Yeremiya 42:4 - Tonga Bible 1986

⁴ Yeremiya wanguti kwaku wo, “Ndamuvwani, ehe, ndikarombanga ku Ambuya Chiuta winu nge ndimo mwapemphe, ndipo chenicho chose Ambuya akamukanga ndikuneniyeninge: kuti ndikabisanga kanthu kwaku imwe cha.”

Yeremiya 42:4 Referans Kwoze

Sumu 40:10

Chovyo cha utaski winu kuti ndachibisa mukati mwa mtima wangu cha, ndakamba gha kugomezgeka kwinu ndi chipozomosko chinu. Kuti ndabisa cha chifundu chinu ndi ukongorekwa winu ku unganu ukuru.

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

Chituwa 8:29

Sono Mosese wanguti, “Ine ndituwako kwinu ndipo ndamuromba ku Ambuya kuti milembwe ya nyezi yituweko kwaku Farao ku ŵaŵanda ŵake, ndi ku ŵanthu ŵake, la mawa; kweni Farao wareke kuchita kwakupusika so pakuŵakaniya ŵanthu kuruta kwachipereka sembe ku Ambuya.”

Machitidu gha Ŵakutumika 20:20

po ndengavi kusisiya kanthu kakukovyani, ndi kukutauliyani pakweru, ndi ku nyumba ndi nyumba,

Yeremiya 23:28

Rekani mchimi yo wendi loto wakambe loto lo, kweni yo wendi mazu ghangu wakambe mazu ghangu kwamagomekezgeka. Kumbi mwere usangananji ndi trigu? atiti Ambuya.

ŴaRoma 10:1

Mwa ŵabali, linkweka la mtima wangu ndi niniziku langu lakwaku Chiuta pa chifukwa chaku wo, ndikhumba kuti ŵataskike.

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.

Ezekiele 2:7

Mazu ghangu ndigho ukambenge kwaku iwo, manyi ŵatuvwa pamwenga ŵakana kuvwa, pakuti ndiwo nyumba ya chigaruka.

Yeremiya 23:35

Mukakambanga viyo, we yose ku mwanasi wake ndi we yose ku mwana munyake, ‘Kumbi Ambuya ŵamukanje?’ pamwenga ‘Ambuya ŵakambanje?’

Yeremiya 26:2

“Viyo atiti Ambuya: Ume mu bwalo la nyumba ya Ambuya, ndipo urongoro ku misumba yaku Yuda yeniyo yituza kwachisopa mu nyumba ya Ambuya mazu ghose gho ndakulanguliya kwachirongoro nawo; ungasiyangako nanga ngamoza cha.