Yeremiya 44:1 - Tonga Bible 1986

¹ Mazu gho ghanguza kwaku Yeremiya gha pa ŵaYuda wose wo ŵajanga mu charu cha Egipiti, pa Migidoli, pa Tapanesi, Mempisi, ndi mu charu cha Patarosi,

Yeremiya 44:1 Referans Kwoze

Yeremiya 46:14

“Ziŵiskani mu Egipiti, memezani mu Migidoli, memezani mu Mempisi ndi Tapanesi; nenani, ‘Mume ndipo murongosoleke, pakuti lipanga likarghanga kwakuzunguliya imwe!’

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Chituwa 14:2

“Ŵanene ŵaYisraele kuwere vuli ndi kwachigoŵa ku maso Pihahiroto, pakati pa Migidolo ndi nyanja ku maso kwa Balizefoni; mwamugoŵa kuthuŵezgana nagho, pafupi pa nyanja.

Yesaya 19:13

Ŵeruzgi ŵa Zoani ŵasanduka ŵabereŵeza, ndipo ŵeruzgi ŵa Mefisi ŵapusikika, wo ndi mya ya nyondo ya makhamu ghake ŵarandizga Egipiti.

Ezekiele 30:18

Pa Tehafenesi lumwi likaŵanga mdima, po ndiphwanya ufumu wa Egipiti kwenikuwa, ndipo nthazi ya kujikuzga kwake yikamaranga; wakabenekerekanga ndi mtambo, ŵana ŵake ŵanthukazi ŵakarutanga ku umkoli.

Ezekiele 30:16

Ndipembenge moto mu Egipiti; Pelusimu wakaŵanga mu soka likuru; Tebesi wakabwangandukanga, malinga ghake ghakawiskikanga.

Ezekiele 30:14

Patrosi ndikamusanduskanga phasulu, ndi kupong'a moto ku Zoani, ndipo ndikafiskanga nchitu za cheruzgu pa Tebesi.

Ezekiele 29:14

ndipo ndikawezgiyanga umampha pa Egipiti, ndi kuŵawezge so mu charu cha Patrosi, charu cha kawi kawo; ndipo kwenikuwa ŵakaŵanga ufumu wakupepuka.

Yeremiya 46:19

Jirongosoliyeni katundu waku umkoli, owe mwa ŵakuja mu Egipiti imwe! Pakuti Mempisi wakaŵanga mapopa, phasulu wambura wakujamo.

Yeremiya 2:16

Ndipo so ŵanthu ŵamu Mefisi ndi Tafanesi ŵaswa mphumphu yapa mutu wako ya ufumu.

Ezekiele 29:10

mu chifukwa cho, awona ndimikana nawe, ndimikana ndi misinji yako, ndikasanduskanga charu cha Egipiti mapopa yigho ndi phasulu, kutuwa ku Migdolo mpaka ku Siyene, kurutiliya ku mphaka yaku Etiopia.

Chiyambo 10:14

Patrusimu, Kasluhimu mo mungutuwa ŵaFilisti ndi Kapatorimi.

Yeremiya 24:8

“Kweni atiti viyo Ambuya: Kwakukozgana ndi nkhuyu ziheni zo kuti zingarghika cha, ndimu ndikachitiyanga ndi Zedekiya karonga waku Yuda, ŵaraŵara ŵake, ndi ŵakujapo ŵa Yerusalemu wo ŵakajangapo mu charu, ndi ŵakuja mu charu cha Egipiti.

Yeremiya 43:13

Wazamkuswa mya ya Heleopole yo ye mu charu cha Egipiti, ndi wazamukocha ndi moto nyumba za ŵachiuta ŵa Egipiti.’ ”

Ezekiele 30:13

“Viyo atiti Ambuya Chiuta: Ndiparghang'enge ŵangoza, ndikurekeska vikozgo mu Mefisi; kuti mukaŵanga so fumu cha mu charu cha Egipiti inya ndiŵikengemo mantha mu Egipiti.

Hoseya 9:6

Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.

Yeremiya 44:15

Sono ŵanthurumi wose ŵeniwo ŵanguziwa kuti ŵawoli ŵawo ŵangupereka vyachema ku ŵachiuta ŵanyake, ndi ŵanthukazi wose wo ŵanguma penipa, mpingu ukuru, wose ŵakuja mu Patarose mu charu cha Egipiti, ŵangwamuka Yeremiya: