Yeremiya 43:1 - Tonga Bible 1986

¹ Yeremiya wanguti wamara kurongoro ku ŵanthu wose mazu yagha ghose gha Ambuya Chiuta wawo, gho Ambuya Chiuta wawo wangumutuma kukamba kwaku iwo,

Yeremiya 43:1 Referans Kwoze

Yeremiya 26:8

Ndipo penipo Yeremiya wanguti wamara kukamba vyose vyenivyo Ambuya angumulanguliya ku ŵanthu, ŵazukuru, ndi ŵamchimi, ndi ŵanthu wose ŵangumuko, ŵanguti, “Ukafwanga!

Yeremiya 51:63

Utakuti wachimara kuwerenga buku ili ukamangiriyeko mwa kwaku lo, ndi ukalipong'e pakati pa Efrate,

Yeremiya 42:22

Sono chifukwa cho ziŵiskani kuti mukafwanga ndi lipanga, ndi chilala, ndi chideru mu malo ghenigho munweka kwachijamo.”

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.

Machitidu gha Ŵakutumika 5:20

“Kaninga; ndipo mani mu kasopi mo, ndi kambani ku khamu manenedu ghose gha Umoyo uwu.”

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Yeremiya 26:2

“Viyo atiti Ambuya: Ume mu bwalo la nyumba ya Ambuya, ndipo urongoro ku misumba yaku Yuda yeniyo yituza kwachisopa mu nyumba ya Ambuya mazu ghose gho ndakulanguliya kwachirongoro nawo; ungasiyangako nanga ngamoza cha.

Yeremiya 1:17

Kweni iwe ujichinyiye mu chiunu chako; soka, ukaŵanene che chose cho ndikulanguliyenge iwe. Ungawopanga iwo cha vinu ndingakuwopeska paurongo pawo.

Yeremiya 1:7

Kweni Ambuya anguti kwaku ine, “Reka kukamba kuti, ‘Nde mwanamana’; pakuti kwaku wose wo ndikutumengeko ukarutanga, ndipo chose cho ndilanguliyenge iwe ukachikambanga.

1 Samuele 8:10

Viyo Samuele wanguŵakonkhoske ŵanthu wo ŵamupemphanga karonga mazu ghose gha Ambuya.

Chituwa 24:3

Mosese wanguza ndi wanguŵakambiya ŵanthu mazu ghose gha Ambuya ndi vyeruzgu vyose; ndipo ŵanthu wose ŵangwamuka ndi mazu ghamoza, ndi ŵanguti, “Mazu ghose gho Ambuya akamba tikachitanga.”

Chiyambo 19:14

Viyo Lote wangutuwiya ku bwalo, ndi wanguti ku ŵakosanu ŵake, wo ŵatinge ŵatonge ŵana ŵake ŵanthukazi, “Sokani, tuwanimo mu malo yagha pakuti Ambuya ŵe pafupi kuparghang'a msumba uwu.” Kweni ku ŵakosanu ŵake kunguwoneka ulaka wapekula.

Yeremiya 5:12

Ŵakamba vya utesi pa Ambuya, ndipo ŵatiti, ‘Kuti wachitenge kanthu cha; palivi chiheni cho chikazanga paku ifwe, chingana nkhuti tikawonanga lipanga pamwenga chilala cha.

Yeremiya 42:21

Ndipo msana wale ndakutauliyani ichi, kweni kuti mwavwiya mazu gha Ambuya Chiuta winu cha, kuchita cho wangundituma kumuneniyani.