Yeremiya 44:21 - Tonga Bible 1986

²¹ “Kwakuyana ndi vyachema vyo munguwoche mu misumba yaku Yuda ndi mu miseu ya Yerusalemu, imwe ndi auskemwe, ŵakaronga ŵinu ndi mafumu ghinu, ndi ŵanthu ŵa charu cho kumbi Ambuya kuti anguvikumbuka cha? Kumbi ŵengavi kughanaghanapo kanthu?

Yeremiya 44:21 Referans Kwoze

Yeremiya 44:17

Kweni tikachitanga chose cho tikupangana ndi rapu, koche vyachema fumukazi ya kuchanya, ndi kumpaska chisopo chakudira, nge ndimo tachitiyanga tose ifwe, auskefwe, ŵakaronga ŵidu ndi ŵaraŵara ŵidu, mu misumba yaku Yuda ndi mu miseu ya Yerusalemu. Pakuti pa nyengo ndipo tengavi kuwona kaheni.

Yeremiya 44:9

Kumbi mwaruwa mautimbanizi gha auskemwe, mautimbanizi gha ŵakaronga ŵaku Yuda, mautimbanizi gha ŵawoli ŵinu, gho ŵanguchita mu charu chaku Yuda ndi mu miseu ya Yerusalemu?

Yeremiya 14:10

Viyo atiti Ambuya ghapa ŵanthu yaŵa: “Ŵanja kuyingayinga kwa viyo, ŵalivi kukanizga marundi ghawo; chifukwa cho Ambuya kuti ŵati ŵaronde cha. Sono ŵakakumbukanga mautimbanizi ghawo, ndi kulanga mauheni ghawo.”

Yeremiya 11:13

Pakuti ŵachiuta ŵinu ŵandana nge ndi mizi yinu, Yuda we; ndipo viguŵa vya sembe vyo mwazenge ku chilengesku vyandana nge ndi miseu ya Yerusalemu, viguŵa vyakochiyapo sembe kwaku Bala.

Yesaya 64:9

Mungakaripanga kwakurutilizga, Ambuya mwe; ndipo rekani kukumbuka kulakwa muyaya. Ehe, ghanaghanani, ifwe tose te ŵanthu ŵinu.

Sumu 79:8

Rekani kusuzga ifwe pa uheni wa auskefwe, kweni tichitiyeni lisungu le, chifukwa tasiskikiya pasi ukongwa.

Amosi 8:7

Ambuya arapa ndi kuzirwa kwaku Yakobe: “Nadi kuti ndiruwenge cha, chingana ngumoza wa milimu yawo.

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Chivumbuzi 18:5

pakuti vyakulakwa vyake vyandundumiya mpaka kuchanya, ndipo Chiuta wakumbuka vyakwananga vyake.

Chivumbuzi 16:19

Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

Ezekiele 16:24

iwe ukujizenge chipinda chakusonthoka, ndi kujimangiya malo gha pachanya mugurwi we yose;

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

1 Samuele 15:3

Sono rutanga ukaŵathereske Amaleke, kwachinangiya limu vyose vyo ŵenavyo; kuŵagowoke cha, kweni kubaya wose munthurumi ndi munthukazi, litema ndi wakonkha, ng'ombe ndi mberere, gamila ndi mbunda.’ ”

Marangu 32:19

“Ambuya anguchiwona ndi anguvisuska chifukwa chakukaripiskika ndi ŵana ŵawo ŵanthurumi, ndi ŵana ŵawo ŵanthukazi.

Marangu 32:34

“Kumbi ichi asi chikuŵikika mu nkhokwe yangu, chikubisika mu mbiku yangu?

Yeremiya 32:32

chifukwa cha uheni wose wa ŵaYisraele ndi ŵaYuda weniwo ŵanguchita kundisosomole ku kukwiya, iwo, ndi ŵakaronga ŵawo, mafumu ghawo, ŵazukuru ŵawo, ŵamchimi ŵawo, ŵanthu ŵaku Yuda ndi ŵakuja mu Yerusalemu.

Yeremiya 44:20

Sono Yeremiya wangunena ndi ŵanthu wose, ŵanthurumi ndi ŵanthukazi, wose wo ŵangumwamuka mazu yagha wanguti;