Yeremiya 42:16 - Tonga Bible 1986

¹⁶ po ndipo lipanga lo mutopa likamusaniyaninga kwenikuwa mu charu cha Egipiti: chilala cho mutopa chikandondoloskanga ndi nthazi pavuli pinu ku Egipiti; ndipo mwamufwiya kwenikuwa.

Yeremiya 42:16 Referans Kwoze

Ezekiele 11:8

Mwawopa lipanga; ine ndikatoriyanga lipanga paku imwe, atiti Ambuya chiuta.

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yohane 11:48

Asani timreka waka viyo wose ŵavwanenge mwaku iyo ndipo ŵakazanga ŵaRoma, ŵazamubwanganduwa malo ghidu ghakupaturika pamoza ndi mtundu widu nawo.”

Zekariya 1:6

Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”

Yeremiya 42:13

Kweni asani mutiti, ‘Kuti tikajaririyanga mu charu ichi cha,’ kureka kuvwiya mazu gha Ambuya Chiuta winu ndi kunena kuti,

Nthanthi 13:21

Soka lidikiskana ndi ŵaheni, kweni kusakata kupaska mphoto kuwakurunjika.

Marangu 28:45

Matembo ghose yagha ghakaŵanga paku imwe, ghakamundondoloskaninga ndi kumusaniyani, mpaka penipo mose mwanangika, pakuti mungureka kuvwiya mazu gha Ambuya Chiuta winu, kusunga marangu ghake, ndi visambizgu vyake vyo wangumulanguliyani.

Marangu 28:22

Ambuya akamupumaninga ndi nthenda ya kamphumu, ndi ya kufunda mu liŵavu, ya kutupa, ndi yakocha ukongwa liŵavu, ndi chilangalanga, chimphunga, ndi chuku. Ivi vikamurondoninga mpaka mumare.

Marangu 28:15

“Kweni asani kuti mukavwiyanga cha mazu gha Ambuya Chiuta winu, pamwenga kuphwere kuchita marangu ghake ghose ndi malangulu ghake gho ndikutauliyani zuŵa ili, iku matembo ghose yagha ghakazanga paku imwe ndi kumunangani.

Yeremiya 27:8

“ ‘ “Kweni asani mtundu we wose, pamwenga ufumu, ukarekanga kutataliya Nebukadanezara, karonga wa Babiloni, ndi kureka kuŵika khosi lake mu gori la karonga wa Babiloni; ine ndikawulanganga mtundu wo ndi lipanga, ndi chilala, ndi chideru, mpaka penipo ndawumara ndi janja lake, atiti Ambuya.

Yeremiya 41:18

chifukwa cha ŵaKaldiya; pakuti ŵawopanga, chifukwa Ishimaele mwana waku Netaniya wangubaya Gedaliya mwana waku Ahikamu, mweniyo karonga waku Babiloni wangumumika kuŵa mumirizi pa charu chiya.