya.

Yeremiya 48:17

Muchitiyeni chitenje, imwe mose mwe pafupi nayo kwakumuzunguliya, ndi wose wo ŵaziŵa zina lake; nenani, ‘Yisweka uli ndodo ya nthazi yaufumu, ndodo ya unkhankhu.’

Yeremiya 46:28

Reka kopa, Yakobe we, wa muŵanda wangu, atiti Ambuya, pakuti nde nawe pamoza. Ndikachitanga umari wakufikapo wa mitundu yose yeniyo ndakudikiskiyako, kweni iwe kuti ndikuchitenge umari wakufikapo cha. Ndikakulanganga kwakurunjika, viyo kuti ndikalekangapo cha kukulanga.”

Yeremiya 33:24

“Kumbi ulivi kuteska chenicho ŵakamba ŵanthu yaŵa, kuti, ‘Kumbi Ambuya ataya mbumba ziŵi zo ŵangusankha?’ Viyo ŵanyoza ŵanthu ŵangu, kuti nge ndi mtundu so cha mu maso ghawo.

Yeremiya 25:17

Viyo ndinguto chandi mu janja la Ambuya, ndipo ndingumweska mitundu yose yo Ambuya angunditumako.

Yeremiya 25:15

Viyo Ambuya, Chiuta waku Yisraele, wanguti kwaku ine: “Ronde kutuwa mu janja langu chandi ichi cha vinyo wa ukari, ndipo umweske mitundu yose yeniyo ndikakutumangako.

Yesaya 25:10

Pakuti janja la Ambuya likapumuwanga pa phiri ili, ndipo Moabu wakapwatikiyanga pasi mu malo ghake, uli ndimo uteka upwatikiya pasi mu zenje la ndowa.

Yesaya 15:5

Mtima wangu uliya chifukwa chaku Moabu, ŵakuthaŵa ŵake ŵachimbiriya ku Zoara, ku Eglatisheshiya. Pakuti pachikwera chaku Luhiti ŵatendachiliya ŵachikwera, mu mseu wakuya ku Horonaimi wasoska chitenje cha pharghaniku.

Yesaya 15:1

Uchimi wa paku Moabu. Chifukwa Ara wachitika mapopa mu usiku umoza, Moabu wabwanganduka; chifukwa chakuti Kiri wachitika mapopa mu usiku umoza Moabu wabwanganduka.

Yeremiya 49:37

Ndikawofyanga ŵaElamu paurongo pa ŵakupindikana ŵawo, paurongo paku wo ŵapenja kuŵabaya. Ndikatolenga chiheni paku wo, kukwiya kwangu kwakofya, atiti Ambuya. Ndikatumanga lipanga pavuli pawo, mpaka penipo ndaŵamara;