Yeremiya 42:10 - Tonga Bible 1986

¹⁰ asani mukajaririyanga mu charu ichi, iku ndikakuzenganinga, kumuguziyani pasi cha; ndikakupandaninga, ndipo kuti ndikuponthoninga cha; pakuti ndaweko ku uheni wo ndikumuchitiyani.

Yeremiya 42:10 Referans Kwoze

Ezekiele 36:36

Penipo ndipo ŵa mitundu wo ŵakusiyika kuzingirizga imwe ŵakaziŵanga kuti ine, Ambuya, ndazenga malo ghakubwanganduka, ndapanda so gho ghanguŵa phasulu; ine, Ambuya, ndakamba, ndipo ndikachichitanga.

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yeremiya 24:6

Ndikalereskanga iwo kuŵachitiya umampha, ndipo ndikaŵawezgiyanga ku charu ichi. Ndikaŵazenganga, ndi kuti ndiŵapasuliyenge pasi cha; ndikaŵapandanga, ndipo kuti ndikaŵazuwanga cha.

Yoele 2:13

muparuwe mitima yinu, vyakuvwala vinu cha.” Ng'anamukiyani ku Ambuya Chiuta winu, chifukwa ngwamampha ndi walisungu, wambura kukalipa ruŵi, ndi wakuzara chanju chikuru, ndi wakugowoke uheni.

Amosi 7:6

Ambuya angugowoka paku ichi; “Ichi nacho chikaŵangako cha,” anguti Ambuya Chiuta.

Yeremiya 33:7

Ndikaŵawezganga ŵamikoli ŵaku Yuda ndi ŵamikoli ŵaku Yisraele, ndi kuŵazenga so uli ndimo ŵanguŵiya pakudanga.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Yona 3:10

Penipo Chiuta wanguwona cho wanguchita, mo ŵangunyongoke ku nthowa yawo yiheni, Chiuta wangugowoka kureka kuchita uheni wo wangunena kuti wachitenge kwaku iwo; ndipo kuti wanguchita cha.

Amosi 7:3

Ambuya angugowoka paku ichi; “Kuti kukaŵanga viyo cha,” atiti Ambuya.

Hoseya 11:8

Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Chituwa 32:14

Ndipo Ambuya angung'anamukako ku uheni wo angughanaghana kuchita kuŵanthu ŵawo.

Machitidu gha Ŵakutumika 15:16

‘Pavuli paku vyenivi ndamuwe, ndipo ndamzenga so hema laku Davidi, lo lawa; ndipo ndamzenga vibwanganduka vyake, ndipo ndamkulimiska:

Yeremiya 26:19

“Kumbi Hezekiya karonga waku Yuda ndi ŵaYuda wose angumubaya? Kuti ŵangopa Ambuya cha ndi wanguŵeyerere lisungu la Ambuya, ndipo kuti Ambuya angugowoka cha ku chiheni chenicho wangutauliya paku wo? Kweni ifwe tikhumba kujidaniya uheni ukuru paku taŵeni.”

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Sumu 102:16

Ambuya achizenga so Zioni, akavumbuwanga ukuru wawo.

Sumu 69:35

Chifukwa Chiuta wakataskanga Zioni, ndi kuzenga so misumba yaku Yuda; ŵanthu ŵake ŵakajanga mwenimo ndi kuhara charu;

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

2 Samuele 24:16

Ndipo mungelo wa Ambuya wanguti watambasuliya janja lake pa Yerusalemu ku ŵaparghang'a, Ambuya anguchita chitima ndi uheni uwu, ndipo angunena ndi mungelo wa nchitu ya kuparghang'a ŵanthu, “Mbwenu kwa kwana sono gowozga janja lako.” Ndipo mungelo wa Ambuya wenga pa mbuli waku Arauna muYebusi.

Ŵeruzgi 2:18

Penipo pose Ambuya anguŵamikiya ŵeruzgi, Ambuya ŵenga pamoza ndi mweruzgi, ndipo anguŵapozomoska ku janja la ŵakupindikana ŵawo mu mazuwa ghose gha mweruzgi yo; pakuti Ambuya angukoreka chifundu pa mitamanthu yawo chifukwa cha ŵakuŵayuzga ndi kuŵasuzga.

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

Yeremiya 27:11

Kweni mtundu we wose weniwo ukaŵikanga khose lake mu gori la karonga wa Babiloni ndi kumutataliya, ndikawusiyanga pa charu chake, kulima, ndi kuja mwenimo, atiti Ambuya.” ’ ”

Yeremiya 43:4

Viyo Yohanani, mwana waku Kareya, ndi zinduna za maŵanja ndi ŵanthu wose kuti ŵanguvwiya cha mazu gha Ambuya, kujaririya mu charu chaku Yuda.

Yona 3:4

Yona wangwamba kusere mu msumba wangwenda lwendo la zuŵa limoza ndipo wangubongo, ndi wanguti, “Kwaja mazuŵa machumi ghanayi (40) pe Nineve wakabwangandulikanga!”