Yeremiya 43:12 - Tonga Bible 1986

¹² Wazamkozga moto mu nyumba za ŵachiuta ŵaEgipiti: ndipo waza mukocha ndi kuŵayola ku uŵanda ndipo wazamtozga charu cha Egipiti, ulindimo mliska watozge chiphemeska chake cha vyakuruma: ndipo wazamtuwako kuwa mu chimangu.

Yeremiya 43:12 Referans Kwoze

Ezekiele 30:13

“Viyo atiti Ambuya Chiuta: Ndiparghang'enge ŵangoza, ndikurekeska vikozgo mu Mefisi; kuti mukaŵanga so fumu cha mu charu cha Egipiti inya ndiŵikengemo mantha mu Egipiti.

Yesaya 49:18

Soska maso ghako kwakuzunguliya ndi wona; wose ŵawungana, ŵatuza kwaku iwe. Ndichiŵa wamoyo, atiti Ambuya, ukaŵavwaranga wose uli nchinozgeru, ukajimangiliyanga nawo uli ndimo wachitiya munthukazi wa nthengwa.

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Yeremiya 48:7

Chifukwa mungugomezga mu malinga ghinu ndi mu chuma chinu, imwe namwe mukatolekanga; ndipo Kemoshi wakarutanga ku umkoli, ŵazukuru ŵake ndi mafumu ghake.

Yeremiya 46:25

Ambuya Chiuta wa maŵanja, Chiuta waku Yisraele, wanguti: “Ehe, ndituza ndi kulanga paku Amoni waku Tebesi ndi Farao ndi Egipiti ndi ŵachiuta ŵake ndi ŵakaronga ŵake, paku Farao ndi wose ŵakugomekezga mwake.

Sumu 104:2

mwajivwinkha ndi kungweruka nge ndi raya, mwatandika machanya nge ndi hema.

Jobu 40:10

“Ujitoweske sono ndi ukuru wako ndiso ulemu wako, ujivwarike unkhankhu ndi utozi.

Estere 6:9

ndipo vyakuvwara ndi kavalo viperekeke ku nkhankhu yumoza ya mafumu gha karonga kuti ŵamuvwarike munthu yo karonga wakondwa nayo ku mtumbika, kuza nayo pa kavalo kwenda mu mseu mukati mu msumba, ndi kukambura paurongo pake: ‘Viyo ndimu kumchitikiyenge munthu yo karonga wakondwa nayo kumtumbika.’ ”

2 Samuele 5:21

Ndipo ŵaFilisti ŵangusiyako ŵangoza ŵawo, Davidi ndi ŵanthu ŵake ŵanguvito.

Chituwa 12:12

Pakuti ndikarutanga mu charu chose cha Egipiti, mu usiku uwa, ndi nkhabayanga wana ŵaumwali wose ŵa ŵanthu ndi ŵa nyama; ndipo pa ŵachiuta wose ŵaEgipiti ndikachitanga cheruzgu: Ndine Ambuya.

ŴaKolose 3:14

Ndipo pachanya paku vyose ivi vwarani chanju, chenicho chimanga pamoza vyose mu wanasi wakufikapo.

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

ŴaEfeso 6:11

Jiphatiyeni vidya vyose vyaku Chiuta, kuti muŵe ŵanthazi imwe kumikirana ndi mauthyanithyani gha diabolo yo.

ŴaEfeso 4:24

ndi kuti muvware munthu mufya, yo kwakuyana ndi Chiuta ngwakulengeka mu urunji ndi ukhovu wa uneneska.

ŴaRoma 13:12

Usiku wakapo, ndipo msana we kufupi: viyo tizizuwe nchitu za mdima,

Zefaniya 2:11

Ambuya aŵenge akofya kwaku iwo; awondeskenge ŵachiuta wose panu pasi, ndipo kwaku iyo ŵangwadiyenge ŵanthu ŵa mitundu yose mu charu chawo ndi chawo.

Yeremiya 51:44

Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Yeremiya 50:2

“Ŵandiska mukati mu mitundu ndi memeza, umike mbendera umemeze, ungabisanga cha, kamba kuti: ‘Babiloni watoreka Belo walengeskeka, Merodaki wadika nthazi. Vikozgu vyake vyalengeskeka ŵangoza ŵake ŵamara nthazi.’

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Yesaya 61:5

Ŵalendo ŵakamanga ndi kuliska miskambu yinu, ŵanthu ŵa vyaru vinyake ŵakaŵanga ŵalimi ŵinu ndi ŵakurongoso mphereska,

Yesaya 59:17

Wavwala ukongorekwa uli nchivekeru chapa mtima, ndi chisoti cha utaski pa mutu wake; wavwala vivwaro vya thayu nge ndi saru, ndipo wajivunga mu ufyu uli nchiphemeska.

Yesaya 52:1

Yuka, yuka, vwara nthazi yako, Zioni we; vwara vivwalo vyako vyakunozga, Yerusalemu we, muzi wakupaturika; pakuti wambura mchinju ndi ŵakazuzi kuti ŵakazanga so mwaku imwe cha.

Yesaya 46:1

Belo wajikama pasi, Nebo wakotama, ŵangoza ŵawo ŵe pa viŵetu ndi ng'ombe; ivi vinthu mupinga vinyekezgeka uli ndi katundu pa nyama zakuvuka.

Yesaya 21:9

Ndipo ehe, eyaŵa ŵatuza ŵapa ŵaKavalo, ŵatenda ŵaŵi-ŵaŵi!” Ndipo iyo ŵangwamuka, “Wawa, wawa Babiloni; ndipo vyangoza vyose vya ŵachiuta ŵake waswiya pasi.”

Sumu 132:18

Ŵarwani ŵake ndikaŵavwarikanga soni, kweni paku iyo mweneko chifuku chake chikaperekanga kuŵala.”

Sumu 132:16

Ŵazukuru ŵake ndikaŵavwarikanga utaski, ndipo ŵanthu ŵake ŵakambanga ndi kukambura kwa chimwemwe.

Yesaya 46:2

Zikotama, ndi kujimiya pamoza, kuti zingataska katundu cha, kweni izo zeneko ziruta mu uŵanda.

Yeremiya 43:13

Wazamkuswa mya ya Heleopole yo ye mu charu cha Egipiti, ndi wazamukocha ndi moto nyumba za ŵachiuta ŵa Egipiti.’ ”

Yeremiya 49:27

Ndipo ndikakozganga moto mu linga la Damasko ndipo ukarghanga malinga ghaku Benehadadi.”

Ezekiele 29:11

Kuti rikaporotangamo rundi la munthu pamwenga la nyama cha; chikaŵanga charu chambura wakujamo kwa virimika machumi ghanayi (40).

Danyele 11:8

Ŵarutenge so ndi ŵachiuta ŵawo ku Egipiti nge mbamikoli, ndi ŵangoza ŵawo ŵakusongono, ndi viyaŵi vyawo vyakuzirwa vya siliva ndi vya golide. Ndipo mu virimika vinyake ŵarwenge nkhondo cha ndi karonga waku nkhonde.

Yeremiya 10:11

Viyo ndimu ukambiye kwaku wo: “Ŵachiuta ŵeniwo ŵengavi kulenga machanya ndi charu chapasi ŵakamaranga mu charu chapasi ndi kusi ku mitambo.”

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yeremiya 25:19

Farao karonga wa Egipiti, ŵaŵanda ŵake, ŵaraŵara ŵake, ŵanthu ŵake wose,

Ezekiele 29:19

Chifukwa cho Ambuya Chiuta atiti: Awonani, ndikaperekanga charu cha Egipiti kwaku Nebukadanezara karonga waku Babiloni; wakayoranga usambasi wake wose, kuwuskoŵa ndi kuwukwamphuwa; ndipo ndi wo wamukuwa mphoto ya ŵankhondo ŵake.