Yeremiya 43:10 - Tonga Bible 1986

¹⁰ ndipo ukanene kwaku wo, ‘Viyo atiti Ambuya ŵa maŵanja, Chiuta waku Yisraele: Ehe, ndikatumanga ndi kuto Nebukadanezara karonga wa Babiloni, mteŵeti wangu, ndipo wazamumika chitengo chake pachanya pa mya iyi yeniyo ndabisa, ndipo wazamtandika saru yake ya ukaronga pachanya pake.

Yeremiya 43:10 Referans Kwoze

Yeremiya 1:15

Pakuti, ehe, ndikadananga makhamu ghose gha maufumu ghaku nkhonde, atiti Ambuya; ŵakazanga, ndipo we yose wazamuŵika chitengo chake pakuserere pa malikomo gha Yerusalemu kunyekezga ku malinga ghake kwakuzunguliya kose ndi pa mizi yose yaku Yuda.

Yesaya 44:28

mweniyo watiti gha paku Sirusi. ‘Ndi mliska wangu, ndipo wakafiskanga chose cho ndikhumba’; watiti gha paku Yerusalemu, ‘Wakazengekanga,’ ndi gha nyumba yakupaturika, ‘Chiŵanji chako chikamikikanga.’ ”

Sumu 31:20

Mwaŵabisa mu chakubisamamo cha uŵapo winu, ku viŵembu vyaŵanthu; mwaŵakoreze umamphavi kusi ku chivwinkhu chinu, ku kukweŵeskana kwa malilime.

Sumu 27:5

Chifukwa akandibisanga mu mduzi wawo mu zuŵa la suzgu yangu; andijariyenge mukati mu hema lawo, andimekenge pachanya pa jarawi.

Sumu 18:11

Wangusanduska mdima kuŵa chakubisamamo chake, hema lake linguŵa mitambo ya mdima yakuzaza maji.

Mateyu 22:7

Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo.

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

1 ŴaKaronga 20:16

Ndipo wangutuwa ndi msana pakati, panyengo yo Benehadadi wamwanga ndi kuloŵe mu misasa, iyo pamoza ndi mafumu machumi ghatatu ndi ŵaŵi (32) wo ŵamovyanga.

1 ŴaKaronga 20:12

Penipo Benehadadi wanguvwa mazu yagha po wamwanga pamoza ndi mafumu mu msasa, wanguti ku ŵanthu ŵake, “Jirongosoni.” Ndipo ŵangujirongoso kumikana ndi msumba.

Yesaya 45:1

Viyo atiti Ambuya ku wakupakika wawo, kwaku Surusi, yo ndakhomeska janja lake la marghe kuthereska mitundu paurongo pake ndi kufwatuwa viunu vya ŵakaronga, kujura makhomo paurongo pake kuti vipata vireke kujarika:

Yeremiya 43:9

“Utole mu manja ghako mya yikuru, ndipo uyibise mu mchenga ndi dongo vyakukasa mu kanthowa ko ke pa khomo lakuserere ku nyumba ya ufumu yaku Farao mu Tapanesi pa maso pa ŵaYuda,

Yeremiya 46:13

Mazu gho Ambuya angukamba kwaku Yeremiya mchimi gha paku Nebukadanezara karonga wa Babiloni gha kwachikoso charu cha Egipiti:

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

Yeremiya 49:38

ndikamikanga chitengo changu cha ujumu mu Elamu, kuphwanya karonga wawo ndi ŵaraŵara, atiti Ambuya.